എ.ആര്‍. റഹ്മാ​െൻറ ലൈവ് പെര്‍ഫോമന്‍സോടെ 2.0 ഓഡിയോ ലോഞ്ച് ഇന്ന്​

ദുബൈ: തമിഴ്​നാട്ടിൽ എവിടെയും കണ്ടുമുട്ടാമെന്ന്​ തോന്നുന്ന തരത്തിൽ ലളിതമായ രൂപഭാവങ്ങളോടെ തെന്നിന്ത്യൻ സിനിമയുടെ മുടിചുടാമന്നൻ രജനികാന്ത്​, സ്വന്തം മുഖത്തും കാണുന്നവരുടെ മുഖത്തും ചിരി വിരിയിക്കുന്ന അക്ഷയ്​കുമാർ. യന്തിര​​​​​​െൻറ തുടര്‍ച്ചയായ 2 പോയൻറ്​ ഒ എന്ന ത്രീഡി സിനിമ കാണു​േമ്പാൾ ആദ്യമുണ്ടായേക്കാവുന്ന അത്​ഭുതം ലോക നിലവാരത്തിൽ തയാറാക്കിയ സിനിമയിൽ നായകനും വില്ലനുമായി ഇവർ വേഷപ്പകർച്ച നടത്തിയെന്നതായിരിക്കും.

ചിത്രത്തി​​​​​​െൻറ ഓഡിയോ ലോഞ്ച് പ്രഖ്യാപിക്കാൻ വിളിച്ചു ചേര്‍ത്ത വാര്‍ത്താസമ്മേളനത്തിൽ പ​െങ്കടുത്തവർക്കൊക്കെയും അറിയേണ്ടതും ഇതുതന്നെയായിരുന്നു.  ദുബൈ ബുര്‍ജുല്‍ അറബി​​​​​​െൻറ നെറുകയിലെ ഹെലിപ്പാഡിലേക്ക്​ ഹെലിക്കോപ്​റ്ററിൽ വന്നിറങ്ങിയ ഇരുവരും ചോദ്യങ്ങളെ പതിവ്​ ചിരിയോടെയാണ്​ നേരിട്ടത്​.  ഇന്ത്യന്‍ സിനിമയെ ആഗോളതലത്തില്‍ അടയാളപ്പെടുത്തുന്ന സിനിമയായിരിക്കും 2.0 എന്ന രജനീകാന്ത് പറഞ്ഞു. സാധാരണ മനുഷ്യനായി കഴിയുന്ന രജനികാന്ത്​ എങ്ങനെ അത്ഭുതകരമായ കഥാപാത്രങ്ങളായി മാറുന്നു എന്നതായിരുന്നു ഒര​ു ചോദ്യം. വെറുതെ നടക്കുന്ന മനുഷ്യന്​ ആരും സ്​നേഹമോ പണമോ നൽകില്ലെന്നായിരുന്നു അദ്ദേഹത്തി​​​​​​െൻറ മറുപടി. 

ക്രൂരനായ വില്ലനാവാൻ എന്ത്​ തയാറെടുപ്പ്​ നടത്തിയെന്ന സംശയത്തിന്​ അത്​ സംഭവിക്കുകയായിരുന്നുവെന്ന്​ അക്ഷയ്​ കുമാർ മറുപടി നൽകി. ഒരു നടനും മുൻപൊരിക്കലും ലഭിച്ചിട്ടില്ലാത്ത കഥാപാത്രത്തെയാണ് താന്‍ അവതരിപ്പിക്കുന്നത്​.  രജനികാന്തി​​​​​​െൻറ തല്ല്​ കിട്ടുന്നതും ബഹുമാനമാ​െണന്നായിരുന്നു അക്ഷയി​​​​​​െൻറ മറുപടി.  2.0 യെ യന്തിര​​​​​​െൻറ തുടര്‍ച്ചയായി കാണരുതെന്ന്​ സംവിധായകന്‍ ശങ്കർ പറഞ്ഞു. 

ഹോളിവുഡ്​ സിനിമയുടെ രീതിയിൽ തയാറാക്കുന്ന ചിത്രത്തി​​​​​​െൻറ സന്ദേശം​ ലോകത്തിന്​ മുഴുവനുള്ളതായിരിക്കും. സിനിമയിലെ മൂന്ന് ഗാനങ്ങളില്‍ രണ്ടെണ്ണം ഇന്ന്​ പുറത്തിറക്കുമെന്ന്​ സംഗീത സംവിധായകന്‍ എ.ആര്‍ റഹ്‍മാന്‍ പറഞ്ഞു. ദുബൈയിലെ ബുര്‍ജ് പാര്‍ക്കില്‍  എ ആര്‍ റഹ്മാന്റെ ലൈവ് പെര്‍ഫോമന്‍സോയെയായിരിക്കും ഗാനങ്ങള്‍ പുറത്തിറക്കുക. സംഗീതത്തിനൊപ്പം നായിക ആമി ജാക്സന്‍ ചുവടുവെക്കും. നിര്‍മാതാവ് സുഭാസ്കരനും വാർത്താസമ്മേളനത്തിൽ പ​െങ്കടുത്തു. ആറ്​ കോടി ഡോളര്‍ അഥവാ 385 കോടി രൂപ ചെലവില്‍ നിര്‍മിക്കുന്ന സിനിമ ജനുവരിയിലാണ് തിയേറ്ററുകളിലെത്തുക.