‘‘കൈയടിക്കുന്നതും ശംഖ്​ മുഴക്കുന്നതും വൈറസിനെ തുരത്തും’’; വിവാദ ട്വീറ്റ്​ ബച്ചൻ നീക്കം ചെയ്​തു

മുംബൈ: കൊറോണ വൈറസ്​ വ്യാപകമാകുന്ന സാഹചര്യത്തിൽ പ്രധാനമന്ത്രി നരേന്ദ്ര മോദി ആഹ്വാനം ചെയ്​ത ജനത കർഫ്യൂവിനെ അനുകൂലിച്ച്​ അമിതാഭ്​ ബച്ച​ൻ പോസ്​റ്റ്​ ചെയ്​ത ട്വീറ്റ്​ നീക്കം ചെയ്​തു.

ബച്ചൻ ട്വീറ്റ്​ ചെയ്​തത്​​ ഇങ്ങനെ- ‘'ഒരു അഭിപ്രായം പങ്കുവെക്കുന്നു. മാർച്ച് 22 അമാവാസി ദിസമാണ്​. അതായത്​ ഒരു മാസത്തിലെ ഏറ്റവും ഇരുട്ടുള്ള ദിവസം. വൈറസ്, ബാക്റ്റീരിയ മറ്റ് പൈശാചിക ശക്തികൾ ഇവയെല്ലാം ഏറ്റവും കൂടുതൽ ശക്തി പ്രാപിക്കുന്നത്​ ഈ ദിവസമാണ്​. ഈ അവസരത്തിൽ കൈ അടിക്കുന്നതും ശംഖ് മുഴക്കുന്നതും വൈറസിനെ ദുർബലപ്പെടുത്തും. അങ്ങനെ ചന്ദ്രൻ പുതിയ നക്ഷത്ര രേവതിയിലേക്ക് യാത്രയാകും. അതി​​െൻറ ഫലമായി രക്തചംക്രമണം മികച്ചതാവും ’’

എന്നാൽ പ്രസ്​തുത ട്വീറ്റിനുനേരെ വിമർശനവുമായി നിരവധി പേർ വന്നതോടെ പോസ്​റ്റ്​ നീക്കം ചെയ്​തിരുന്നു. തെറ്റായ വിവരം പങ്കുവെച്ചതിനെ തുടർന്ന്​ തമിഴ്​ സൂപ്പർതാരം രജനികാന്ത് ഇന്നലെ​ ട്വിറ്ററിൽ നിന്നും വീഡിയോ നീക്കം ചെയ്​തിരുന്നു.