ഒ.ടി.ടി റിലീസ്​; അക്ഷയ്​ കുമാറി​െൻറ ലക്ഷ്​മി ബോംബ്​​ ഹോട്​സ്റ്റാറിന്​ വിറ്റത്​​ റെക്കോർഡ്​ തുകക്ക്​

17:43 PM
30/05/2020
laxmi-bomb-ott

ന്യൂഡൽഹി: ഒടുവിൽ ഒരു സൂപ്പർതാരത്തി​​െൻറ വമ്പൻ ഹൈപ്പുള്ള ചിത്രവും നേരിട്ട്​ ഒ.ടി.ടി റിലീസിനൊരുങ്ങുന്നു. ബോളിവുഡ്​ സൂപ്പർതാരം അക്ഷയ്കുമാര്‍ നായകനായ ലക്ഷ്മി ബോംബാണ്​ ഡിസ്​നി പ്ലസ്​ ഹോട്​സ്റ്റാർ സ്വന്തമാക്കിയിരിക്കുന്നത്​. ഇതുവരെ ഒരു ഇന്ത്യൻ ചിത്രത്തിന് പോലും​ ലഭിക്കാത്ത ഭീമൻ തുകയാണ്​ ഹോട്ട്‌സ്റ്റാര്‍ ലക്ഷ്​മി ബോംബ്​ നിർമാതാക്കൾക്ക്​ നൽകിയതെന്നാണ്​ വിവരം. 

125 കോടി രൂപ നൽകിയാണ്​ സിനിമയുടെ ഡിജിറ്റല്‍ റൈറ്റ്‌സ് ഡിസ്‌നി സ്വന്തമാക്കിയതെന്ന്​ ദേശീയ മാധ്യമങ്ങൾ റിപ്പോർട്ട്​ ചെയ്യുന്നു. പൊതുവെ 60 മുതല്‍ 70 കോടി വരെയാണ് ഡിജിറ്റല്‍ സ്ട്രീമിങ് അവകാശമായി പരമാവധി നിർമാതാക്കൾക്ക്​ ലഭിച്ചിരുന്നത്​. അതും വമ്പൻ ബജറ്റിലെത്തുന്ന ബോളിവുഡ്​ സൂപ്പർതാര ചിത്രങ്ങൾക്ക്​ മാത്രം. എന്നാൽ ഇപ്പോൾ നിലനിൽക്കുന്ന സാഹചര്യം പരിഗണിച്ചാണ്​ അത്രയും തുക നൽകാൻ ഡിസ്​നി സന്നദ്ധമായതത്രേ​.

ലോക്ക് ഡൗണില്‍ തിയറ്ററുകള്‍ അടഞ്ഞുകിടക്കുന്നതിനാൽ ഒാൺലൈൻ റിലീസ്​ മാത്രം പോംവഴിയായി കണ്ട നിര്‍മ്മാതാക്കള്‍ 100 കോടിക്ക് മുകളില്‍ ഡിജിറ്റൽ റൈറ്റ്​സായി അവശ്യപ്പെടുകയായിരുന്നു. അക്ഷയ്​ കുമാർ നായകനായതിനാലും ബോക്​സ്​ഒാഫീസിൽ 200 കോടിക്ക്​ മുകളിൽ കളക്ഷന്‍ വരാന്‍ സാധ്യതയുള്ള ചിത്രമായത്​ കൊണ്ടും നിർമാതാക്കൾ വിലപേശുകയായിരുന്നു​. ഇൗദ്​ റിലീസായി പ്രഖ്യാപിച്ചിരുന്ന ചിത്രം സൽമാൻ ഖാ​​െൻറ ‘രാധെ’ എന്ന ചിത്രവുമായിട്ടായിരുന്നു തിയറ്ററിൽ മത്സരിക്കേണ്ടിയിരുന്നത്​.

ചിത്രം ഒാൺലൈനിൽ മാത്രമായി റിലീസ്​ ചെയ്യുന്ന കാര്യത്തിൽ അണിയറക്കാർ നിലവിൽ പ്രതികരിച്ചിട്ടില്ല. ഒരു സിനിമയുമായി ബന്ധപ്പെട്ട ട്രേഡ്​ സോഴ്​സ് വാർത്ത​ സ്ഥിരീകരിച്ചിട്ടുണ്ടെങ്കിലും കൂടുതൽ വിവരങ്ങൾ ലഭ്യമായിട്ടില്ല. ചിത്രത്തി​​െൻറ പോസ്​റ്റ്​ പ്രൊഡക്ഷൻ ജോലികൾ ഇനിയും ബാക്കിയുള്ളതിനാൽ റിലീസ്​ വൈകിയേക്കുമെന്നും സൂചനയുണ്ട്​.

2011ൽ പുറത്തിറങ്ങിയ തമി​ഴ്​ ഹൊറർ കോമഡി ചിത്രമായ ‘മുനി 2: കാഞ്ചന’ എന്ന ചിത്രത്തി​​​െൻറ ഹിന്ദി റീമേക്കാണ്​ ലക്ഷ്​മി ബോംബ്​. കിയാര അദ്വാനിയാണ്​ നായികയായെത്തുന്നത്​. സംവിധായകനായ ലോറൻസായിരുന്നു തമിഴിൽ കേന്ദ്ര കഥാപാത്രമായെത്തിയത്​. ചിത്രം തമിഴിൽ വമ്പൻ വിജയമായിരുന്നു സ്വന്തമാക്കിയത്​. 

Loading...
COMMENTS