തഗ്​ ഫിരംഗിയായി ആമിർ ഖാൻ; പുതിയ മോഷൻ പോസ്റ്റർ VIDEO

കടൽ പോരാളികളുടെ കഥ പറയുന്ന 'തഗ്സ് ഒാഫ് ഹിന്ദുസ്ഥാൻ' എന്ന ബോളിവുഡ് ചിത്രത്തിന്‍റെ പുതിയ മോഷൻ പോസ്റ്റർ പുറത്ത്. ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്ന ആമിർ ഖാ​​​െൻറ ഫസ്റ്റ്​ ലുക്​ പോസ്റ്ററാണ്​ പുറത്തുവന്നത്​. ഫിരംഗി എന്ന കഥാപാത്രമായി എത്തുന്ന ആമിർ പോസ്റ്ററിൽ കുതിരപ്പുറത്തിരിക്കുന്നതായാണ്​ കാണിച്ചിരിക്കുന്നത്​.

കൂളിങ്​ ഗ്ലാസും തൊപ്പിയുമണിഞ്ഞ്​ സല്യൂട്ട്​ അടിച്ച്​ നിൽക്കുന്ന ഫിരംഗി വിഖ്യാത ഹോളിവുഡ്​ ചിത്രം പൈരേറ്റ്​സ്​ ഒാഫ്​ കരീബിയയിലെ ക്യാപ്​റ്റൻ ജാക്​ സ്​പാരോയെ അനുസ്​മരിപ്പിക്കും വിധമാണുള്ളത്​. ഇന്ത്യയിലെ ഏറ്റവും വലിയ വിജയ ചിത്രമായ ദംഗലി​​​െൻറ റെക്കോർഡ്​ തഗ്​സ്​ ഒാഫ്​ ഹിന്ദുസ്ഥാൻ തകർക്കുമോ എന്നാണ്​ സിനിമാസ്നേഹികൾ ഉറ്റുനോക്കുന്നത്​.

You can never be prepared enough for this Thug. Presenting @aamir_khan as #Firangi #ThugsOfHindostan | @SrBachchan | #KatrinaKaif | @fattysanashaikh | #VijayKrishnaAcharya | @TOHTheFilm pic.twitter.com/uf76SuXtZl

— Yash Raj Films (@yrf) September 24, 2018

വിജയ് കൃഷ്ണ ആചാര്യ സംവിധാനം ​െചയ്യുന്ന ചിത്രം നിർമിക്കുന്നത്​ 300 കോടിയോളം മുടക്കി യാഷ്​ രാജ്​ ഫിലിംസാണ്​.

ചിത്രത്തിൽ മുഖ്യ കഥാപാത്രങ്ങളിലൊന്നായ 'ഖുദാബക്ഷി'നെ അവതരിപ്പിക്കുന്ന അമിതാഭ് ബച്ചന്‍റെ ഫസ്റ്റ് ലുക് പോസ്റ്ററും മുമ്പ്​ പുറത്തുവിട്ടിരുന്നു. ദംഗലിൽ ആമിർ ഖാ​​​െൻറ മകളായി വേഷമിട്ട ഫാത്തിമ സന ശൈഖി​​​െൻറ പോസ്റ്ററും ​ശ്രദ്ധ നേടിയിരുന്നു. സഫീറ എന്ന കഥാപാത്രമായാണ്​ സന എത്തുന്നത്​.

ഫിലിപ്പ് മെദോവ്സ് ടെയ് ലറിന്‍റെ 1839ൽ പുറത്തിറങ്ങിയ ഇംഗ്ലീഷ് നോവൽ 'കൻഫെഷൻസ് ഒാഫ് എ തഗ്' എന്ന നോവലിനെ ആസ്പദമാക്കി 1790-1805 കാലഘട്ടത്തിൽ നടന്ന ഫിക്ഷനൽ സ്റ്റോറിയായാണ് വിജയ് കൃഷ്ണ ആചാര്യ 'തഗ്സ് ഒാഫ് ഹിന്ദുസ്ഥാൻ' ഒരുക്കുന്നത്. 19ാം നൂറ്റാണ്ടിൽ ഇന്ത്യയിലെ ബ്രിട്ടീഷ് സാമ്രാജ്യത്തിനെതിരെ വെല്ലുവിളി ഉയർത്തുന്ന കടൽ പോരാളികളുടെ കഥയാണ് ചിത്രം പറയുന്നത്.