സമയം തികയാത്ത ലോക്​ ഡൗൺ

  • ലോക്​ ഡൗൺ വർത്തമാനങ്ങളുമായി നടൻ ടിനി  ടോം

അനിത എസ്​.
19:06 PM
30/04/2020

ലോക്​ ഡൗണിൽ സമയം തികയുന്നി​ല്ല എന്നതാണ്​​ സത്യം. സ്​കൂളിൽ പഠിച്ചുകൊണ്ടിരുന്നപ്പോഴുള്ള ചിട്ടയായ ജീവിതം​ ലോക്​ ഡൗൺ തിരി​ച്ചുകൊണ്ടുവന്നു. മുമ്പ്​ യോഗ പഠിച്ചുതുടങ്ങിയിരുന്നു. എന്നാൽ, എല്ലാ ദിവസവും ചെയ്യാൻ സമയംകിട്ടിയിരുന്നില്ല. ഇപ്പോൾ ദിവസവും രണ്ടുമണിക്കൂർ യോഗക്കായി ചെലവഴിക്കുന്നുണ്ട്​. പിന്നെ​ നെറ്റ്​ഫ്ലിക്​സ്​ സീരീസുകളും സിനിമയും കാണും. പഴയതാണെങ്കിലും പുതിയതാണെങ്കിലും നല്ല സിനിമകൾ മിക്ക ഭാഷകളിലുമുണ്ട്. അവാർഡ്​ നേടിയ ചിത്രങ്ങളുണ്ട്​. ഇവയെല്ലാം കാണും. കുറച്ചുനേരം വായനക്കായി മാറ്റിവെക്കും. വൈകീട്ട്​ മുഖ്യമന്ത്രിയുടെ വാർത്തസമ്മേളനത്തിനായും കുറച്ച്​ സമയം. അതിനുശേഷം കുറച്ച്​ എഴുത്ത്​.

പുസ്​തകത്തി​​െൻറ പണിപ്പുരയിൽ
എ​​െൻറ രണ്ടാമത്തെ പുസ്​കത്തി​​െൻറ പണിപ്പുരയിലാണ്​ ഇപ്പോൾ. വായനയും ദൈനംദിന കൃത്യങ്ങളിലുണ്ട്​. ഇ​േപ്പാൾ വായിച്ചുകൊണ്ടിരിക്കുന്നത്​ ആദ്യത്തെ യാത്രാവിവരണം എന്നുവിളിക്കാവുന്ന ‘വർത്തമാനപുസ്​തകം’​. 

കമ്യൂണിറ്റി കിച്ചണിലെ ഇൗസ്​റ്റർ
ഇത്തവണ ഇൗസ്​റ്ററിന്​ സിനിമയിലെ സുഹൃത്തുക്കൾക്കൊപ്പം കമ്യൂണിറ്റി കിച്ചണിൽ​ പോയി​. സിനിമ പ്രവർത്തകരും ഒരു ​െറസിഡൻറ്​സ്​ അസോസിയേഷനും ചേർന്ന്​ നടത്തുന്ന സമൂഹ അടുക്കളയാണ്​​. ദിവസവും നാലായിരത്തോളം പേർക്ക്​ അവിടെനിന്നും ഭക്ഷണം നൽകുന്നുണ്ട്​. 
സോഷ്യൽ മീഡിയകളിലെ ചലഞ്ചുകളിലൊന്നും പ​െങ്കടുക്കാറില്ല. നാട്ടിൽ പലരീതിയിൽ ഭക്ഷണ സാധനങ്ങൾക്ക്​ ഉൾപ്പെടെ ബുദ്ധിമുട്ട് അനുഭവിക്കുന്നവരുണ്ട്​. അവർക്ക്​ ഭക്ഷണം എത്തിക്കാനും മറ്റും ശ്രമിക്കും. കാശിനെക്കാൾ പ്രധാനം ഇപ്പോൾ ഭക്ഷണമാണ്​. ഇത്തരത്തിൽ സിനിമയിൽതന്നെ ബുദ്ധിമുട്ട്​ അനുഭവിക്കുന്നവർക്ക്​ എന്നെക്കൊണ്ട്​ സാധിക്കുന്ന രീതിയിൽ സുഹൃത്തുക്കൾക്കൊപ്പം സഹായങ്ങൾ ചെയ്യുന്നുണ്ട്​. 

വിദേശത്ത്​ കുറെ​േപ്പരുണ്ട്​
വിദേശത്ത്​ കുടുങ്ങിപ്പോയ നിരവധി സുഹൃത്തുക്കളുണ്ട്​. എല്ലാവരെയും വിഡിയോ കോളിലൂടെ എന്നും വിളിക്കും​. അതുകൊണ്ട്​ മറ്റു രാജ്യങ്ങളിലെ അവസ്​ഥകൾ അറിയാം. ഇറ്റലിയിലും യു.എസിലും മറ്റും രോഗം വരുമെന്ന്​ ഉറപ്പിച്ച്​ ജീവിക്കുന്നവരുണ്ട്​. പരമാവധി അസുഖം വരുന്നത്​ നീട്ടിവെക്കാനാണ്​ അവർ ശ്രമിച്ചുകൊണ്ടിരിക്കുന്നത്​. എങ്കിൽമാത്രമേ അവിടെ ചികിത്സ ലഭ്യമാകൂ. 

യുദ്ധത്തിനു​ പോകാനൊന്നും പറഞ്ഞില്ലല്ലോ
യുദ്ധത്തിന്​ പോകണമെന്നോ പണിയെടുക്കണമെന്നോ ഒന്നുമല്ല, ഇ​േപ്പാൾ സർക്കാറുകൾ നമ്മോട്​ പറയുന്നത്​. വീട്ടിലിരിക്കാൻ മാത്രമാണ്​. പൊലീസുകാരും ആരോഗ്യ പ്രവർത്തകരു​െമാന്നും അവർക്ക്​ എന്തെങ്കിലും നേട്ടമുള്ളതുകൊണ്ടല്ല ഇത്തരത്തിൽ സേവനം ചെയ്യുന്നതും. ഒരു ജനാധിപത്യ രാജ്യമായതിനാൽതന്നെ അധികാരം ജനങ്ങളുടെ കൈയിലാണ്​. അതിനാൽ മുഖ്യമന്ത്രി പറയുന്നത്​ നാം അനുസരിക്കുക എന്നു മാത്രമല്ല, മറ്റുള്ളവരെക്കൊണ്ട്​ അനുസരിപ്പിക്കാനുള്ള കടമയും നമുക്കുണ്ട്​.  

കലാരംഗം ബുദ്ധിമുട്ടിലാണ്​ 
കലാരംഗം കൂടുതൽ  ബുദ്ധിമുട്ട്​ അനുഭവിക്കുന്ന മേഖലയാണ്. സ്​റ്റേജിതര കലാകാരന്മാരെയും മിമിക്രി, മാജിക്​ തുടങ്ങിയവ അവതരിപ്പിക്കുന്നവരെയും മുഖ്യമന്ത്രി എടുത്തുപറഞ്ഞുവെന്നതുതന്നെ വലിയ കാര്യമാണ. കലാരംഗത്ത്​ നാലര ലക്ഷം പേരുണ്ടെന്നാണ്​ കണക്ക്​. സ്​റ്റേജ്​ മാത്രം ആശ്രയിച്ച്​ ജീവിക്കുന്നവർക്ക്​ ഇടയിലേക്ക്​ കൊറോണകൂടി വന്നതോടെ അവർ വലിയ ബുദ്ധിമുട്ടാണ്​ നേരിട്ടുകൊണ്ടിരിക്കുന്നത്​. അവരെ സഹായിക്കാനും ആശ്വസിപ്പിക്കാനും കഴിയണം.

 

Loading...
COMMENTS