ലോക്​ഡൗണി​െല റമദാൻ; ജാഗ്രതയോടെയാകാം ജീവിതക്രമങ്ങൾ

  • കോവിഡ് കാലത്തെ റമദാനെക്കുറിച്ച് നടനും സംവിധായകനുമായ സൗബിൻ ഷാഹിർ 

ലോക്ഡൗൺ കാലത്തെ റമദാനിലും പുതുമകളുണ്ട്. സാധാരണ ഷൂട്ടിങ് സെറ്റുകളിലെ സാഹചര്യം അനുസരിച്ചാണ് എ​​​െൻറ നോമ്പനുഷ്ഠാനം. ഇപ്പോൾ വീട്ടിലുള്ളതിനാൽ പൂർണമായും ആത്മീയതയിൽ മുഴുകി നോമ്പ് എടുക്കുന്നു. എല്ലാം കുടുംബാംഗങ്ങൾക്കൊപ്പം. 

വീട്ടിൽ ചെലവിടാൻ അവസരമായി
ഷൂട്ടിങ്ങിനുവേണ്ടി​ വിവിധ സ്ഥലങ്ങളിൽ യാത്ര ചെയ്യുകയും താമസിക്കുകയും ചെയ്യേണ്ടി വരുന്നവരാണ് സിനിമാപ്രവർത്തകർ. വീടുകളിൽ എത്തുന്നത്​ രാത്രി വൈകിയായിരിക്കും. പെ​െട്ടന്നുതന്നെ അടുത്ത ഷൂട്ടിങ് സ്ഥലത്തേക്ക് പോകേണ്ടിയും വരും. എന്നെപ്പോലെയുള്ള നടീനടന്മാർക്ക് ഇൗ ലോക്ഡൗൺ കാലം വീടുകളിൽ ചെലവിടാനും കുട്ടികൾക്കൊപ്പം കൂടുതൽ സന്തോഷത്തോടെ ഇടപഴകാനും അവസരമായി എന്നത്​ സത്യമാണ്.

മാറ്റത്തിന്​ വഴിവെക്കും
കോവിഡ്- 19 കാരണം ലോകം അടച്ചുപൂട്ടപ്പെട്ടിരിക്കുേമ്പാൾ ഇൗ മാറ്റം ഏതൊക്കെ തരത്തിൽ മനുഷ്യനെ ബാധിക്കും എന്ന്  ആലോചിക്കാറുണ്ട്. ലോകത്ത്​ മാറ്റങ്ങൾ സംഭവിക്കാൻ ഇൗ മഹാവ്യാധി വഴി​െവക്കുമെന്നാണ് തോന്നുന്നത്. നല്ല രീതിയിലുള്ള മാറ്റങ്ങളെയാണ് ഞാൻ കാണുന്നത്. എത്ര വലിയ ദുരന്തമായിരുന്നാലും അതിനെ അതിജീവിച്ച ചരിത്രമാണ് ലോകത്തിനുള്ളത്.

കണ്ണിന് കാണാൻ കഴിയാത്ത ഒരു കുഞ്ഞണു വിചാരിച്ചാൽ തകരാറിലാകാവുന്നതാണ് ഇൗ ലോകം എന്ന്​ മനുഷ്യനെ ഒാർമിപ്പിക്കാൻ കോവിഡ് കാരണമായി. േലാകത്ത് മഹാമാരികൾ വന്ന് മനുഷ്യർ കൂട്ടത്തോടെ മരിച്ചുവീണ സംഭവങ്ങൾ ചരിത്രങ്ങളിലും സാഹിത്യകൃതികളിലും പലതവണ അടയാളപ്പെടുത്തപ്പെട്ടിട്ടുണ്ട്. അതെല്ലാം വായിച്ചും പഠിച്ചും വളർന്ന ആധുനിക സമൂഹം ഒരിക്കലും വിചാരിച്ചിട്ടുണ്ടാകില്ല; പുതിയ കാലത്തിലും ഇത്തരമൊരു മഹാദുരന്തം വന്ന് ലോകത്തെ വിറപ്പിക്കുമെന്ന്. അതിനാൽ ശേഷമുള്ള നാളുകളിൽ, കൂടുതൽ ജാഗ്രതയോടെയുള്ള ജീവിതക്രമങ്ങൾക്ക് മനുഷ്യർ തയാറാകാൻ സാധ്യതയുണ്ടെന്ന് ഞാൻ കരുതുന്നു. 

സങ്കടം തോന്നാറുണ്ട്
കോവിഡ് -19 ഭൂമിയെ വിറപ്പിക്കുേമ്പാൾ അതിനെ ചെറുക്കാൻ കഠിനാധ്വാനം ചെയ്യുന്ന ഒരു വലിയ സമൂഹമുണ്ട്. ഡോക്ടർമാർ, നഴ്സുമാർ, ആശുപത്രി ജീവനക്കാർ, പൊലീസുകാർ, വിവിധ സേനകൾ, ഭരണാധികാരികൾ, വിവിധ ഗവൺമ​​​െൻറ് അതോറിറ്റികൾ, സന്നദ്ധ പ്രവർത്തകർ... അവർ പോരാടുന്നത്​ അവർക്കുവേണ്ടി മാത്രമല്ല, തങ്ങളുടെ രാജ്യത്തിനും കൂടപ്പിറപ്പുകൾക്കുകൂടി വേണ്ടിയാണ്​. അവരുടെ കഷ്​ടപ്പാട് കാണുേമ്പാൾ സങ്കടം തോന്നാറുണ്ട്. യഥാർഥത്തിൽ നാം വീടുകളിൽ ഇരുന്ന് എല്ലാ സുരക്ഷയും അനുഭവിക്കു​​േമ്പാൾ ഇൗ സഹോദരങ്ങൾ നാടിനും നാട്ടുകാർക്കുംവേണ്ടി അഹോരാത്രം കഷ്​ടപ്പെടുകയാണ്​.

 

Loading...
COMMENTS