യു​വ​തി​ക്ക് ബം​ഗ​ളൂ​രു​വി​ൽ മ​ദ്യ​പ സം​ഘ​ത്തി​ന്റെ അ​ധി​ക്ഷേ​പം

ബം​ഗ​ളൂ​രു: ന​ഗ​ര​പ്രാ​ന്ത​ത്തി​ൽ 25 വ​യ​സ്സു​കാ​രി​യെ മ​ദ്യ​പി​ച്ച നാ​ല് പേ​ര​ട​ങ്ങു​ന്ന സം​ഘം പീ​ഡി​പ്പി​ച്ച​താ​യി പ​രാ​തി. സം​ഭ​വ​ത്തി​ൽ പ്ര​തി​ക​ളി​ൽ ഒ​രാ​ളെ അ​റ​സ്റ്റ് ചെ​യ്ത​താ​യി പൊ​ലീ​സ് തി​ങ്ക​ളാ​ഴ്ച അ​റി​യി​ച്ചു. ഞാ​യ​റാ​ഴ്ച വൈ​കീ​ട്ട് അ​ഞ്ചോ​ടെ അ​നേ​ക്ക​ൽ മൈ​ല​സാ​ന്ദ്ര റോ​ഡി​ന​ടു​ത്തു​ള്ള യെ​ല്ല​മ്മ ലേ​ഔ​ട്ടി​ലാ​ണ് സം​ഭ​വം ന​ട​ന്ന​തെ​ന്ന് പൊ​ലീ​സ് പ​റ​ഞ്ഞു. സം​ഭ​വ​ത്തി​ന്റെ വി​ഡി​യോ പ്ര​ത്യ​ക്ഷ​പ്പെ​ട്ട​തി​നെ​ത്തു​ട​ർ​ന്നാ​ണ് പൊ​ലീ​സ് ന​ട​പ​ടി.

അ​വ​ശ്യ​സാ​ധ​ന​ങ്ങ​ൾ വാ​ങ്ങാ​ൻ ക​ട​യി​ലേ​ക്ക് പോ​വു​ക​യാ​യി​രു​ന്നു യു​വ​തി. ആ ​സ​മ​യം ഒ​രു കൂ​ട്ടം പു​രു​ഷ​ന്മാ​ർ ത​മ്മി​ൽ വ​ഴ​ക്കി​ടു​ന്ന​ത് ക​ണ്ട​താ​യി യു​വ​തി പ​രാ​തി​യി​ൽ പ​റ​ഞ്ഞു. പെ​ട്ടെ​ന്ന് അ​വ​ർ ത​ന്നെ സ്പ​ർ​ശി​ക്കാ​നും അ​ധി​ക്ഷേ​പി​ക്കാ​നും തു​ട​ങ്ങി. എ​തി​ർ​ത്തി​ട്ടും തു​ട​രു​ക​യും അ​സ​ഭ്യ വാ​ക്കു​ക​ൾ ഉ​പ​യോ​ഗി​ക്കു​ക​യും ശാ​രീ​രി​ക​മാ​യി ആ​ക്ര​മി​ക്കു​ക​യും ചെ​യ്തു. സ്വ​യം പ്ര​തി​രോ​ധ​ത്തി​നാ​യി, അ​വ​രി​ൽ ഒ​രാ​ളെ യു​വ​തി അ​ടി​ക്കു​ക​യും ത​ന്റെ ജിം ​പ​രി​ശീ​ല​ക​നെ അ​റി​യി​ക്കു​ക​യും ചെ​യ്തു.

അ​യാ​ൾ സ്ഥ​ല​ത്തെ​ത്തി​യാ​ണ് ര​ക്ഷി​ച്ച​ത്. പ്ര​തി​ക​ളി​ൽ ഒ​രാ​ളെ അ​റ​സ്റ്റ് ചെ​യ്ത​താ​യി പൊ​ലീ​സ് പ​റ​ഞ്ഞു. അ​യാ​ളു​ടെ എ​തി​ർ പ​രാ​തി​യു​ടെ അ​ടി​സ്ഥാ​ന​ത്തി​ൽ യു​വ​തി​ക്കും ജിം ​പ​രി​ശീ​ല​ക​നു​മെ​തി​രെ മ​റ്റൊ​രു ആ​ക്ര​മ​ണ കേ​സ് ര​ജി​സ്റ്റ​ർ ചെ​യ്തി​ട്ടു​ണ്ട്. ബ​ന്നാ​ർ​ഘ​ട്ട പൊ​ലീ​സ് കേ​സ് അ​ന്വേ​ഷി​ക്കു​ന്നു.