യു​വാ​വ് 50കാ​ര​നെ കൊ​ല​പ്പെ​ടു​ത്തി; മ​ക്ക​ൾ​ക്ക് ഗു​രു​ത​ര പ​രി​ക്ക്

മം​ഗ​ളൂ​രു: കു​ടും​ബ ത​ർ​ക്ക​ത്തെ തു​ട​ർ​ന്നാ​ണ​ത്രെ യു​വാ​വ് ബ​ന്ധു​വി​നെ കു​ത്തി​ക്കൊ​ന്നു. ര​ണ്ട് ആ​ൺ​മ​ക്ക​ൾ​ക്ക് പ​രി​ക്കേ​റ്റു. മം​ഗ​ളൂ​രു റൂ​റ​ൽ പൊ​ലീ​സ് സ്റ്റേ​ഷ​ൻ പ​രി​ധി​യി​ൽ വാ​ള​ച്ചി​ലി​ൽ വ്യാ​ഴാ​ഴ്ച രാ​ത്രി വൈ​കി​യു​ണ്ടാ​യ സം​ഭ​വ​ത്തി​ൽ വാ​മ​ഞ്ചൂ​ർ സ്വ​ദേ​ശി​യും വി​വാ​ഹ ബ്രോ​ക്ക​റു​മാ​യ കെ. ​സു​ലൈ​മാ​നാ​ണ് (50) കൊ​ല്ല​പ്പെ​ട്ട​ത്. ഇ​ദ്ദേ​ഹ​ത്തി​ന്റെ മ​ക്ക​ളാ​യ റി​യാ​ബ്, സി​യാ​ബ് എ​ന്നി​വ​ർ​ക്ക് ആ​ക്ര​മ​ണ​ത്തി​ൽ പ​രി​ക്കേ​റ്റു.

സം​ഭ​വ​വു​മാ​യി ബ​ന്ധ​പ്പെ​ട്ട് ബ​ന്ധു​വാ​യ വി. ​മു​സ്ത​ഫ​യെ (30) പൊ​ലീ​സ് അ​റ​സ്റ്റ് ചെ​യ്തു. പൊ​ലീ​സ് പ​റ​യു​ന്ന​തി​ങ്ങ​നെ: എ​ട്ട് മാ​സം മു​മ്പ് പ്ര​തി മു​സ്ത​ഫ​യു​ടെ വി​വാ​ഹം സു​ലൈ​മാ​ൻ വ​ഴി ന​ട​ന്നി​രു​ന്നു. മു​സ്ത​ഫ​യും ഭാ​ര്യ​യും ത​മ്മി​ലു​ള്ള അ​ഭി​പ്രാ​യ​വ്യ​ത്യാ​സ​ത്തെ​ത്തു​ട​ർ​ന്ന് പ്ര​തി​യും സു​ലൈ​മാ​നും ത​മ്മി​ൽ വ​ഴ​ക്കു​ണ്ടാ​യി. വ്യാ​ഴാ​ഴ്ച രാ​ത്രി 9.30ഓ​ടെ മു​സ്ത​ഫ​യി​ൽ​നി​ന്നു​ള്ള മോ​ശം ഫോ​ൺ കാ​ളി​നെ​ത്തു​ട​ർ​ന്ന് സു​ലൈ​മാ​നും മ​ക്ക​ളും പ്ര​തി​യു​ടെ വീ​ട്ടി​ലേ​ക്ക് പോ​യി.

സം​ഭാ​ഷ​ണ​ത്തി​നു​ശേ​ഷം അ​വ​ർ തി​രി​ച്ചു വ​രു​മ്പോ​ൾ മു​സ്ത​ഫ വീ​ട്ടി​ൽ​നി​ന്ന് പു​റ​ത്തു​വ​ന്ന് സു​ലൈ​മാ​ന്റെ ക​ഴു​ത്തി​ൽ കു​ത്തി. തു​ട​ർ​ന്ന് മ​ക്ക​ളെ​യും ആ​ക്ര​മി​ച്ചു. ഒ​രാ​ളു​ടെ നെ​ഞ്ചി​ലും മ​റ്റേ​യാ​ളു​ടെ കൈ​ത്ത​ണ്ട​യി​ലും പ​രി​ക്കേ​റ്റു. നാ​ട്ടു​കാ​രു​ടെ സ​ഹാ​യ​ത്തോ​ടെ ഇ​ര​ക​ളെ ജ​ന​പ്രി​യ ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി. സു​ലൈ​മാ​ൻ മ​രി​ച്ച​താ​യി ഡോ​ക്ട​ർ​മാ​ർ സ്ഥി​രീ​ക​രി​ച്ചു. മ​ക്ക​ൾ ചി​കി​ത്സ​യി​ലാ​ണ്.