‘സേ​വ് വാ​ട്ട​ർ’ കാ​മ്പ​യി​നു​മാ​യി ജ​ല അ​തോ​റി​റ്റി

ബം​ഗ​ളൂ​രു: ജ​ല​ക്ഷാ​മം രൂ​ക്ഷ​മാ​യ ബം​ഗ​ളൂ​രു​വി​ൽ ജ​ല​സം​ര​ക്ഷ​ണ കാ​മ്പ​യി​നി​ന് തു​ട​ക്ക​മി​ട്ട് ജ​ല അ​തോ​റി​റ്റി. ‘ബം​ഗ​ളൂ​രു​വി​​ന്റെ വ​ള​ർ​ച്ച​ക്ക് ജ​ലം സം​ര​ക്ഷി​ക്കു​ക’ എ​ന്ന മു​ദ്രാ​വാ​ക്യ​വു​മാ​യാ​ണ് ബാം​ഗ്ലൂ​ർ വാ​ട്ട​ർ സ​പ്ലൈ ആ​ൻ​ഡ് സ്വീ​വേ​ജ് ബോ​ർ​ഡ് (ബി.​ഡ​ബ്ല്യു.​എ​സ്.​എ​സ്.​ബി) കാ​മ്പ​യി​ൻ. ബം​ഗ​ളൂ​രു വി​ധാ​ൻ സൗ​ധ​യി​ൽ വ്യാ​ഴാ​ഴ്ച ന​ട​ന്ന ച​ട​ങ്ങി​ൽ ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ പ്ര​ചാ​ര​ണ വാ​ഹ​നം ഫ്ലാ​ഗ് ഓ​ഫ് ചെ​യ്തു.

ന​ഗ​രം ജ​ല​ക്ഷാ​മം നേ​രി​ടു​​ന്ന സാ​ഹ​ച​ര്യ​ത്തി​ൽ ജ​ല​ത്തി​ന്റെ പ്രാ​ധാ​ന്യ​ത്തെ കു​റി​ച്ചും ജ​ലം സം​ര​ക്ഷി​ക്ക​പ്പെ​ടേ​ണ്ട​തി​ന്റെ ആ​വ​ശ്യ​ക​ത സം​ബ​ന്ധി​ച്ചും ജ​ന​ങ്ങ​ളെ ബോ​ധ​വ​ത്ക​രി​ക്കു​ക​യാ​ണ് കാ​മ്പ​യി​നി​ലൂ​ടെ ല​ക്ഷ്യ​മി​ടു​ന്ന​തെ​ന്ന് ശി​വ​കു​മാ​ർ പ​റ​ഞ്ഞു.

ബം​ഗ​ളൂ​രു ന​ഗ​ര​ത്തി​ൽ പു​തി​യ കു​ഴ​ൽ​ക്കി​ണ​റു​ക​ൾ കു​ഴി​ക്കാ​ൻ ബി.​ഡ​ബ്ല്യു.​എ​സ്.​എ​സ്.​ബി​യു​ടെ മു​ൻ​കൂ​ർ അ​നു​മ​തി വാ​ങ്ങ​ണ​മെ​ന്ന​ത് നി​ർ​ബ​ന്ധ​മാ​ക്കി​യ​താ​യി ശി​വ​കു​മാ​ർ പ​റ​ഞ്ഞു.

ന​ഗ​ര​ത്തി​ൽ 6,900 ബോ​ർ​വെ​ല്ലു​ക​ളി​ൽ ജ​ലം വ​റ്റി​യി​രി​ക്കു​ക​യാ​ണ്.

ആ​കെ 9,000 ബോ​ർ​വെ​ല്ലു​ക​ളി​ൽ മാ​ത്ര​മാ​ണ് വെ​ള്ള​മു​ള്ള​ത്. ഇ​നി ബോ​ർ​വെ​ൽ കു​ഴി​ക്കു​ന്ന​വ​ർ ജ​ല അ​തോ​റി​റ്റി​യി​ൽ നി​ന്ന് അ​നു​മ​തി വാ​ങ്ങ​ണം. ആ​വ​ശ്യം ക​ഴി​ഞ്ഞു​ള്ള വെ​ള്ളം സ​ർ​ക്കാ​റി​ന് ന​ൽ​ക​ണം.

എ​വി​ടെ​യാ​ണോ ജ​ലം ആ​വ​ശ്യ​മു​ള്ള​ത്, അ​വി​ടേ​ക്ക് ആ ​ജ​ല​മെ​ത്തി​ക്കാ​ൻ സ​ർ​ക്കാ​ർ സം​വി​ധാ​ന​മൊ​രു​ക്കു​മെ​ന്നും ശി​വ​കു​മാ​ർ പ​റ​ഞ്ഞു. ബി.​ബി.​എം.​പി പ​രി​ധി​യി​ൽ രു​ക്ഷ​മാ​യ ജ​ല​ക്ഷാ​മം നേ​രി​ടു​ന്ന 110 വി​ല്ലേ​ജു​ക​ളി​ൽ വെ​ള്ള​മെ​ത്തി​ക്കാ​നു​ള്ള പ​ദ്ധ​തി പു​രോ​ഗ​തി​യി​ലാ​ണെ​ന്ന് അ​ദ്ദേ​ഹം പ​റ​ഞ്ഞു. 110 വി​ല്ലേ​ജു​ക​ളി​ലേ​ക്ക് ജ​ല​മെ​ത്തി​ക്കു​ന്ന കാ​വേ​രി സ്റ്റേ​ജ് അ​ഞ്ച് പ​ദ്ധ​തി മേ​യി​ൽ പൂ​ർ​ത്തി​യാ​വു​മെ​ന്നാ​ണ് പ്ര​തീ​ക്ഷ.