കലബുറഗി ആലന്ത് മണ്ഡലത്തിലും വോട്ടർമാരെ വെട്ടി

ബം​ഗ​ളൂ​രു: ശി​വാ​ജി​ന​ഗ​റി​നു പു​റ​മെ ക​ല​ബു​റ​ഗി ആ​ല​ന്ത് നി​യോ​ജ​ക​മ​ണ്ഡ​ല​ത്തി​ലും വോ​ട്ട​ർ​മാ​രു​ടെ​ പേ​രു​ക​ൾ വെ​ട്ടി​യെ​ന്ന്​ പ​രാ​തി. 6,670 പേ​രെ വോ​ട്ട​ർ​പ​ട്ടി​ക​യി​ൽ​നി​ന്ന് അ​ന​ധി​കൃ​ത​മാ​യി ഒ​ഴി​വാ​ക്കി​യെ​ന്ന് പ​രാ​തി.

ഇ​ത്​ ചൂ​ണ്ടി​ക്കാ​ട്ടി ക​ഴി​ഞ്ഞ ദി​വ​സം കോ​ൺ​ഗ്ര​സ് തെ​ര​ഞ്ഞെ​ടു​പ്പ് ക​മീ​ഷ​ന് പ​രാ​തി ന​ൽ​കി. ശി​വാ​ജി ന​ഗ​ർ നി​യ​മ​സ​ഭ മ​ണ്ഡ​ല​ത്തി​ലെ വോ​ട്ട​ർ പ​ട്ടി​ക​യി​ൽ നി​ന്ന്​ ക്രൈ​സ്ത​വ​ർ, മു​സ്​​ലിം​ക​ൾ തു​ട​ങ്ങി ന്യൂ​ന​പ​ക്ഷ വി​ഭാ​ഗ​ക്കാ​രാ​യ 9,195 പേ​രെ വെ​ട്ടി​യെ​ന്ന്​ കാ​ണി​ച്ച്​ ബാം​ഗ്ലൂ​ർ അ​തി​രൂ​പ​ത വ​ക്താ​വ്​ ജെ.​എ. ക​ന്ത്​​രാ​ജ്​ സം​സ്ഥാ​ന ഇ​ല​ക്ട​റ​ൽ ഓ​ഫി​സ​ർ​ക്ക്​ ക​ത്ത്​ ന​ൽ​കി​യി​രു​ന്നു.

തെ​റ്റു​തി​രു​ത്തി പു​തി​യ പ​ട്ടി​ക ത​യാ​റാ​ക്ക​ണ​മെ​ന്നാ​യി​രു​ന്നു ആ​വ​ശ്യം. എ​ന്നാ​ൽ, വോ​ട്ട​ർ പ​ട്ടി​ക മ​താ​ടി​സ്ഥാ​ന​ത്തി​ലു​ള്ള​ത​ല്ല എ​ന്നാ​യി​രു​ന്നു ക​മീ​ഷ​ന്‍റെ പ്ര​തി​ക​ര​ണം. ശി​വാ​ജി​ന​ഗ​ർ, മ​ഹാ​ദേ​വ​പു​ര, ചി​ക്​​പേ​ട്ട്​ നി​യോ​ജ​ക മ​ണ്ഡ​ല​ത്തി​ലെ അ​ന്തി​മ വോ​ട്ട​ർ​പ​ട്ടി​ക ജ​നു​വ​രി 15നാ​ണ്​ പു​റ​ത്തി​റ​ക്കി​യ​ത്.

സ്വ​കാ​ര്യ സ്​​ഥാ​പ​ന​മാ​യ ഷി​ലു​മെ ട്ര​സ്റ്റ്​ ബം​ഗ​ളൂ​രു​വി​ലെ വോ​ട്ട​ർ​മാ​രു​ടെ ഡേ​റ്റ ചോ​ർ​ത്തി​യി​രു​ന്നു. ഇ​ക്കാ​ര​ണ​ത്താ​ലാ​ണ് ഇ​വി​ട​ങ്ങ​ളി​ലെ അ​ന്തി​മ​ വോ​ട്ട​ർ​പ​ട്ടി​ക വൈ​കി​യ​ത്. ആ​രോ​പ​ണ​ത്തെ തു​ട​ർ​ന്നാ​ണ്​ ഈ ​മൂ​ന്നു​മ​ണ്ഡ​ല​ങ്ങ​ളി​ലെ​യും പ​ട്ടി​ക വൈ​കി​യ​ത്.

സ്വ​കാ​ര്യ സ്ഥാ​പ​ന​ത്തി​ന്‍റെ ഇ​ട​പെ​ട​ൽ​വ​ഴി ബി.​ജെ.​പി​ക്ക്​ അ​നു​കൂ​ല​മ​ല്ലാ​ത്ത​വ​രു​ടെ പേ​രു​ക​ൾ വോ​ട്ട​ർ​പ​ട്ടി​ക​യി​ൽ നി​ന്ന് നീ​ക്കി​യെ​ന്ന ആ​രോ​പ​ണം നേ​ര​ത്തേ പു​റ​ത്തു​വ​ന്നി​രു​ന്നു. തു​ട​ർ​ന്നാ​ണ്​ ശി​വാ​ജി​ന​ഗ​ർ മ​ണ്ഡ​ല​ത്തി​ലെ 9,195 പേ​രു​ക​ൾ വെ​ട്ടി​യ​താ​യി ആ​രോ​പ​ണ​മു​യ​ർ​ന്ന​ത്. മ​ണ്ഡ​ല​ത്തി​ലെ 9,000 വോ​ട്ട​ർ​മാ​രെ വോ​ട്ട​ർ പ​ട്ടി​ക​യി​ൽ നി​ന്ന്​ വെ​ട്ടി​യെ​ന്ന്​ മ​ണ്ഡ​ലം എം.​എ​ൽ.​എ​യും കോ​ൺ​ഗ്ര​സ്​ നേ​താ​വു​മാ​യ റി​സ്​​വാ​ൻ അ​ർ​ഷാ​ദ്​ ​അ​ടു​ത്തി​ടെ ആ​രോ​പി​ച്ചി​രു​ന്നു.

9195 വോ​ട്ട​ർ​മാ​രു​ടെ വി​വ​ര​ങ്ങ​ൾ പു​നഃ​പ​രി​ശോ​ധി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​​പ്പെ​ട്ടി​രു​ന്നു. മു​സ്​​ലിം, ക്രി​സ്ത്യ​ൻ വി​ഭാ​ഗ​ങ്ങ​ളി​ലെ 9195 വോ​ട്ട​ർ​മാ​രി​ൽ 8000 ത്തോ​ളം പേ​രു​ക​ൾ പ​ട്ടി​ക​യി​ൽ നി​ന്ന്​ ​നീ​ക്കി​യി​ട്ടു​ണ്ടെ​ന്നാ​ണ്​ സം​ശ​യം. ഇ​തേ​തു​ട​ർ​ന്നാ​ണ്​ ആ​ല​ന്ത് മ​ണ്ഡ​ല​ത്തി​ലെ പ​ട്ടി​ക​യി​ലും ക്ര​മ​ക്കേ​ടു​ണ്ടെ​ന്ന ആ​രോ​പ​ണം ഉ​യ​ർ​ന്നി​രി​ക്കു​ന്ന​ത്. ഇ​ക്കാ​ര്യം അ​ന്വേ​ഷി​ക്ക​ണ​മെ​ന്ന്​ കോ​ൺ​ഗ്ര​സ് നേ​താ​ക്ക​ളാ​യ പ്രി​യ​ങ്ക് ഖാ​ർ​ഗെ, ആ​ല​ന്ത് എം.​എ​ൽ.​എ. ബി.​ആ​ർ. പാ​ട്ടീ​ൽ, മു​ൻ എം.​എ​ൽ.​സി. ര​മേ​ഷ് ബാ​ബു എ​ന്നി​വ​ർ ആ​വ​ശ്യ​പ്പെ​ട്ടു.

പ​ല​രു​ടെ​യും പേ​ര് പ​ട്ടി​ക​യി​ൽ​നി​ന്ന്‌ നീ​ക്കാ​നാ​വ​ശ്യ​പ്പെ​ട്ട് അ​ന​ധി​കൃ​ത​മാ​യി അ​പേ​ക്ഷ സ​മ​ർ​പ്പി​ച്ചാ​ണ് ക്ര​മ​ക്കേ​ട് ന​ട​ത്തി​യി​രി​ക്കു​ന്ന​ത്. ഇ​ക്കാ​ര്യം ചൂ​ണ്ടി​ക്കാ​ട്ടി മ​ണ്ഡ​ല​ത്തി​ലെ 150ഓ​ളം പേ​ർ അ​ധി​കൃ​ത​ർ​ക്ക് പ​രാ​തി ന​ൽ​കി​യി​ട്ടു​ണ്ടെ​ന്നും അ​വ​ർ പ​റ​ഞ്ഞു.

ന്യൂ​ന​പ​ക്ഷ വി​ഭാ​ഗ​ങ്ങ​ൾ കൂ​ടു​ത​ലാ​യി താ​മ​സി​ക്കു​ന്ന സ്ഥ​ല​ങ്ങ​ളി​ലെ ബൂ​ത്തു​ക​ളെ തി​ര​ഞ്ഞു​പി​ടി​ച്ചാ​ണ്​ ആ​സൂ​ത്രി​ത​മാ​യി വോ​ട്ട​ർ​മാ​രെ വെ​ട്ടി​യ​തെ​ന്നാ​ണ്​ ആ​രോ​പ​ണം.