വാ​ല്മീ​കി കോ​ർ​പ​റേ​ഷ​ൻ അ​ഴി​മ​തി​ക്കേ​സ്; സി.​ബി.​ഐ അ​ന്വേ​ഷി​ക്കാ​ൻ ഹൈ​കോ​ട​തി ഉ​ത്ത​ര​വ്

ബം​ഗ​ളൂ​രു: വാ​ല്മീ​കി പ​ട്ടി​ക​വ​ർ​ഗ വി​ക​സ​ന കോ​ർ​പ​റേ​ഷ​ൻ അ​ഴി​മ​തി​യി​ൽ കേ​ന്ദ്ര അ​ന്വേ​ഷ​ണ ബ്യൂ​റോ (സി.​ബി.​ഐ) സ​മ​ഗ്ര അ​ന്വേ​ഷ​ണം ന​ട​ത്താ​ൻ ക​ർ​ണാ​ട​ക ഹൈ​കോ​ട​തി ചൊ​വ്വാ​ഴ്ച ഉ​ത്ത​ര​വി​ട്ടു. നേ​ര​ത്തേ കേ​സി​ൽ സി.​ബി.​ഐ​യു​ടെ പ​ങ്ക് പ​രി​മി​ത​മാ​യ ക്ര​മ​ക്കേ​ടു​ക​ൾ പ​രി​ശോ​ധി​ക്കു​ന്ന​തി​ൽ മാ​ത്ര​മാ​യി ഒ​തു​ങ്ങി​യി​രു​ന്നു. ഹൈ​കോ​ട​തി ഉ​ത്ത​ര​വോ​ടെ അ​ന്വേ​ഷ​ണം പൂ​ർ​ണ​മാ​യി ഈ ​ഏ​ജ​ൻ​സി​ക്കാ​യി.

കേ​സു​മാ​യി ബ​ന്ധ​പ്പെ​ട്ട എ​ല്ലാ രേ​ഖ​ക​ളും തെ​ളി​വു​ക​ളും കേ​ന്ദ്ര ഏ​ജ​ൻ​സി​ക്ക് കൈ​മാ​റാ​ൻ സം​സ്ഥാ​ന​ത്തെ പ്ര​ത്യേ​ക അ​ന്വേ​ഷ​ണ സം​ഘ​ത്തോ​ട് (എ​സ്‌.​ഐ.​ടി) ആ​വ​ശ്യ​പ്പെ​ട്ടു. ആ​ദി​വാ​സി സ​മൂ​ഹ​ങ്ങ​ളു​ടെ ക്ഷേ​മ​ത്തി​നാ​യി നീ​ക്കി​വെ​ച്ച ഫ​ണ്ട് ദു​രു​പ​യോ​ഗം ചെ​യ്തു​വെ​ന്ന ഗു​രു​ത​ര​മാ​യ ആ​രോ​പ​ണ​ങ്ങ​ളാ​ണ് കേ​സി​ൽ ഉ​ൾ​പ്പെ​ട്ടി​രി​ക്കു​ന്ന​ത്. ജൂ​ണി​ൽ, ബെ​ല്ലാ​രി​യി​ൽ നി​ന്നു​ള്ള കോ​ൺ​ഗ്ര​സ് എം.​പി ഇ. ​തു​ക്കാ​റാ​മു​മാ​യും മൂ​ന്ന് ക​ർ​ണാ​ട​ക എം.​എ​ൽ.​എ​മാ​രു​മാ​യും ബ​ന്ധ​പ്പെ​ട്ട സ്ഥ​ല​ങ്ങ​ളി​ൽ എ​ൻ​ഫോ​ഴ്‌​സ്‌​മെ​ന്റ് ഡ​യ​റ​ക്ട​റേ​റ്റ് (ഇ.​ഡി) ക​ള്ള​പ്പ​ണം വെ​ളു​പ്പി​ക്ക​ൽ നി​രോ​ധ​ന നി​യ​മ​പ്ര​കാ​രം (പി.​എം.​എ​ൽ.​എ) ഒ​ന്നി​ല​ധി​കം റെ​യ്ഡു​ക​ൾ ന​ട​ത്തി​യി​രു​ന്നു.

വാ​ല്മീ​കി കോ​ർ​പ​റേ​ഷ​ന്റെ ഫ​ണ്ട് വ​ക​മാ​റ്റ​ൽ സം​ബ​ന്ധി​ച്ച വി​ശാ​ല​മാ​യ അ​ന്വേ​ഷ​ണ​ത്തി​ന്റെ ഭാ​ഗ​മാ​യി​രു​ന്നു ഈ ​റെ​യ്ഡു​ക​ൾ. കോ​ർ​പ​റേ​ഷ​ന്റെ അ​ക്കൗ​ണ്ടു​ക​ളി​ൽ​നി​ന്ന് ഗ​ണ്യ​മാ​യ തു​ക നി​യ​മ​വി​രു​ദ്ധ​മാ​യി പി​ൻ​വ​ലി​ച്ച് വ്യാ​ജ ബാ​ങ്ക് അ​ക്കൗ​ണ്ടു​ക​ളി​ലേ​ക്ക് മാ​റ്റു​ക​യും പി​ന്നീ​ട് ഷെ​ൽ ക​മ്പ​നി​ക​ൾ വ​ഴി പ​ണം വെ​ളു​പ്പി​ക്കു​ക​യും ചെ​യ്ത​താ​യാ​ണ് അ​ന്വേ​ഷ​ണ ഉ​ദ്യോ​ഗ​സ്ഥ​രു​ടെ നി​ഗ​മ​നം.

2024 ലെ ​ലോ​ക്‌​സ​ഭ തെ​ര​ഞ്ഞെ​ടു​പ്പി​ൽ ബെ​ല്ലാ​രി നി​യോ​ജ​ക​മ​ണ്ഡ​ല​ത്തി​ൽ കൈ​മാ​റ്റം ചെ​യ്യ​പ്പെ​ട്ട ഫ​ണ്ടി​ന്റെ ഒ​രു ഭാ​ഗം ഉ​പ​യോ​ഗി​ച്ച​താ​യും ഇ.​ഡി ആ​രോ​പി​ച്ചി​ട്ടു​ണ്ട്. സം​സ്ഥാ​ന​ത്തെ പ​ട്ടി​ക​വ​ർ​ഗ സ​മൂ​ഹ​ങ്ങ​ളു​ടെ സാ​മൂ​ഹി​ക-​സാ​മ്പ​ത്തി​ക സാ​ഹ​ച​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​തി​നാ​യി ല​ക്ഷ്യ​മി​ട്ടു​ള്ള വി​ക​സ​ന പ​ദ്ധ​തി​ക​ൾ ന​ട​പ്പാ​ക്കു​ന്ന​തി​നാ​യി 2006ൽ ​സ്ഥാ​പി​ത​മാ​യ​താ​ണ് ക​ർ​ണാ​ട​ക മ​ഹ​ർ​ഷി വാ​ല്മീ​കി പ​ട്ടി​ക​വ​ർ​ഗ വി​ക​സ​ന കോ​ർ​പ​റേ​ഷ​ൻ. ക്ഷേ​മ പ​ദ്ധ​തി​ക​ൾ​ക്കാ​യി ഉ​ദ്ദേ​ശി​ച്ചി​രു​ന്ന പൊ​തു​ഫ​ണ്ട് ദു​രു​പ​യോ​ഗം ചെ​യ്ത​ത് സം​ബ​ന്ധി​ച്ച് ക​ർ​ണാ​ട​ക പൊ​ലീ​സും സി.​ബി.​ഐ​യും നേ​ര​ത്തേ സ​മ​ർ​പ്പി​ച്ച എ​ഫ്‌.​ഐ.​ആ​റു​ക​ളെ അ​ടി​സ്ഥാ​ന​മാ​ക്കി​യാ​ണ് ഇ​പ്പോ​ൾ അ​ന്വേ​ഷ​ണം ന​ട​ക്കു​ന്ന​ത്.