പശുക്കളെ മോഷ്ടിച്ച് കാറുകളിൽ കടത്തിയ രണ്ടു പേർ അറസ്റ്റിൽ

മംഗളൂരു: മോഷ്ടിച്ച പശുക്കളെ കാറുകളിൽ കടത്തുകയായിരുന്ന രണ്ടു പേരെ മംഗളൂരു ബജ്പെ പൊലീസ് അറസ്റ്റ് ചെയ്തു.പടുകൊണാജെയിലെ ഇംറാൻ ഇബ്രാഹിം (24), കട്ടബെട്ടുവിലെ കെ.നസീർ എന്ന നാച്ചി(26) എന്നിവരാണ് അറസ്റ്റിലായത്.

ബജ്പെ പൊലീസ് സബ് ഇൻസ്പെക്ടർ കുമരേശന്റെ നേതൃത്വത്തിൽ നടത്തിയ പതിവ് വാഹന പരിശോധനക്കിടെയാണ് പശുക്കടത്ത് പിടികൂടിയത്. നീല നിറമുള്ള സ്വിഫ്റ്റ്, വെളുത്ത റിറ്റ്സ് കാറുകളിൽ ഓരോ പശുവിനേയും കിടാവിനേയും കിടത്തിയ നിലയിലായിരുന്നു കടത്ത്.