ബംഗളൂരുവിൽ വാഹനാപകടം; രണ്ടു മലയാളി യുവാക്കൾക്ക് ദാരുണാന്ത്യം

ബംഗളൂരു: രാംനഗറില്‍ വാഹനാപകടത്തിൽ രണ്ടു മലയാളി യുവാക്കൾക്ക് ദാരുണാന്ത്യം. വയനാട് പുല്‍പ്പള്ളി കബനിഗിരി സ്വദേശി അജിത് കുമാര്‍ (36), കസര്‍കോട് വെള്ളരിക്കുണ്ട് സ്വദേശി സുബിന്‍ (37) എന്നിവരാണ് മരിച്ചത്.

ചൊവ്വാഴ്ച രാവിലെ ഏഴോടെ ബംഗളൂരു-മൈസൂരു എക്സ്പ്രസ് പാതയിലാണ് അപകടം. ബംഗളൂരുവിലേക്ക് പോകുകയായിരുന്ന അജിത് കുമാറിന്‍റെ വാഹനം ഡിവൈഡറില്‍ ഇടിക്കുകയായിരുന്നു. മൃതദേഹങ്ങള്‍ രാം നഗര സര്‍ക്കാര്‍ ആശുപത്രിയിലേക്ക് മാറ്റി. പോസ്റ്റ്മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും.