രോ​ഗി​ക​ളോ​ട് മോ​ശ​മാ​യി പെ​രു​മാ​റു​ന്ന​ത് ത​ട​യാ​ൻ നി​യ​മഭേ​ദ​ഗ​തി കൊ​ണ്ടു​വ​രും -മ​ന്ത്രി

ബം​ഗ​ളൂ​രു: സ​ർ​ക്കാ​ർ ആ​ശു​പ​ത്രി​ക​ളി​ലെ ജീ​വ​ന​ക്കാ​ർ രോ​ഗി​ക​ളോ​ട് മോ​ശ​മാ​യി പെ​രു​മാ​റി​യാ​ൽ അ​വ​ർ​ക്ക് ശി​ക്ഷ ല​ഭി​ക്കാ​വു​ന്ന ത​ര​ത്തി​ൽ നി​ല​വി​ലെ നി​യ​മ​ത്തി​ൽ ഭേ​ദ​ഗ​തി കൊ​ണ്ടു​വ​രു​മെ​ന്ന് ആ​രോ​ഗ്യ മ​ന്ത്രി കെ. ​സു​ധാ​ക​ർ പ​റ​ഞ്ഞു. തു​മ​കു​രു സം​ഭ​വ​ത്തി​ന്റെ പ​ശ്ചാ​ത്ത​ല​ത്തി​ൽ പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം.

ഡോ​ക്ട​ർ​മാ​രോ മ​റ്റു ജീ​വ​ന​ക്കാ​രോ രോ​ഗി​ക​ളോ​ട് മോ​ശ​മാ​യി പെ​രു​മാ​റി​യാ​ൽ അ​വ​രെ സ​ർ​വി​സി​ൽ​നി​ന്ന് പി​രി​ച്ചു​വി​ടും. ഇ​തു​മാ​യി ബ​ന്ധ​പ്പെ​ട്ട് മു​ഖ്യ​മ​ന്ത്രി​യു​മാ​യി ച​ർ​ച്ച ന​ട​ത്തും. ആ​വ​ശ്യ​മെ​ങ്കി​ൽ അ​ടു​ത്ത നി​യ​മ​സ​ഭ സ​മ്മേ​ള​ന​ത്തി​ൽ ഭേ​ദ​ഗ​തി കൊ​ണ്ടു​വ​രു​മെ​ന്നും അ​ദ്ദേ​ഹം പ​റ​ഞ്ഞു.

ഇ​ത്ത​രം സം​ഭ​വ​ങ്ങ​ൾ അം​ഗീ​ക​രി​ക്കാ​ൻ ക​ഴി​യി​ല്ല. അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ ആ​ശു​പ​ത്രി ജീ​വ​ന​ക്കാ​ർ രേ​ഖ​ക​ൾ ആ​വ​ശ്യ​പ്പെ​ട​രു​ത്. ചി​കി​ത്സ ന​ൽ​കി​യ ശേ​ഷം രേ​ഖ​ക​ൾ ശേ​ഖ​രി​ക്കാ​വു​ന്ന​താ​ണ്. ഒ​രു ത​ര​ത്തി​ലും ചി​കി​ത്സ നി​ഷേ​ധി​ക്കു​ക​യോ വൈ​കി​പ്പി​ക്കു​ക​യോ ചെ​യ്യാ​ൻ പാ​ടി​ല്ലാ​ത്ത രോ​ഗി​ക​ൾ​ക്ക് ന​ൽ​കേ​ണ്ട 76 അ​ടി​യ​ന്ത​ര സേ​വ​ന​ങ്ങ​ളു​ണ്ട്. സ​ർ​ക്കാ​ർ ആ​ശു​പ​ത്രി​യി​ൽ ചി​കി​ത്സ സൗ​ക​ര്യ​മി​ല്ലെ​ങ്കി​ൽ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ ല​ഭ്യ​മാ​ക്ക​ണ​മെ​ന്നും ചെ​ല​വ് സ​ർ​ക്കാ​ർ വ​ഹി​ക്കു​മെ​ന്നും ആ​രോ​ഗ്യ മ​ന്ത്രി പ​റ​ഞ്ഞു.