ദ​ലി​ത് യാ​ത്ര​ക്കാ​രി​ക്കു നേ​രെ ബസിൽ ലൈം​ഗി​ക അ​തി​ക്ര​മം നടത്തിയ മൂന്നുപേർ അറസ്റ്റിൽ

ബം​ഗ​ളൂ​രു: ദ​ലി​ത് സ്ത്രീ​ക്ക് നേ​രെ ബ​സി​ൽ ലൈം​ഗി​ക അ​തി​ക്ര​മം. സം​ഭ​വ​ത്തി​ൽ സ്വ​കാ​ര്യ ബ​സ് ഡ്രൈ​വ​ർ, ക​ണ്ട​ക്ട​ർ, ബ​സ് ഏ​ജ​ന്റ് എ​ന്നി​വ​രെ അ​റ​സി​ക്ക​രെ പൊ​ലീ​സ് അ​റ​സ്റ്റ് ചെ​യ്തു. ഡ്രൈ​വ​ർ കോ​ട്ടൂ​ർ താ​ലൂ​ക്കി​ലെ അ​ല​ബു​ര സ്വ​ദേ​ശി പ്ര​കാ​ശ് മ​ഡി​വാ​ള (42), ക​ണ്ട​ക്ട​ർ രാ​ജ​ശേ​ഖ​ർ (40), ഹ​ര​പ്പ​ന​ഹ​ള്ളി താ​ലൂ​ക്കി​ലെ അ​ര​സി​കെ​രെ സ്വ​ദേ​ശി​യാ​യ ബ​സ് ഏ​ജ​ന്റ് സു​രേ​ഷ് (46) എ​ന്നി​വ​രാ​ണ് അ​റ​സ്റ്റി​ലാ​യ​ത്. ഹ​ര​പ്പ​ന​ഹ​ള്ളി താ​ലൂ​ക്കി​ൽ ഉ​ച്ച​ങ്കി​ദു​ർ​ഗ​യി​ലെ ച​ന്ന​പൂ​ർ ഗ്രാ​മ​ത്തി​ന് സ​മീ​പ​മാ​ണ് സം​ഭ​വം.

ബെ​ൽ​ഗാ​മി​ൽ​നി​ന്നു​ള്ള യാ​ത്ര​ക്കാ​രി ഉ​ച്ചാ​ങ്കി​ദു​ർ​ഗ​യി​ലെ ഉ​ച്ചാ​ഞ്ചി​മ്മ​ൻ മേ​ള​യി​ൽ പ​ങ്കെ​ടു​ക്കാ​നെ​ത്തി​യ​താ​യി​രു​ന്നു. രാ​ത്രി മേ​ള ക​ഴി​ഞ്ഞ് ദാ​വ​ൻ​ഗ​രെ​യി​ലേ​ക്ക് പോ​കാ​ൻ യു​വ​തി ബ​ന​ശ​ങ്ക​രി എ​ന്ന സ്വ​കാ​ര്യ ബ​സി​ൽ ക​യ​റി. ആ ​സ​മ​യം ബ​സി​ൽ 10 യാ​ത്ര​ക്കാ​രു​ണ്ടാ​യി​രു​ന്നു. അ​ടു​ത്ത സ്റ്റോ​പ്പി​ൽ ബ​സി​ലു​ണ്ടാ​യി​രു​ന്ന 10 യാ​ത്ര​ക്കാ​രും ഇ​റ​ങ്ങി. ബ​സി​ൽ യാ​ത്ര​ക്കാ​രാ​യി ദ​ലി​ത് യു​വ​തി​യും ര​ണ്ട് കൊ​ച്ചു​കു​ട്ടി​ക​ളും മാ​ത്രം അ​വ​ശേ​ഷി​ച്ചു.

ഡ്രൈ​വ​ർ ബ​സ് റൂ​ട്ട് മാ​റ്റി ഓ​ടി​ച്ചു. ഉ​ച്ച​ങ്കി​ദു​ർ​ഗ​യി​ൽ​നി​ന്ന് ദാ​വ​ൻ​ഗ​രെ​യി​ലേ​ക്ക് പോ​കു​ന്ന​തി​ന് പ​ക​രം ച​ന്നാ​പൂ​രി​ലേ​ക്കാ​ണ് ബ​സ് കൊ​ണ്ടു​പോ​യ​ത്. ബ​സ് നി​ർ​ത്തി​യി​ട്ട് മൂ​ന്നു​പേ​ർ ചേ​ർ​ന്ന് യു​വ​തി​യെ ലൈം​ഗി​ക​മാ​യി പീ​ഡി​പ്പി​ക്കാ​ൻ ശ്ര​മി​ച്ചു. ഈ ​സ​മ​യം സ്ത്രീ ​നി​ല​വി​ളി​ച്ചു. അ​തു​വ​ഴി ക​ട​ന്നു​പോ​യ ആ​ളു​ക​ൾ സ്ത്രീ​യെ ര​ക്ഷി​ക്കു​ക​യാ​യി​രു​ന്നു. സം​ഭ​വ​മ​റി​ഞ്ഞ് സ്ഥ​ല​ത്തെ​ത്തി​യ പൊ​ലീ​സ് പ്ര​തി​ക​ളെ അ​റ​സ്റ്റ് ചെ​യ്തു. അ​റ​സി​ക്ക​രെ പൊ​ലീ​സ് സ്റ്റേ​ഷ​നി​ൽ കേ​സ് ര​ജി​സ്റ്റ​ർ ചെ​യ്തു.