ചെറുതല്ല ഈ വിജയാവേശം; കേക്ക് മുറിച്ച് ആഘോഷിച്ച് അർജന്‍റീന ആരാധകർ

ബംഗളൂരു: അർജന്‍റീന ആരാധകർ ലോകകപ്പ് വിജയം കേക്ക് മുറിച്ച് ആഘോഷിച്ചു. ഗാന്ധിനഗറിലെ ആരാധകരാണ് 30 കിലോയുള്ള കേക്ക് മുറിച്ചത്. അർജന്‍റീന പതാകയുടെ നിറമുള്ള കേക്ക് ബെനശങ്കരിയിലെ ബേക്കറിയിൽനിന്നാണ് ഉണ്ടാക്കിയത്.

വർഷങ്ങളുടെ കാത്തിരിപ്പിനു ശേഷമുള്ള ലോകകപ്പ് വിജയം ഏറെ സന്തോഷം നൽകുന്നതാണെന്ന് ആരാധകർ പറഞ്ഞു. കരീം, ജാഫർ, ലത്തീഫ്, സുബൈർ, സിറാജ്, മുനീർ, റഹീം, ഇസ്ഹാഖ്, ഹാരിസ്, അബ്ദുല്ല ബാബു, റനീഷ്, ഫൈസൽ, ഇസ്മായിൽ, മുബശ്ശിർ, ഫാസിൽ, മൻസൂർ എന്നിവർ നേതൃത്വം നൽകി. കുട്ടികളടക്കം നൂറോളം പേർ പങ്കെടുത്തു.