പീ​ഡ​ന​ക്കേ​സി​ൽ പ്ര​തി​യാ​യ സ്വാ​മി​യു​ടെ മ​ഠം ഇ​ടി​ച്ചു​നി​ര​ത്തി

ബം​ഗ​ളൂ​രു: പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ ലൈം​ഗി​ക​മാ​യി പീ​ഡി​പ്പി​ച്ച​തി​ന് അ​റ​സ്റ്റി​ലാ​യ സ്വ​യം പ്ര​ഖ്യാ​പി​ത ആ​ൾ​ദൈ​വ​ത്തി​ന്റെ മ​ഠം അ​ധി​കൃ​ത​ർ ഇ​ടി​ച്ചു​നി​ര​ത്തി. ചി​ക്കോ​ടി റാ​യ്ബാ​ഗ് താ​ലൂ​ക്ക് ഭ​ര​ണ​കൂ​ട​മാ​ണ് വ്യാ​ഴാ​ഴ്ച മേ​ഘാ​ലി ഗ്രാ​മ​ത്തി​ലെ ലോ​കേ​ശ്വ​ര സ്വാ​മി​യു​ടെ ആ​ശ്ര​മം എ​ക്സ്ക​വേ​റ്റ​ർ ഉ​പ​യോ​ഗി​ച്ച് ത​ക​ർ​ത്ത​ത്. റാ​യ്ബാ​ഗ് ത​ഹ​സി​ൽ​ദാ​ർ പ്ര​ശാ​ന്ത് മു​ൻ​ജി​യു​ടെ മേ​ൽ​നോ​ട്ട​ത്തി​ൽ മൂ​ന്ന് യ​ന്ത്ര​ങ്ങ​ളു​ടെ സ​ഹാ​യ​ത്തോ​ടെ​യാ​ണ് പൊ​ളി​ക്ക​ൽ ന​ട​ത്തി​യ​ത്. സ​ർ​വേ ന​മ്പ​ർ 225ലെ ​എ​ട്ട് ഏ​ക്ക​ർ സ​ർ​ക്കാ​ർ ഭൂ​മി ആ​ൾ​ദൈ​വം എ​ട്ട് വ​ർ​ഷം മു​മ്പ് കൈ​യേ​റി ആ​ശ്ര​മം നി​ർ​മി​ച്ചു​വെ​ന്നാ​ണ് ആ​രോ​പ​ണം.

ഹ​ത്യോ​ഗി ലോ​കേ​ശ്വ​ര സ്വാ​മി എ​ന്ന വ്യാ​ജ ആ​ൾ​ദൈ​വം ഏ​ക​ദേ​ശം വ​ർ​ഷ​മാ​യി സ​ർ​വേ ന​മ്പ​ർ 225ലെ ​എ​ട്ട് ഏ​ക്ക​ർ ഭൂ​മി കൈ​യേ​റി, മ​ഠ​ത്തി​ൽ നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്നു​ണ്ടെ​ന്ന് പ​രാ​തി​ക​ൾ ഉ​ണ്ടാ​യി​രു​ന്നു. കു​ടി​യൊ​ഴി​പ്പി​ക്ക​ലി​നു​ള്ള നോ​ട്ടീ​സ് നേ​ര​ത്തേ ന​ൽ​കി​യി​രു​ന്നു. മേ​യ് 21ന് ​അ​ന്തി​മ നോ​ട്ടീ​സ് ന​ൽ​കി. കു​ടി​യൊ​ഴി​പ്പി​ക്ക​ലി​ന് ഏ​ഴ് ദി​വ​സ​ത്തെ സ​മ​യം ന​ൽ​കി​യി​രു​ന്ന​താ​യും ത​ഹ​സി​ൽ​ദാ​ർ പ​റ​ഞ്ഞു. മേ​യ് 28ന് ​കു​ടി​യൊ​ഴി​പ്പി​ക്ക​ൽ പു​റ​പ്പെ​ടു​വി​ച്ച​താ​യും വ്യാ​ഴാ​ഴ്ച പൊ​ളി​ച്ചു​മാ​റ്റ​ൽ ന​ട​ത്തി​യ​താ​യും ത​ഹ​സി​ൽ​ദാ​ർ പ​റ​ഞ്ഞു. 2017ൽ ​അ​ദ്ദേ​ഹം ഒ​രു ത​ക​ര ഷെ​ഡ് സ്ഥാ​പി​ച്ചു, പി​ന്നീ​ട് കൂ​ടു​ത​ൽ ഭൂ​മി കൈ​യ​റി.

കൈ​യേ​റ്റം നീ​ക്കം ചെ​യ്യു​ക​യും സ​ർ​ക്കാ​ർ ഭൂ​മി തി​രി​ച്ചു​പി​ടി​ക്കു​ക​യും ചെ​യ്ത​താ​യി ഉ​ദ്യോ​ഗ​സ്ഥ​ൻ കൂ​ട്ടി​ച്ചേ​ർ​ത്തു. ക​ഴി​ഞ്ഞ​യാ​ഴ്ച​യാ​ണ് 17കാ​രി​യെ ബ​ലാ​ത്സം​ഗം ചെ​യ്ത കേ​സി​ൽ വ്യാ​ജ ആ​ൾ​ദൈ​വം അ​റ​സ്റ്റി​ലാ​യ​ത്. കു​ട്ടി​ക​ൾ​ക്കെ​തി​രാ​യ ലൈം​ഗി​ക കു​റ്റ​കൃ​ത്യ​ങ്ങ​ൾ ത​ട​യു​ന്ന​തി​നു​ള്ള വ​കു​പ്പ് (പോ​ക്സോ) ചു​മ​ത്തി​യാ​ണ് പ്ര​തി​ക്കെ​തി​രെ കേ​സ് ര​ജി​സ്റ്റ​ർ ചെ​യ്ത​ത്. പെ​ൺ​കു​ട്ടി​യെ സ്വാ​മി പ​ല​ത​വ​ണ ബ​ലാ​ത്സം​ഗം ചെ​യ്ത​താ​യും സം​ഭ​വം പു​റ​ത്തു​പ​റ​ഞ്ഞാ​ൽ കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തി​യ​താ​യും പൊ​ലീ​സ് അ​റി​യി​ച്ചു.

ഈ ​മാ​സം 13ന് ​പ്ര​തി പെ​ൺ​കു​ട്ടി​യെ റാ​യ്ച്ചൂ​രി​ലേ​ക്ക് കൊ​ണ്ടു​പോ​യി ര​ണ്ട് ദി​വ​സം അ​വി​ടെ താ​മ​സി​ച്ചു. 15ന് ​ബാ​ഗ​ൽ​കോ​ട്ടി​ലേ​ക്ക് കൊ​ണ്ടു​പോ​യി ര​ണ്ട് ദി​വ​സം അ​വി​ടെ താ​മ​സി​പ്പി​ച്ച് പീ​ഡി​പ്പി​ച്ചു. പെ​ൺ​കു​ട്ടി​യെ വീ​ട്ടി​ൽ വി​ടാ​മെ​ന്ന് പ​റ​ഞ്ഞ് മെ​യ് 17 ന് ​ബാ​ഗ​ൽ​കോ​ട്ട് ജി​ല്ല​യി​ലെ മ​ഹാ​ലിം​ഗ​പു​ര ബ​സ് സ്റ്റോ​പ്പി​ൽ ഇ​റ​ക്കി​വി​ടു​ക​യാ​യി​രു​ന്നു. പെ​ൺ​കു​ട്ടി ത​ന്റെ മാ​താ​പി​താ​ക്ക​ളോ​ട് ത​നി​ക്ക് നേ​രി​ടേ​ണ്ടി​വ​ന്ന ദു​ര​നു​ഭ​വം വെ​ളി​പ്പെ​ടു​ത്തി​യ​തി​നെ തു​ട​ർ​ന്ന് പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. പ്ര​തി ജു​ഡീ​ഷ്യ​ൽ ക​സ്റ്റ​ഡി​യി​ൽ ക​ഴി​യു​ക​യാ​ണ്.