സുവർണ കർണാടക കേരള സമാജം ചിത്രരചന മത്സരം

ബംഗളൂരു: സുവർണ കർണാടക കേരള സമാജം ഈസ്റ്റ് സോൺ വനിത വിഭാഗം കുട്ടികൾക്കായി ചിത്രരചന മത്സരം സംഘടിപ്പിച്ചു.കമ്മനഹള്ളിയിലെ ഓഫിസിൽ രണ്ട് ഗ്രൂപ്പുകളിലായി നടന്ന മത്സരത്തിൽ ഒന്നാം വിഭാഗത്തിൽ അനിഘ അജിത്, അഹാന എം. എന്നിവർ ജേതാക്കളായി.

രണ്ടാം വിഭാഗത്തിൽ സാൻവിയ സാജൻ, മാധവ് കെ. നായർ എന്നിവർ യഥാക്രമം ഒന്നും രണ്ടും സ്ഥാനക്കാരായി.ലിൻസി പ്രമോദ് വിധികർത്താവായിരുന്നു. മഹിളാവിഭാഗം ഭാരവാഹികളായ മായ കൃഷ്ണകുമാർ, റിൻസി മാത്യു, ശാഖ ചെയർമാൻ ബാഹുലേയൻ കെ.വി, കൺവീനർ ബിജു ജോസഫ്, അനു ലക്ഷ്മൺ, കിരൺ, കൃഷ്ണകുമാർ എന്നിവർ നേതൃത്വം നൽകി.