സുന്നി മഹല്ല് ഫെഡറേഷൻ ബംഗളൂരു അഡ്ഹോക് കമ്മിറ്റി രൂപവത്കരിച്ചു
text_fieldsഎം.കെ. നൗഷാദ് (ചെയർമാൻ), വി.കെ. അബ്ദുൽ നാസർ (കൺവീനർ)
ബംഗളൂരു: സമസ്ത കേരള സുന്നി മഹല്ല് ഫെഡറേഷന്റെ പ്രവർത്തനം കർണാടകയിൽ വ്യാപിപ്പിക്കുന്നതിന്റെ ഭാഗമായി ബംഗളൂരു ജില്ല അഡ്ഹോക് കമ്മിറ്റി രൂപവത്കരിച്ചു. എം.കെ. നൗഷാദ് (ചെയർമാൻ), വി.കെ. അബ്ദുൽ നാസർ (കൺവീനർ), സിദ്ദീഖ് തങ്ങൾ, അബു ശ്രീകണ്ഠപുരം, റഹീം ചാവശ്ശേരി, മുനീർ, അയ്യൂബ് ഹസനി (അംഗങ്ങൾ) എന്നിവരാണ് ഭാരവാഹികൾ.
കർണാടകയിൽ ജുമുഅത്ത് പള്ളികൾ കേന്ദ്രീകരിച്ച് മഹല്ല് യൂനിറ്റുകൾ രൂപവത്കരിക്കുകയും, പ്രസ്തുത മഹല്ലുകൾക്കും നിലവിലുള്ള മഹല്ലുകൾക്കും എസ്.എം.എഫിൽ അംഗീകാരം നൽകുകയും ചെയ്യുന്നതുമായി ബന്ധപ്പെട്ട് പ്രത്യേക സബ് കമ്മിറ്റിയെയും കേരള സംസ്ഥാന പ്രവർത്തക സമിതി നിയോഗിച്ചിട്ടുണ്ട്.
അബ്ദുൽ റഹ്മാൻ കല്ലായി (സംസ്ഥാന വൈസ് പ്രസിഡന്റ്), നാസർ ഫൈസി കൂടത്തായി (സംസ്ഥാന ഓർഗനൈസിങ് സെക്രട്ടറി), പി.സി. ഇബ്രാഹിം ഹാജി (സംസ്ഥാന സെക്രട്ടറി) എന്നിവരാണ് സബ് കമ്മിറ്റി അംഗങ്ങൾ. സബ് കമ്മിറ്റിക്ക് കീഴിലാവും ബംഗളൂരു ജില്ല അഡ്ഹോക് കമ്മിറ്റി പ്രവർത്തിക്കുക.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

