വിദ്യാർഥികളെ എത്തിക്കണം: ഉത്തരവ് പിൻവലിച്ചു

ബംഗളൂരു: വെള്ളിയാഴ്ച പ്രധാനമന്ത്രി നരേന്ദ്ര മോദി പങ്കെടുക്കുന്ന ബംഗളൂരുവിലെ ചടങ്ങ് കൊഴുപ്പിക്കാൻ വിദ്യാർഥികളെ എത്തിക്കണമെന്നാവശ്യപ്പെട്ടുള്ള വിദ്യാഭ്യാസ വകുപ്പിന്‍റെ ഉത്തരവ് വിവാദമായതോടെ പിൻവലിച്ചു.

ബംഗളൂരു വിമാനത്താവളത്തിൽ നടക്കുന്ന ഉദ്ഘാടനച്ചടങ്ങിൽ ബംഗളൂരു റൂറൽ ജില്ലയിലെ പ്രീ-യൂനിവേഴ്‌സിറ്റി കോളജുകളിൽനിന്ന്‌ വിദ്യാർഥികളെ നിർബന്ധമായി പങ്കെടുപ്പിക്കാനാവശ്യപ്പെട്ടാണ് പൊതുവിദ്യാഭ്യാസ വകുപ്പ് ഡെപ്യൂട്ടി ഡയറക്ടർ ഉത്തരവിറക്കിയത്.