തു​റ​ന്ന ബാ​ല​റ്റി​ൽ വി​പ്പ് ക്രോ​സ് ചെ​യ്ത് സോ​മ​ശേ​ഖ​റി​ന്‍റെ മ​ന​സ്സാ​ക്ഷി വോ​ട്ട്

ബം​ഗ​ളൂ​രു: മ​റു​ക​ണ്ടം ചാ​ടാ​തി​രി​ക്കാ​ൻ സ്വ​ന്തം എം.​എ​ൽ.​എ​മാ​രെ കോ​ൺ​ഗ്ര​സ്, ബി.​ജെ.​പി, ജെ.​ഡി.​എ​സ് പാ​ർ​ട്ടി​ക​ൾ തി​ങ്ക​ളാ​ഴ്ച റി​സോ​ർ​ട്ടു​ക​ളി​ൽ പാ​ർ​പ്പി​ച്ചി​ട്ടും ബി.​ജെ.​പി​യു​ടെ ര​ണ്ടു പേ​ർ വി​പ്പു​ക​ൾ ലം​ഘി​ച്ചു. എ.​ഐ.​സി.​സി ട്ര​ഷ​റ​ർ​കൂ​ടി​യാ​യ കോ​ൺ​ഗ്ര​സ് സ്ഥാ​നാ​ർ​ഥി അ​ജ​യ് മാ​ക്ക​ന് ക്രോ​സ് വോ​ട്ട് ചെ​യ്യാ​ൻ തീ​രു​മാ​നി​ച്ചു​റ​ച്ചാ​ണ് ബി.​ജെ.​പി യ​ശ്വ​ന്ത​പു​ര എം.​എ​ൽ.​എ എ​സ്.​ടി. സോ​മ​ശേ​ഖ​ർ ബാ​ല​റ്റ് കൈ​യി​ലെ​ടു​ത്ത​ത്.

ഓ​പ​ൺ വോ​ട്ട് രീ​തി​യി​ൽ അ​ദ്ദേ​ഹം ആ​ർ​ക്കാ​ണ് രേ​ഖ​പ്പെ​ടു​ത്തി​യ​തെ​ന്ന് ഏ​ജ​ന്‍റി​നെ കാ​ണി​ച്ചു. ‘എ​ന്‍റെ മ​നഃ​സാ​ക്ഷി​ക്ക​നു​സ​രി​ച്ചാ​ണ് വോ​ട്ട് ചെ​യ്ത​ത്’ -പു​റ​ത്തി​റ​ങ്ങി​യ അ​ദ്ദേ​ഹം മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. കോ​ൺ​ഗ്ര​സ് വി​ട്ട് ബി.​ജെ.​പി​യി​ൽ ചേ​ർ​ന്ന സോ​മ​ശേ​ഖ​ർ ക​ഴി​ഞ്ഞ മ​ന്ത്രി​സ​ഭ​യി​ൽ മൈ​സൂ​രു ജി​ല്ല ചു​മ​ത​ല​യു​ള്ള മ​ന്ത്രി​യാ​യി​രു​ന്നു. ‘അ​ദ്ദേ​ഹം പാ​ർ​ട്ടി​യെ ച​തി​ച്ചു, ആ​ത്മ​ഹ​ത്യാ​പ​രം’ -നി​യ​മ​സ​ഭ പ്ര​തി​പ​ക്ഷ​നേ​താ​വ് ആ​ർ. അ​ശോ​ക പ​റ​ഞ്ഞു.

വോ​ട്ടെ​ടു​പ്പി​ൽ​നി​ന്ന് വി​ട്ടു​നി​ന്ന എ​ല്ല​പ്പു​ർ മ​ണ്ഡ​ലം ബി.​ജെ.​പി എം.​എ​ൽ.​എ അ​ർ​ബ​യി​ൽ ശി​വ​റാം ഹെ​ബ്ബാ​ർ ചൊ​വ്വാ​ഴ്ച രാ​വി​ലെ പാ​ർ​ട്ടി നേ​താ​ക്ക​ളു​മാ​യി സം​സാ​രി​ച്ച​പ്പോ​ൾ​പോ​ലും ഇ​ത്ത​രം സൂ​ച​ന ന​ൽ​കി​യി​ല്ലെ​ന്ന് പ്ര​തി​പ​ക്ഷ​നേ​താ​വ് മാ​ധ്യ​മ​ങ്ങ​ളോ​ട് പ​റ​ഞ്ഞു. ഇ​രു​വ​ർ​ക്കു​മെ​തി​രെ നി​യ​മ​ന​ട​പ​ടി സ്വീ​ക​രി​ക്കും. കോ​ൺ​ഗ്ര​സി​ൽ​നി​ന്ന് ആ​രും ക്രോ​സ് വോ​ട്ട് ചെ​യ്യി​ല്ലെ​ന്ന് തി​ങ്ക​ളാ​ഴ്ച ത​റ​പ്പി​ച്ചു​പ​റ​ഞ്ഞ കെ.​പി.​സി.​സി അ​ധ്യ​ക്ഷ​ൻ ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ ചു​ണ്ടി​ൽ പു​ഞ്ചി​രി ഒ​ളി​പ്പി​ച്ചി​രു​ന്നു.

കോ​ൺ​ഗ്ര​സി​ന്‍റെ മൂ​ന്നു സ്ഥാ​നാ​ർ​ഥി​ക​ളും ജ​യി​ക്കു​മെ​ന്ന് ചൊ​വ്വാ​ഴ്ച വോ​ട്ടെ​ടു​പ്പു​വേ​ള​യി​ൽ മു​ഖ്യ​മ​ന്ത്രി സി​ദ്ധ​രാ​മ​യ്യ ഉ​റ​പ്പി​ച്ചു​പ​റ​ഞ്ഞു. ഉ​ന്നം തെ​റ്റാ​ത്ത രാ​ഷ്ട്രീ​യ ത​ന്ത്ര​ങ്ങ​ളു​ടെ വി​ജ​യം ആ​ഘോ​ഷി​ക്കു​ക​യും ചെ​യ്തു.