ബംഗളൂരുവിൽ ആഡംബര കാറിന് മുകളിലേക്ക് കണ്ടെയ്നർ ലോറി മറിഞ്ഞു; കുട്ടികളടക്കം ആറു പേർക്ക് ദാരുണാന്ത്യം
text_fieldsബംഗളൂരു: ആഡംബര കാറിന് മുകളിലേക്ക് കണ്ടെയ്നർ ലോറി മറിഞ്ഞ് കുട്ടികളടക്കം ആറു പേർ മരിച്ചു. ശനിയാഴ്ച രാവിലെ 11 മണിയോടെ ബംഗളൂരു റൂറലിലെ നീലമംഗലയ്ക്ക് സമീപം ദേശീയപാത 48-ലാണ് അപകടം. അപകടത്തിൽപെട്ട വോൾവോ കാറിലുണ്ടായിരുന്നവരാണ് മരിച്ചവരെല്ലാം.
വിജയപുരയിലേക്ക് അവധിക്കാലം ആഘോഷിക്കാന് പോകുന്നവരാണ് കാറിലുണ്ടായിരുന്നത്. തുമകുരുവിലേക്ക് പോകുകയായിരുന്നു കണ്ടെയ്നര് ലോറി.
𝔹𝔼ℕ𝔾𝔸𝕃𝕌ℝ𝕌 | Tragic Accident on NH48: 6 Lives Lost. A devastating accident occurred near Nelamangala on NH48, resulting in the loss of six lives, including two children. A container truck toppled and fell on a Volvo car, crushing the vehicle and claiming the lives of its… pic.twitter.com/vSCaRXxFOY
— ℝ𝕒𝕛 𝕄𝕒𝕛𝕚 (@Rajmajiofficial) December 21, 2024
പൊലീസ് പറയുന്നത്: കാറും ലോറിയും ഒരേ ദിശയിലായിരുന്നു സഞ്ചരിച്ചിരുന്നത്. ഇതിനിടെ കണ്ടെയ്നര് ലോറി ട്രക്കുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ കണ്ടെയ്നര് ലോറി കാറിന് മുകളിലേക്ക് മറിയുകയായിരുന്നു. രണ്ടു കുട്ടികളടക്കം കാറിലുണ്ടായിരുന്ന ആറുപേരും സംഭവ സ്ഥലത്ത് വെച്ചുതന്നെ മരിച്ചു. മൃതദേഹങ്ങള് നീലമംഗല സര്ക്കാര് ആശുപത്രി മോര്ച്ചറിയിലേക്ക് മാറ്റി.
ക്രെയിൻ ഉപയോഗിച്ചാണ് ലോറി കാറിന് മുകളില്നിന്ന് കണ്ടെയ്നര് ലോറി മാറ്റിയത്. അപകടത്തെതുടർന്ന് ഇവിടെ കിലോമീറ്ററുകൾ നീണ്ട ഗതാഗതക്കുരുക്കുണ്ടായി.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.