ശിവമൊഗ്ഗ സംഘർഷം; 60 പേർ അറസ്റ്റിൽ

ബം​ഗ​ളൂ​രു: ന​ബി​ദി​ന റാ​ലി​ക്കി​ടെ സം​ഘ​ർ​ഷ​മു​ണ്ടാ​യ ക​ർ​ണാ​ട​ക​യി​ലെ ശി​വ​മൊ​ഗ്ഗ​യി​ൽ സ്ഥി​തി സാ​ധാ​ര​ണ​നി​ല​യി​ലേ​ക്ക്. സം​ഭ​വ​ത്തി​ൽ 60 പേ​രെ പൊ​ലീ​സ് അ​റ​സ്റ്റ് ചെ​യ്തു. ഒ​ക്ടോ​ബ​ർ ഒ​ന്നി​നാ​ണ് സം​ഭ​വ​ങ്ങ​ളു​ടെ തു​ട​ക്കം. ശി​വ​മൊ​ഗ്ഗ​യി​ൽ റാ​ഗി​ഗു​ഡ്ഡ എ​ന്ന​റി​യ​പ്പെ​ടു​ന്ന ശാ​ന്തി​ന​ഗ​റി​ൽ ന​ബി​ദി​ന റാ​ലി​ക്കി​ടെ​യാ​ണ് ക​ല്ലേ​റ് ന​ട​ന്ന​ത്. ക​​ല്ലേ​റി​ൽ പൊ​ലീ​സു​കാ​ര​ട​ക്കം ആ​റു പേ​ർ​ക്ക് പ​രി​ക്കേ​റ്റു.

ഇ​വ​ർ മ​ക്ഗ​ൻ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. അ​ക്ര​മ​ത്തി​ൽ ഇ​രു സ​മു​ദാ​യ​ക്കാ​രു​ടെ​യും വീ​ടു​ക​ൾ​ക്കും വാ​ഹ​ന​ങ്ങ​ൾ​ക്കും നാ​ശ​ന​ഷ്ട​മു​ണ്ടാ​യി. സം​ഘ​ർ​ഷം അ​ര​ങ്ങേ​റി​യ ശാ​ന്തി​ന​ഗ​ർ മേ​ഖ​ല ഉ​ൾ​പ്പെ​ടെ ശി​വ​മൊ​ഗ്ഗ ന​ഗ​ര​ത്തി​ൽ നി​രോ​ധ​നാ​ജ്ഞ തു​ട​രു​ക​യാ​ണ്.ശി​വ​മൊ​ഗ്ഗ​യി​ൽ റാ​ലി​ക​ൾ​ക്ക് വി​ല​ക്കേ​ർ​പ്പെ​ടു​ത്തി​യി​ട്ടു​ണ്ട്. സം​ഘ​ർ​ഷ​ത്തി​ൽ ഹി​ന്ദു- മു​സ്‍ലിം സ​മു​ദാ​യ​ത്തി​ൽ​പെ​ട്ട​വ​ർ പ​ങ്കാ​ളി​ക​ളാ​യ​താ​യും ഇ​രു കൂ​ട്ട​രും പ​ര​സ്പ​രം ക​ല്ലെ​റി​ഞ്ഞ​താ​യും ശി​വ​മൊ​ഗ്ഗ എ​സ്.​പി ജി.​കെ. മി​ഥു​ൻ കു​മാ​ർ പ​റ​ഞ്ഞു. സി.​സി.​ടി.​വി ദൃ​ശ്യ​ങ്ങ​ളു​ടെ അ​ടി​സ്ഥാ​ന​ത്തി​ൽ ക​ല്ലെ​റി​ഞ്ഞ​വ​ർ​ക്കെ​തി​രെ 24 എ​ഫ്.​​ഐ.​ആ​ർ ത​യാ​റാ​ക്കി​യ​താ​യും എ​സ്.​പി പ​റ​ഞ്ഞു.

സം​ഘ​ർ​ഷം ആ​വ​ർ​ത്തി​ക്കാ​തി​രി​ക്കാ​ൻ ജി​ല്ലാ ഭ​ര​ണ​കൂ​ടം കാ​ര്യ​ക്ഷ​മ​മാ​യ ന​ട​പ​ടി​ക​ൾ സ്വീ​ക​രി​ച്ചു​വ​രു​ന്ന​താ​യി എ​സ്.​പി അ​റി​യി​ച്ചു. സ്ഥി​തി നി​യ​ന്ത്ര​ണ​വി​ധേ​യ​മാ​ണെ​ന്ന് ആ​ഭ്യ​ന്ത​ര മ​ന്ത്രി ജി. ​പ​ര​മേ​ശ്വ​ര പ​റ​ഞ്ഞു. എ​ന്നാ​ൽ, ക​ർ​ണാ​ട​ക​യി​ൽ കോ​ൺ​ഗ്ര​സ് ഭ​ര​ണ​ത്തി​ന് കീ​ഴി​ൽ ക്ര​മ​സ​മാ​ധാ​നം ത​ക​ർ​ന്ന​താ​യി ബി.​ജെ.​പി കു​റ്റ​പ്പെ​ടു​ത്തി. ന​ബി​ദി​ന റാ​ലി​യി​ൽ ടി​പ്പു​സു​ൽ​ത്താ​ന്റെ​യും ഔ​റം​ഗ​സീ​ബി​ന്റെ​യും ക​ട്ടൗ​ട്ടു​ക​ൾ ഉ​ൾ​പ്പെ​ടു​ത്തി​യ​താ​ണ് സം​ഘ​ർ​ഷ​ത്തി​നി​ട​യാ​ക്കി​യ​തെ​ന്ന് ബി.​ജെ.​പി ആ​രോ​പി​ച്ചു.