അണുബാധ; ബന്നാർഘട്ട മൃഗശാലയിൽ ഏഴ് പുലിക്കുഞ്ഞുങ്ങൾ ചത്തു

ബം​ഗ​ളൂ​രു: അ​ണു​ബാ​ധ​യെ തു​ട​ർ​ന്ന് ബ​ന്നാ​ർ​ഘ​ട്ട ബ​യോ​ള​ജി​ക്ക​ൽ പാ​ർ​ക്കി​ലെ മൃ​ഗ​ശാ​ല​യി​ലെ ഏ​ഴ് പു​ള്ളി​പ്പു​ലി കു​ഞ്ഞു​ങ്ങ​ൾ ച​ത്തു.

ഫീ​ലൈ​ൻ പ​ൻ​ലെ​ക​പീ​നി​യ (എ​ഫ്.​പി) എ​ന്ന സാം​ക്ര​മി​ക രോ​ഗ​മാ​ണ് ഇ​വ​ക്ക് ബാ​ധി​ച്ച​ത്. ഫീ​ലൈ​ൻ പ​ർ​വൊ​ വൈ​റ​സ് ആ​ണ് രോ​ഗം പ​ര​ത്തു​ന്ന​ത്. രോ​ഗം ഗു​രു​ത​ര​മാ​യ​തോ​ടെ​യാ​ണ് പു​ലി​ക്കു​ഞ്ഞു​ങ്ങ​ൾ ച​ത്ത​തെ​ന്ന് അ​ധി​കൃ​ത​ർ അ​റി​യി​ച്ചു. ആ​ഗ​സ്റ്റ് 22നാ​ണ് ആ​ദ്യം രോ​ഗം ക​ണ്ട​ത്. രോ​ഗ​ത്തി​നെ​തി​രാ​യ കു​ത്തി​വെ​പ്പ് ന​ൽ​കി​യി​രു​ന്നു.

എ​ന്നാ​ൽ, ചി​കി​ത്സ​ക്കി​ടെ ഏ​ഴും ചാ​വു​ക​യാ​യി​രു​ന്നു. മൂ​ന്ന് മാ​സ​ത്തി​നും എ​ട്ടു മാ​സ​ത്തി​നും ഇ​ട​യി​ൽ പ്രാ​യ​മു​ള്ള കു​ഞ്ഞു​ങ്ങ​ളാ​ണി​വ​യെ​ന്ന് പാ​ർ​ക്ക് എ​ക്സി​ക്യൂ​ട്ടി​വ് ഡ​യ​റ​ക്ട​ർ എ.​വി. സൂ​ര്യ പ​റ​ഞ്ഞു. രോ​ഗ​ബാ​ധ​യു​ണ്ടാ​യി 15 ദി​വ​സ​ങ്ങ​ൾ​ക്ക​കം ത​ന്നെ ഏ​ഴ് കു​ഞ്ഞു​ങ്ങ​ളും ച​ത്തു.

സ​ഫാ​രി ഭാ​ഗ​ത്തേ​ക്ക് തു​റ​ന്നു​വി​ട്ട ഒ​മ്പ​ത് കു​ഞ്ഞു​ങ്ങ​ളി​ൽ നാ​ലും രോ​ഗം ബാ​ധി​ച്ച് ച​ത്തു. റെ​സ്ക്യൂ കേ​​ന്ദ്ര​ത്തി​ൽ ഉ​ണ്ടാ​യി​രു​ന്ന മ​റ്റ് മൂ​ന്നു കു​ഞ്ഞു​ങ്ങ​ളും ച​ത്തു.

വൈ​റ​സ് ബാ​ധ​യേ​ൽ​ക്കു​ന്ന മൃ​ഗ​ങ്ങ​ൾ​ക്ക് ക​ഠി​ന​മാ​യ വ​യ​റ്റി​ള​ക്കം, ഛർ​ദി, നി​ർ​ജ​ലീ​ക​ര​ണം തു​ട​ങ്ങി​യ​വ​യാ​ണ് ഉ​ണ്ടാ​വു​ക. തു​ട​ർ​ന്ന് നാ​ലു​മു​ത​ൽ അ​ഞ്ചു ദി​വ​സ​ങ്ങ​ൾ​ക്കു​ള്ളി​ൽ മ​ര​ണം സം​ഭ​വി​ക്കും. നി​ല​വി​ൽ രോ​ഗം നി​യ​ന്ത്ര​ണ​വി​ധേ​യ​മാ​ണെ​ന്നും മ​റ്റു​ള്ള മൃ​ഗ​ങ്ങ​ൾ​ക്ക് രോ​ഗ​ബാ​ധ​യി​ല്ലെ​ന്നും അ​ധി​കൃ​ത​ർ പ​റ​ഞ്ഞു. മൃ​ഗ​ശാ​ല​യു​ടെ എ​ല്ലാ​ഭാ​ഗ​ങ്ങ​ളും വൃ​ത്തി​യാ​ക്കി അ​ണു​മു​ക്ത​മാ​ക്കി​യി​ട്ടു​ണ്ട്.

മൃ​ഗ​ഡോ​ക്ട​ർ​മാ​രു​ടെ സം​ഘ​വു​മാ​യി കൂ​ടി​ക്കാ​ഴ്ച ന​ട​ത്തി എ​ല്ലാ ന​ട​പ​ടി​ക​ളും സ്വീ​ക​രി​ച്ചി​ട്ടു​​ണ്ടെ​ന്നും അ​ധി​കൃ​ത​ർ അ​റി​യി​ച്ചു.