സീ​റ്റ് നി​ർ​ണ​യം; വി​മ​ത സ്വ​ര​ത്തി​ൽ പു​ക​ഞ്ഞ് ക​ർ​ണാ​ട​ക ബി.​ജെ.​പി

ബം​ഗ​ളൂ​രു: ലോ​ക്സ​ഭ സ്ഥാ​നാ​ർ​ഥി​പ്പ​ട്ടി​ക​യെ ചൊ​ല്ലി ക​ർ​ണാ​ട​ക ബി.​ജെ.​പി​യി​ൽ അ​സ്വാ​ര​സ്യം പു​ക​യു​ന്നു.

നി​യ​മ​സ​ഭ തെ​ര​ഞ്ഞെ​ടു​പ്പി​ലെ തി​രി​ച്ച​ടി ശേ​ഷം ക​ല​ഹം പ​തി​വാ​യ പാ​ർ​ട്ടി​യി​ൽ വി​മ​ത​സ്വ​രം ഏ​റു​ന്നു​വെ​ന്ന​താ​ണ് പു​തി​യ സം​ഭ​വ​വി​കാ​സ​ങ്ങ​ളി​ൽ തെ​ളി​യു​ന്ന​ത്. മ​ക​ൻ കെ.​ഇ. കാ​ന്തേ​ഷി​ന് സീ​റ്റ് ന​ൽ​കാ​ത്ത​തി​നെ​തി​രെ പ​ര​സ്യ​മാ​യി രം​ഗ​ത്തു​വ​ന്ന മു​തി​ർ​ന്ന നേ​താ​വും മു​ൻ ഉ​പ​മു​ഖ്യ​മ​ന്ത്രി​യു​മാ​യ കെ.​എ​സ്. ഈ​ശ്വ​​ര​പ്പ, മ​ക​നെ ഹാ​വേ​രി​യി​ൽ ബി.​ജെ.​പി വി​മ​ത​നാ​യി മ​ത്സ​രി​പ്പി​ക്കു​മെ​ന്ന് ഭീ​ഷ​ണി മു​ഴ​ക്കി.

മ​ക​ന് ഹാ​വേ​രി മ​ണ്ഡ​ല​ത്തി​ൽ സീ​റ്റ് ന​ൽ​കാ​മെ​ന്ന് പാ​ർ​ല​മെ​ന്റ​റി ബോ​ർ​ഡം​ഗം ബി.​എ​സ്. യെ​ദി​യൂ​ര​പ്പ ഉ​റ​പ്പു​ന​ൽ​കി​യി​രു​ന്ന​താ​യും എ​ന്നാ​ൽ, സീ​റ്റ് ന​ൽ​കാ​തെ വ​ഞ്ചി​ച്ച​താ​യും ഈ​ശ്വ​ര​പ്പ ആ​രോ​പി​ക്കു​ന്നു. ഭാ​വി കാ​ര്യ​ങ്ങ​ൾ തീ​രു​മാ​നി​ക്കു​ന്ന​തി​നാ​യി വെ​ള്ളി​യാ​ഴ്ച ശി​വ​മൊ​ഗ്ഗ​യി​ൽ അ​ദ്ദേ​ഹം അ​നു​യാ​യി​ക​ളു​ടെ യോ​ഗം വി​ളി​ച്ചി​ട്ടു​ണ്ട്. ഹാ​വേ​രി സീ​റ്റി​ൽ മു​ൻ മു​ഖ്യ​മ​ന്ത്രി ബ​സ​വ​രാ​ജ് ബൊ​മ്മൈ​ക്കാ​ണ് ബി.​ജെ.​പി ടി​ക്ക​റ്റ് ന​ൽ​കി​യ​ത്. ഹാ​വേ​രി​യി​ലോ ശി​വ​മൊ​ഗ്ഗ​യി​ലെ മ​ക​നെ മ​ത്സ​രി​പ്പി​ക്കാ​നാ​ണ് ഈ​ശ്വ​ര​പ്പ​യു​ടെ നീ​ക്കം. ഒ​മ്പ​ത് സി​റ്റി​ങ് എം.​പി​മാ​രെ ത​ഴ​ഞ്ഞ് നേ​തൃ​ത്വം ക​ർ​ണാ​ട​ക​യി​ലെ ആ​ദ്യ പ​ട്ടി​ക ക​ഴി​ഞ്ഞ ദി​വ​സം ബി.​ജെ.​പി പു​റ​ത്തു​വി​ട്ടി​രു​ന്നു. 28 മ​ണ്ഡ​ല​ങ്ങ​ളി​ൽ 20 സീ​റ്റി​ലേ​ക്ക് സ്ഥാ​നാ​ർ​ഥി​ക​ളെ നി​ശ്ച​യി​ച്ച​പ്പോ​ൾ പ​ല പ്ര​മു​ഖ​രെ​യും ത​ഴ​ഞ്ഞു. ബം​ഗ​ളൂ​രു നോ​ർ​ത്ത് എം.​പി​യും മു​ൻ മു​ഖ്യ​മ​ന്ത്രി​യു​മാ​യ ഡി.​വി. സ​ദാ​ന​ന്ദ ഗൗ​ഡ, പാ​ർ​ട്ടി മു​ൻ ക​ർ​ണാ​ട​ക അ​ധ്യ​ക്ഷ​നും ദ​ക്ഷി​ണ ക​ന്ന​ഡ എം.​പി​യു​മാ​യ ന​ളി​ൻ കു​മാ​ർ ക​ട്ടീ​ൽ, പാ​ർ​ല​മെ​ന്റ് ആ​ക്ര​മ​ണ കേ​സി​​ലെ പ്ര​തി​ക​ൾ​ക്ക് പാ​സ് സം​ഘ​ടി​പ്പി​ച്ചു ന​ൽ​കി​യ​തു​മാ​യി ബ​ന്ധ​പ്പെ​ട്ട് വി​വാ​ദ​ത്തി​ലാ​യ മൈ​സൂ​രു-​കു​ട​ക് എം.​പി പ്ര​താ​പ് സിം​ഹ തു​ട​ങ്ങി​യ​വ​രെ​യാ​ണ് ത​ഴ​ഞ്ഞ​ത്. മൈ​സൂ​രു രാ​ജ​കു​ടും​ബാം​ഗം യ​ദു​വീ​ർ കൃ​ഷ്ണ​ദ​ത്ത ചാ​മ​രാ​ജ വോ​ഡ​യാ​റി​നാ​ണ് മൈ​സൂ​ർ മ​ണ്ഡ​ല​ത്തി​ൽ നി​യോ​ഗം.

ആ​ഡം​ബ​ര ജീ​വി​തം ന​യി​ക്കു​ന്ന​വ​ർ ജ​ന​ങ്ങ​ളു​ടെ അ​ഭി​ലാ​ഷ​ങ്ങ​ൾ​ക്കാ​യി താ​ഴെ​യി​റ​ങ്ങു​ന്ന​തി​നെ ന​മ്മ​ൾ സ്വാ​ഗ​തം ചെ​യ്യ​ണ​മെ​ന്ന പ​രി​ഹാ​സ​മാ​ണ് യ​ദു​വീ​റി​ന്റെ സ്ഥാ​നാ​ർ​ഥി​ത്വ​ത്തെ കു​റി​ച്ചു​ള്ള പ്ര​താ​പ് സിം​ഹ​യു​ടെ പ്ര​തി​ക​ര​ണം. ത​ന്നെ ത​ഴ​ഞ്ഞ പാ​ർ​ട്ടി തീ​രു​മാ​നം വോ​ട്ടി​ൽ പ്ര​തി​ഫ​ലി​ക്കു​മെ​ന്ന് സ​ദാ​ന​ന്ദ ഗൗ​ഡ മു​ന്ന​റി​യി​പ്പ് ന​ൽ​കി. ​ക​ർ​ണാ​ട​ക​യി​ലെ പ്ര​ബ​ല സ​മു​ദാ​യ​ങ്ങ​ളി​ലൊ​ന്നാ​യ വൊ​ക്ക​ലി​ഗ​രി​ൽ​നി​ന്നു​ള്ള മു​തി​ർ​ന്ന നേ​താ​വാ​ണ് സ​ദാ​ന​ന്ദ ഗൗ​ഡ. 12 ജി​ല്ല​ക​ളി​ൽ നി​ർ​ണാ​യ​ക സ്വാ​ധീ​ന​മു​ള്ള വോ​ട്ടു​ബാ​ങ്കാ​ണ് വൊ​ക്ക​ലി​ഗ​ർ.

ഉ​ഡു​പ്പി-​ചി​ക്ക​മ​ഗ​ളൂ​രു സീ​റ്റി​ൽ​നി​ന്ന് ശോ​ഭ ക​ര​ന്ത്‍ലാ​ജെ​യെ പു​റ​ത്തു​ചാ​ടി​ക്കാ​ൻ ബി.​ജെ.​പി ദേ​ശീ​യ ജ​ന​റ​ൽ സെ​ക്ര​ട്ട​റി സി.​ടി. ര​വി അ​ട​ക്ക​മു​ള്ള നേ​താ​ക്ക​ൾ ന​ട​ത്തി​യ നീ​ക്ക​വും ഫ​ലം​ക​ണ്ടു.

ശോ​ഭ​ക്കെ​തി​രെ പാ​ർ​ട്ടി അ​ണി​ക​ൾ തെ​രു​വി​ലി​റ​ങ്ങി​യി​രു​ന്നു. മ​ണ്ഡ​ലം മാ​റി​യെ​ങ്കി​ലും സ​ദാ​ന​ന്ദ ഗൗ​ഡ​യു​ടെ സീ​റ്റി​ലേ​ക്ക് മ​റ്റൊ​രു വൊ​ക്ക​ലി​ഗ നേ​താ​വാ​യ ശോ​ഭ​യെ സു​ര​ക്ഷി​ത​മാ​യി ഇ​രു​ത്താ​ൻ യെ​ദി​യൂ​ര​പ്പ ച​ര​ടു​വ​ലി​ച്ചു. സം​ഘ​ട​നാ ചു​മ​ത​ല​യു​ള്ള ദേ​ശീ​യ സെ​ക്ര​ട്ട​റി ബി.​എ​ൽ. സ​ന്തോ​ഷി​​ന്റെ എ​തി​ർ​പ്പ് മ​റി​ക​ട​ന്ന് ഹാ​വേ​രി​യി​ൽ ബൊ​മ്മൈ​ക്കും ചാ​മ​രാ​ജ് ന​ഗ​റി​ൽ ബ​ൽ​രാ​ജി​നും സീ​റ്റു​റ​പ്പി​ച്ച​തും യെ​ദി​യൂ​ര​പ്പ​യാ​ണ്.