തടാകങ്ങളുടെ ബഫർ സോണ്‍ കുറക്കൽ: ബില്‍ ഗവർണർ തിരിച്ചയച്ചു

ബം​ഗ​ളൂ​രു: സം​സ്ഥാ​ന​ത്തെ ത​ടാ​ക​ങ്ങ​ൾ​ക്കും ടാ​ങ്കു​ക​ൾ​ക്കും ചു​റ്റു​മു​ള്ള ബ​ഫ​ർ സോ​ണു​ക​ളു​ടെ വ​ലി​പ്പം കു​റ​ക്കു​ന്ന​തി​നു​ള്ള നി​യ​മ​നി​ർ​മാ​ണ​ത്തി​നു​ള്ള ക​ർ​ണാ​ട​ക ടാ​ങ്ക് ക​ൺ​സ​ർ​വേ​ഷ​ൻ ആ​ൻ​ഡ് ഡെ​വ​ല​പ്‌​മെ​ന്‍റ് അ​തോ​റി​റ്റി (ഭേ​ദ​ഗ​തി) ബി​ൽ ക​ർ​ണാ​ട​ക ഗ​വ​ർ​ണ​ർ ത​വാ​ർ​ച​ന്ദ് ഗ​ഹ്​​ലോ​ട്ട് സ​ർ​ക്കാ​റി​ന് തി​രി​ച്ച​യ​ച്ചു.

വ​ർ​ഷ​കാ​ല സ​മ്മേ​ള​ന​ത്തി​ലാ​ണ് ഇ​രു​സ​ഭ​ക​ളി​ലും ബി​ൽ പാ​സാ​ക്കി​യ​ത്. ഇ​ത് പ്ര​കാ​രം ജ​ലാ​ശ​യ​ങ്ങ​ളു​ടെ വി​സ്തൃ​തി​യെ അ​ടി​സ്ഥാ​ന​മാ​ക്കി ത​ടാ​ക​ങ്ങ​ളു​ടെ ബ​ഫ​ർ സോ​ണു​ക​ൾ കു​റ​ക്കാ​ൻ നി​ർ​ദേ​ശി​ച്ചി​രു​ന്നു. ബി​ല്ലു​മാ​യി ബ​ന്ധ​പ്പെ​ട്ട് രാ​ജ്​​ഭ​വ​നി​ല്‍ ല​ഭി​ച്ച എ​തി​ർ​പ്പു​ക​ൾ ഉ​ദ്ധ​രി​ച്ച് ഗ​വ​ർ​ണ​ർ, ഉ​ന്ന​യി​ച്ച വി​ഷ​യ​ങ്ങ​ളി​ൽ സം​സ്ഥാ​ന സ​ർ​ക്കാ​റി​ൽ​നി​ന്ന് വ്യ​ക്ത​ത വേ​ണ​മെ​ന്നും ഭേ​ദ​ഗ​തി​ക്ക് യ​ഥാ​ർ​ഥ​ത്തി​ൽ പ്ര​തി​കൂ​ല ഫ​ല​മു​ണ്ടോ ഇ​ല്ല​യോ എ​ന്ന് അ​റി​യേ​ണ്ട​തു​ണ്ടെ​ന്നും പ​റ​ഞ്ഞു.

ഫ​യ​ൽ സം​സ്ഥാ​ന സ​ർ​ക്കാ​റി​ന് തി​രി​കെ ന​ൽ​കു​ക​യും ഇ​തി​ല്‍ വ്യ​ക്ത​ത ന​ൽ​കു​ക​യും വേ​ണ​മെ​ന്നും ഗ​വ​ർ​ണ​റു​ടെ ഓ​ഫി​സി​ൽ​നി​ന്ന് സ​ർ​ക്കാ​റി​ന് അ​യ​ച്ച ക​ത്തി​ൽ നി​ര്‍ദേ​ശി​ച്ചു.

ജ​ലാ​ശ​യ​ങ്ങ​ൾ​ക്കാ​യി വി​സ്തീ​ര്‍ണ​മ​നു​സ​രി​ച്ച് ബ​ഫ​ർ സോ​ണു​ക​ൾ അ​വ​ത​രി​പ്പി​ക്കാ​നും റോ​ഡു​ക​ൾ, പാ​ല​ങ്ങ​ൾ, വൈ​ദ്യു​ത ലൈ​ൻ, ജ​ല​വി​ത​ര​ണ ലൈ​ൻ, ഭൂ​ഗ​ർ​ഭ ഡ്രെ​യി​നേ​ജ് (യു.​ജി.​ഡി) ലൈ​ൻ, പ​മ്പ് ഹൗ​സ്, മ​ലി​ന​ജ​ല സം​സ്ക​ര​ണ പ്ലാ​ന്‍റ് (എ​സ്.​ടി.​പി), മ​ലി​ന​ജ​ല പ​മ്പി​ങ് സ്റ്റേ​ഷ​ൻ (ഐ.​എ​സ്.​പി.​എ​സ്), നീ​ര്‍ത്ത​ടം, ക​നാ​ലു​ക​ള്‍, അ​നു​ബ​ന്ധ പ്ര​വൃ​ത്തി​ക​ള്‍ തു​ട​ങ്ങി​യ​വ​ക്ക് അ​തോ​റി​റ്റി​യു​ടെ മു​ൻ​കൂ​ർ അ​നു​മ​തി​യോ​ടെ നി​ർ​മാ​ണം അ​നു​വ​ദി​ക്കാ​നും ബി​ൽ നി​ർ​ദേ​ശി​ച്ചി​രു​ന്നു.

ബി​ൽ പ്ര​കാ​രം, 0.5 ഗു​ണ്ഡ​വ​രെ​യു​ള്ള ത​ടാ​ക​ങ്ങ​ൾ​ക്ക് ബ​ഫ​ർ സോ​ൺ ഉ​ണ്ടാ​കി​ല്ല. ഒ​രു ഏ​ക്ക​ർ​വ​രെ വി​സ്തീ​ർ​ണ​മു​ള്ള ത​ടാ​ക​ങ്ങ​ൾ​ക്ക് ബ​ഫ​ർ സോ​ൺ മൂ​ന്ന് മീ​റ്റ​റും ഒ​ന്ന് മു​ത​ൽ 10 ഏ​ക്ക​ർ​വ​രെ വി​സ്തീ​ർ​ണ​മു​ള്ള ത​ടാ​ക​ങ്ങ​ൾ​ക്ക് ആ​റ് മീ​റ്റ​റും 10 മു​ത​ൽ 25 ഏ​ക്ക​ർ​വ​രെ വി​സ്തീ​ർ​ണ​മു​ള്ള ത​ടാ​ക​ങ്ങ​ൾ​ക്ക് 12 മീ​റ്റ​റും 25 മു​ത​ൽ 100 ​​ഏ​ക്ക​ർ​വ​രെ വി​സ്തീ​ർ​ണ​മു​ള്ള ത​ടാ​ക​ങ്ങ​ൾ​ക്ക് 24 മീ​റ്റ​റും 100 ഏ​ക്ക​റി​ൽ കൂ​ടു​ത​ലു​ള്ള ത​ടാ​ക​ങ്ങ​ൾ​ക്ക് 30 മീ​റ്റ​റും ആ​യി​രി​ക്കും ബ​ഫ​ർ സോ​ൺ.

നി​ല​വി​ൽ, ത​ടാ​ക​ങ്ങ​ൾ​ക്ക് 30 മീ​റ്റ​ർ ബ​ഫ​ർ സോ​ൺ ഉ​ണ്ട്. അ​വി​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ അ​നു​വ​ദ​നീ​യ​മ​ല്ല. ബി​ല്ലി​ന് അ​നു​മ​തി ന​ൽ​ക​രു​തെ​ന്ന് ആ​വ​ശ്യ​പ്പെ​ട്ട് ബം​ഗ​ളൂ​രു ടൗ​ൺ ഹാ​ൾ അ​സോ​സി​യേ​ഷ​ന്‍ ത​ന്‍റെ ഓ​ഫി​സി​ല്‍ നി​വേ​ദ​ന സ​മ​ര്‍പ്പി​ച്ചി​ട്ടു​ണ്ടെ​ന്ന് ഗ​വ​ർ​ണ​ർ സ​ർ​ക്കാ​റി​ന് അ​യ​ച്ച ക​ത്തി​ൽ ചൂ​ണ്ടി​ക്കാ​ട്ടി.

വി​ദ​ഗ്​​ധ​രു​ടെ അ​ഭി​പ്രാ​യ​ത്തി​ൽ, നി​ല​വി​ലെ ത​ടാ​ക ബ​ഫ​ർ സോ​ൺ 30 മീ​റ്റ​ർ​ത​ന്നെ അ​പ​ര്യാ​പ്ത​മാ​ണെ​ന്നും ആ​വാ​സ​വ്യ​വ​സ്ഥ​യു​ടെ സം​ര​ക്ഷ​ണ​ത്തി​ന് 300 മീ​റ്റ​റെ​ങ്കി​ലും ബ​ഫ​ർ സോ​ൺ ആ​വ​ശ്യ​മാ​ണെ​ന്നും ഈ ​ഭേ​ദ​ഗ​തി​യു​ടെ പ്ര​ത്യാ​ഘാ​ത​ങ്ങ​ളെ​ക്കു​റി​ച്ച് സം​സ്ഥാ​ന സ​ർ​ക്കാ​ർ വി​ദ​ഗ്​​ധ സ​മി​തി​യെ​യോ പൊ​തു​ജ​ന​ങ്ങ​ളെ​യോ സ​മീ​പി​ച്ചി​ട്ടി​ല്ലെ​ന്നും നി​വേ​ദ​ന​ത്തി​ല്‍ ചൂ​ണ്ടി​ക്കാ​ട്ടു​ന്നു.