സ​മൂ​ഹ​മാ​ധ്യ​മ​ങ്ങ​ളുടെ ദു​രു​പ​യോ​ഗം: റാ​യ്​​ചൂ​ർ ന​വോ​ദ​യ മെ​ഡി​ക്ക​ൽ കോ​ള​ജി​ൽ വി​ദ്യാ​ർ​ഥി​ക​ൾ ഏ​റ്റു​മു​ട്ടി

ബം​ഗ​ളൂ​രു: റാ​യ്​​ചൂ​ർ പ​ട്ട​ണ​ത്തി​ന​ടു​ത്ത ന​വോ​ദ​യ മെ​ഡി​ക്ക​ൽ കോ​ള​ജി​ൽ വി​ദ്യാ​ർ​ഥി​ക​ൾ ത​മ്മി​ൽ ഏ​റ്റു​മു​ട്ട​ൽ, നി​ര​വ​ധി പേ​ർ​ക്ക്​ പ​രി​​ക്കേ​റ്റു. സ​മൂ​ഹ​മാ​ധ്യ​മ​ങ്ങ​ൾ ദു​രു​പ​യോ​ഗി​ച്ച​തി​നെ തു​ട​ർ​ന്നാ​ണ്​ സം​ഘ​ർ​ഷ​മെ​ന്ന്​ പൊ​ലീ​സ്​ പ​റ​ഞ്ഞു. ഇ​രു​മ്പ്​ ദ​ണ്ഡു​ക​ളു​മാ​യാ​ണ്​ പാ​രാ​മെ​ഡി​ക്ക​ൽ വി​ദ്യാ​ർ​ഥി​ക​ൾ ത​മ്മി​ൽ ഏ​റ്റു​മു​ട്ടി​യ​ത്.

ശ​ങ്ക​ർ, ശം​ഭു​ലിം​ഗ എ​ന്നീ വി​ദ്യാ​ർ​ഥി​ക​ൾ​ക്കാ​ണ്​ പ​രി​ക്ക്. ബി.​എ​സ്​​സി ന​ഴ്​​സി​ങ്​ വി​ദ്യാ​ർ​ഥി​യാ​യ രോ​ഹി​താ​ണ്​ ആ​ക്ര​മ​ണ​ത്തി​ന്​ പി​ന്നി​ലെ​ന്ന്​ തി​രി​ച്ച​റി​ഞ്ഞി​ട്ടു​ണ്ട്. ശ​ങ്ക​റും ശം​ഭു​ലിം​ഗ​യും രോ​ഹി​തി​ന്‍റെ മൊ​​ബൈ​ൽ സ്റ്റാ​റ്റ​സി​ന്‍റെ സ്ക്രീ​ൻ​ഷോ​ട്ട്​ എ​ടു​ത്തി​രു​ന്നു. ത​ന്‍റെ അ​മ്മ​യു​ടെ ജ​ന്മ​ദി​ന​ത്തോ​ട​നു​ബ​ന്ധി​ച്ച്​ രോ​ഹി​ത്​ അ​മ്മ​യു​ടെ ഫോ​ട്ടോ​യാ​ണ്​ സ്റ്റാ​റ്റ​സാ​യി വെ​ച്ചി​രു​ന്ന​ത്. സ്ക്രീ​ൻ​ഷോ​ട്ട്​​ എ​ടു​ത്ത​വ​ർ അ​ത്​ എ​ഡി​റ്റ്​ ചെ​യ്ത്​ ലൗ ​ചി​ഹ്ന​ങ്ങ​ൾ കൂ​ട്ടി​ച്ചേ​ർ​ത്ത്​ കാ​മ്പ​സി​ൽ വൈ​റ​ലാ​ക്കി. രോ​ഹി​തും കൂ​ട്ട​രും ഇ​ത്​ ചോ​ദ്യം ചെ​യ്യു​ക​യും ആ​ക്ര​മി​ക്കു​ക​യു​മാ​യി​രു​ന്നൂ​വെ​ന്നും പൊ​ലീ​സ്​ പ​റ​ഞ്ഞു. അ​ധ്യാ​പ​ക​രു​ടെ മു​ന്നി​ൽ വെ​ച്ചാ​ണ്​ വി​ദ്യാ​ർ​ഥി​ക​ൾ ചേ​രി​തി​രി​ഞ്ഞ്​ ആ​ക്ര​മ​ണം ന​ട​ത്തി​യ​ത്. നി​ര​വ​ധി പേ​ർ​ക്ക്​ പ​രി​ക്കേ​റ്റി​ട്ടു​മു​ണ്ട്. നേ​താ​ജി ന​ഗ​ർ പൊ​ലീ​സ്​ സ്ഥ​ല​ത്തെ​ത്തി അ​ന്വേ​ഷ​ണം തു​ട​ങ്ങി​യി​ട്ടു​ണ്ട്.