'സംക്ഷെപ വെദാർത്ഥം' പ്രസിദ്ധീകരണത്തിന്റെ രണ്ടര നൂറ്റാണ്ട് -വാർഷികം 11 ന് ബംഗളൂരുവിൽ

ബംഗളൂരു: മലയാള ലിപി അച്ചുവാർത്ത് അച്ചടിച്ച ആദ്യ സമ്പൂർണ മലയാള പുസ്തകമായ ക്ലെമന്റ് പിയാനിയസിന്റെ 'നസ്രാണികൾ ഒക്കക്കും അറിയേണ്ടുന്ന സംക്ഷെപ വെദാർത്ഥം' പ്രസിദ്ധീകരണത്തിന്റെ 250 ാം വാർഷികം ഡിസംബർ 11ന് ബംഗളൂരുവിൽ നടക്കും.

ധർമാരാം കോളജ് ലൈബ്രറിയിൽ ഉച്ചക്ക് രണ്ടിന് ആരംഭിക്കുന്ന പരിപാടിയിൽ സാഹിത്യ നിരൂപകനും ചരിത്രകാരനുമായ ഡോ. പി.​കെ. രാജശേഖരൻ, ധർമാരാം കോളജ് റെക്ടർ ഫാ. പോൾ അച്ചാണ്ടി, കൂത്തുപറമ്പ് നിർമലഗിരി കോളജ് റിട്ട. പ്രിൻസിപ്പൽ ഫാ. എമ്മാനുവൽ ആട്ടേൽ, പുകസ കർണാടക ഘടകം പ്രസിഡന്റ് സുരേഷ് കോടൂർ എന്നിവർ പ​ങ്കെടുക്കും. പ​ങ്കെടുക്കാൻ താൽപര്യമുള്ളവർ https://forms.gle/B4EswRFtaeLx1yQg6 ലിങ്ക് വഴി രജിസ്റ്റർ ചെയ്യണമെന്ന് സംഘാടകർ അറിയിച്ചു.