Begin typing your search above and press return to search.
exit_to_app
exit_to_app
Posted On
date_range 10 Feb 2025 10:33 AM IST Updated On
date_range 10 Feb 2025 10:33 AM ISTഎഡ് ഷീരാന്റെ പാട്ട് തടഞ്ഞ് പൊലീസ്
text_fieldsbookmark_border
camera_alt
പൊലീസ് പാട്ട് തടയുന്നതിന്റെ ദൃശ്യങ്ങൾ
ബംഗളുരു: ചർച്ച് സ്ട്രീറ്റില് ആശ്ചര്യമായി പാടാനെത്തിയ ഇതിഹാസ ഗായകൻ എഡ് ഷീരാനെ തിരിച്ചറിയാതെ പറഞ്ഞയച്ച് പൊലീസ്. മൈക്കിന്റെ കണക്ഷൻ ഊരി സ്ഥലം വിടാനായിരുന്നു പൊലീസ് നിർദേശം. ഞായറാഴ്ച രാവിലെ പതിനൊന്നോടെയാണ് പ്രമുഖ ബ്രിട്ടീഷ് ഗായകൻ എഡ് ഷീരാൻ ചർച്ച് സ്ട്രീറ്റില് പാടാനെത്തിയത്. നേരത്തേ അനുമതി വാങ്ങിയിട്ടില്ലെന്ന് പറഞ്ഞ് ഗായകന്റെ പാട്ട് പൊലീസ് തടസ്സപ്പെടുത്തി. ഇതിനിടെ എഡ് ഷീരാനെ കണ്ട് ആളുകൾ കൂടിയിരുന്നു. പലരും അദ്ദേഹം പാടുന്നത് മൊബൈലില് പകർത്താനും തുടങ്ങി. പ്രസിദ്ധമായ ‘ഷേപ് ഓഫ് യൂ’ പാടുന്നതിനിടെയാണ് പൊലീസുകാരൻ വന്ന് പാട്ട് നിർത്താൻ പറഞ്ഞത്. എഡ് ഷീരാനാണെന്ന് പറയാൻ ശ്രമിച്ചെങ്കിലും പൊലീസുകാരൻ അതൊന്നും കേട്ടില്ല. തുടർന്ന് പാട്ട് അവസാനിപ്പിച്ച് എഡ് ഷീരാനും സംഘവും മടങ്ങുകയായിരുന്നു. സംഭവത്തിന്റെ ദൃശ്യങ്ങൾ സമൂഹ മാധ്യമങ്ങളിൽ പ്രചരിക്കുകയാണ്. വ്യാപക വിമര്ശനമാണ് ഉയരുന്നത് .
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story

