കാ​വേ​രി ന​ദി​യി​ൽ ചി​താ​ഭ​സ്മം നി​മ​ജ്ജ​നം ത​ട​യാ​ൻ പ​ദ്ധ​തി

ബം​ഗ​ളൂ​രു: ക​ർ​ണാ​ട​ക​യു​ടെ മു​ഖ്യ ശു​ദ്ധ​ജ​ല വി​ത​ര​ണ ഉ​റ​വി​ട​മാ​യ കാ​വേ​രി ന​ദി മ​ലി​ന​മാ​വു​ന്ന​ത് ത​ട​യാ​ൻ ശ്രീ​രം​ഗ​പ​ട്ട​ണ ന​ഗ​ര​സ​ഭ പ​ദ്ധ​തി. ശ്രീ​രം​ഗ​പ​ട്ട​ണ​യി​ലെ പു​ണ്യ സം​ഗ​മ​ത്തി​ൽ ‘അ​സ്തി വി​സ​ർ​ജ​ൻ’ (ദ​ഹ​ന​ചാ​രം നി​മ​ജ്ജ​നം) ച​ട​ങ്ങു​ക​ളി​ൽ​നി​ന്നു​ള്ള ചാ​രം കൈ​കാ​ര്യം ചെ​യ്യു​ന്ന​തി​നാ​യി പ്ര​ത്യേ​ക പ്ലാ​റ്റ്‌​ഫോ​മു​ക​ൾ, മാ​ലി​ന്യ നി​ർ​മാ​ർ​ജ​ന യൂ​നി​റ്റു​ക​ൾ, പ്ര​ത്യേ​ക ഡ്രൈ​നേ​ജ് സം​വി​ധാ​നം എ​ന്നി​വ നി​ർ​മി​ക്കു​ന്ന​തി​നു​ള്ള വി​ശ​ദ​മാ​യ പ​ദ്ധ​തി റി​പ്പോ​ർ​ട്ട് (ഡി.​പി.​ആ​ർ) ത​യാ​റാ​ക്കു​ന്ന​തി​ന് ന​ഗ​ര​സ​ഭ ടെ​ൻ​ഡ​റു​ക​ൾ ക്ഷ​ണി​ച്ചു.

ചാ​ര​വും ആ​ചാ​ര മാ​ലി​ന്യ​ങ്ങ​ളും കാ​വേ​രി ന​ദി​യെ നേ​രി​ട്ട് മ​ലി​ന​മാ​ക്കു​ന്ന​ത് ത​ട​യു​ക എ​ന്ന​താ​ണ് ഈ ​സം​രം​ഭ​ത്തി​ന്റെ ല​ക്ഷ്യം. ഡി.​പി.​ആ​ർ അ​ന്തി​മ​മാ​യി​ക്ക​ഴി​ഞ്ഞാ​ൽ ആ​ചാ​ര​ങ്ങ​ൾ നി​യ​ന്ത്രി​ക്കും. പ​ശ്ചി​മ​വാ​ഹി​നി, സം​ഘം, ഗോ​സാ​യി ഘ​ട്ട്, സ്നാ​ന ഘ​ട്ട് എ​ന്നി​വി​ട​ങ്ങ​ളി​ൽ ആ​വ​ശ്യ​മാ​യ അ​ടി​സ്ഥാ​ന സൗ​ക​ര്യ​ങ്ങ​ൾ വി​ക​സി​പ്പി​ക്കും. നാ​ല് കോ​ടി രൂ​പ​യാ​ണ് പ​ദ്ധ​തി​ച്ചെ​ല​വ് ക​ണ​ക്കാ​ക്കു​ന്ന​ത്. ആ​ചാ​ര​പ​ര​മാ​യ മാ​ലി​ന്യ​ങ്ങ​ൾ ന​ദി​യെ മ​ലി​ന​മാ​ക്കു​ന്ന​തി​ലേ​ക്ക് ന​യി​ക്കു​ന്ന നി​ല​വി​ലെ അ​നി​യ​ന്ത്രി​ത സം​വി​ധാ​ന​ത്തി​ന് ഇ​ത് അ​റു​തി​വ​രു​ത്തു​മെ​ന്ന് അ​ധി​കൃ​ത​ർ പ്ര​തീ​ക്ഷി​ക്കു​ന്നു.

ദ​ക്ഷി​ണ ക​ർ​ണാ​ട​ക​യു​ടെ ജീ​വ​രേ​ഖ​യാ​യി ക​ണ​ക്കാ​ക്ക​പ്പെ​ടു​ന്ന കാ​വേ​രി ന​ദി മ​ത​പ​ര​മാ​യ ആ​ചാ​ര​ങ്ങ​ൾ മൂ​ല​മു​ണ്ടാ​കു​ന്ന അ​നി​യ​ന്ത്രി​ത​മാ​യ മ​ലി​നീ​ക​ര​ണം കാ​ര​ണം ശ്രീ​രം​ഗ​പ​ട്ട​ണം ക​ടു​ത്ത ഭീ​ഷ​ണി​യി​ലാ​ണ്. രാ​ജ്യ​ത്തും വി​ദേ​ശ​ത്തു​മു​ള്ള ആ​യി​ര​ക്ക​ണ​ക്കി​ന് ഭ​ക്ത​ർ ശ്രീ​രം​ഗ​പ​ട്ട​ണ​ത്തി​ലെ പു​ണ്യ​ഘ​ട്ട​ങ്ങ​ളി​ലെ​ത്തി ത​ങ്ങ​ളു​ടെ പ്രി​യ​പ്പെ​ട്ട​വ​രു​ടെ ചി​താ​ഭ​സ്മം നി​മ​ജ്ജ​നം ചെ​യ്യു​ന്ന​ത് ആ​ത്മാ​ക്ക​ൾ​ക്ക് ‘മോ​ക്ഷം’ ല​ഭി​ക്കു​മെ​ന്ന് വി​ശ്വ​സി​ക്കു​ന്നു.

എ​ന്നാ​ൽ ചാ​ര​ത്തോ​ടൊ​പ്പം പു​ഷ്പ​മാ​ല​ക​ൾ, ക​ളി​മ​ൺ ക​ല​ങ്ങ​ൾ, വ​സ്ത്ര​ങ്ങ​ൾ, മ​റ്റു പൂ​ജാ വ​സ്തു​ക്ക​ൾ എ​ന്നി​വ പ​ല​പ്പോ​ഴും ന​ദി​യി​ലേ​ക്ക് നേ​രി​ട്ട് വ​ലി​ച്ചെ​റി​യ​പ്പെ​ടു​ന്നു. ഇ​ത് ഗ​ണ്യ​മാ​യ ജ​ല​മ​ലി​നീ​ക​ര​ണ​ത്തി​ന് കാ​ര​ണ​മാ​വു​ന്നു. ശ​രി​യാ​യ നി​രീ​ക്ഷ​ണ​ത്തി​ന്റെ അ​ഭാ​വം പു​രോ​ഹി​ത​ന്മാ​ർ, ക​ച്ച​വ​ട​ക്കാ​ർ, ഇ​ട​നി​ല​ക്കാ​ർ എ​ന്നി​വ​ർ​ക്കി​ട​യി​ൽ കി​ട മ​ത്സ​ര​ത്തി​നും കാ​ര​ണ​മാ​യി​ട്ടു​ണ്ട്. അ​വ​ർ പ​ല​പ്പോ​ഴും ദുഃ​ഖി​ത​രാ​യ കു​ടും​ബ​ങ്ങ​ളെ ചൂ​ഷ​ണം ചെ​യ്യു​ന്നു.

വി​ഷാ​ദ​രോ​ഗി​യാ​യ യു​വാ​വ് കാ​വേ​രി ന​ദി​യി​ലേ​ക്ക് ബി.​എം.​ഡ​ബ്ല്യു ഓ​ടി​ച്ചു​ക​യ​റ്റി​യ സം​ഭ​വ​വു​മു​ണ്ടാ​യി. അ​മാ​വാ​സി പോ​ലു​ള്ള അ​വ​സ​ര​ങ്ങ​ളി​ലും മ​റ്റു ശു​ഭ​ദി​ന​ങ്ങ​ളി​ലും ഈ ​സ്ഥ​ല​ങ്ങ​ളി​ലേ​ക്കു​ള്ള തി​ര​ക്ക് പ​തി​ന്മ​ട​ങ്ങ് വ​ർ​ധി​ക്കു​ന്നു.

ലോ​കാ​യു​ക്ത​ക്ക് നി​ര​വ​ധി പൊ​തു​ജ​ന പ​രാ​തി​ക​ൾ ല​ഭി​ച്ച​തി​നെ​ത്തു​ട​ർ​ന്ന് സ്ഥി​തി​ഗ​തി​ക​ൾ നേ​രി​ട്ട് പ​രി​ശോ​ധി​ക്കാ​ൻ ഉ​പ​ലോ​കാ​യു​ക്ത ജ​സ്റ്റി​സ് ബി. ​വീ​ര​പ്പ അ​ടു​ത്തി​ടെ ശ്രീ​രം​ഗ​പ​ട്ട​ണം സ​ന്ദ​ർ​ശി​ച്ചി​രു​ന്നു. ന​ദി​യി​ലെ വ​ലി​യ തോ​തി​ലു​ള്ള ദൈ​നം​ദി​ന മ​ലി​നീ​ക​ര​ണം, ഭ​ക്ത​രെ ചൂ​ഷ​ണം ചെ​യ്യ​ൽ, ‘അ​സ്തി വി​സ​ർ​ജ​ന’​ത്തി​ന് നി​യ​ന്ത്രി​ത ന​ട​പ​ടി​ക്ര​മ​ങ്ങ​ളു​ടെ പൂ​ർ​ണ​മാ​യ അ​ഭാ​വം എ​ന്നി​വ അ​ദ്ദേ​ഹം ക​ണ്ടെ​ത്തി.

പ​ശ്ചി​മ​വാ​ഹി​നി, സം​ഘം, ഗോ​സാ​യി ഘ​ട്ട്, സ്നാ​ന ഘ​ട്ട എ​ന്നി​വി​ട​ങ്ങ​ളി​ൽ ആ​ചാ​ര​ങ്ങ​ൾ​ക്കു​ള്ള ശ​രി​യാ​യ വേ​ദി​ക​ൾ, മാ​ലി​ന്യ നി​ർ​മാ​ർ​ജ​ന യൂ​നി​റ്റു​ക​ൾ, ചാ​രം നേ​രി​ട്ട് കാ​വേ​രി​യി​ലെ വെ​ള്ള​വു​മാ​യി ക​ല​രു​ന്നി​ല്ലെ​ന്ന് ഉ​റ​പ്പാ​ക്കാ​ൻ നി​യു​ക്ത ഡ്രൈ​നേ​ജ് സം​വി​ധാ​നം എ​ന്നി​വ ഉ​ൾ​പ്പെ​ടെ അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കാ​ൻ ശ്രീ​രം​ഗ​പ​ട്ട​ണ ന​ഗ​ര​സ​ഭ​യോ​ട് ഉ​പ​ലോ​കാ​യു​ക്ത നി​ർ​ദേ​ശി​ച്ചി​രു​ന്നു. ശ്രീ​രം​ഗ​പ​ട്ട​ണം ന​ഗ​ര​സ​ഭ ച​ട​ങ്ങു​ക​ൾ ന​ട​ത്തു​ന്ന പു​രോ​ഹി​ത​ന്മാ​ർ​ക്കും ഏ​ജ​ന്റു​മാ​ർ​ക്കും വ്യാ​പാ​ര ലൈ​സ​ൻ​സു​ക​ൾ ന​ൽ​കു​ക, ഓ​രോ ആ​ചാ​ര​ത്തി​ന്റെ​യും നി​ര​ക്ക് വ്യ​ക്ത​മാ​യി പ​ട്ടി​ക​പ്പെ​ടു​ത്തു​ന്ന പ്ര​ദ​ർ​ശ​ന ബോ​ർ​ഡു​ക​ൾ സ്ഥാ​പി​ക്കു​ക, ഭ​ക്ത​രെ ദു​ഷ്ട​ശ​ക്തി​ക​ൾ ചൂ​ഷ​ണം ചെ​യ്യു​ന്ന​ത് ത​ട​യു​ക തു​ട​ങ്ങി​യ നി​ർ​ദേ​ശ​ങ്ങ​ളും ലോ​കാ​യു​ക്ത ന​ൽ​കി​യ​താ​യി ന​ഗ​ര​സ​ഭ ചീ​ഫ് ഓ​ഫി​സ​ർ എം. ​രാ​ജ​ണ്ണ പ​റ​ഞ്ഞു. കാ​വേ​രി​യി​ലെ മ​ലി​നീ​ക​ര​ണ​ത്തി​ന്റെ പ്ര​ധാ​ന ഉ​റ​വി​ട​മാ​യി നി​മ​ജ്ജ​ന ച​ട​ങ്ങു​ക​ൾ തി​രി​ച്ച​റി​ഞ്ഞി​ട്ടു​ണ്ട്.

ഉ​പ​ലോ​കാ​യു​ക്ത​യു​ടെ സ​ന്ദ​ർ​ശ​ന​ത്തെ​ത്തു​ട​ർ​ന്ന്, മാ​ണ്ഡ്യ അ​സി​സ്റ്റ​ന്റ് ക​മീ​ഷ​ണ​റു​ടെ അ​ധ്യ​ക്ഷ​ത​യി​ൽ സ​മി​തി രൂ​പ​വ​ത്ക​രി​ച്ചു. ശ്രീ​രം​ഗ​പ​ട്ട​ണം ത​ഹ​സി​ൽ​ദാ​ർ, ടൗ​ൺ പ​ഞ്ചാ​യ​ത്ത് എ​ക്സി​ക്യൂ​ട്ടി​വ് ഓ​ഫി​സ​ർ, ടി.​എം.​സി സി.​ഇ.​ഒ, പ​രി​സ്ഥി​തി ഓ​ഫി​സ​ർ, കാ​വേ​രി നീ​ര​വാ​രി നി​ഗം ​​ലി​മി​റ്റ​ഡി​ന്റെ (സി.​എ​ൻ.​എ​ൻ.​എ​ൽ) പ്ര​തി​നി​ധി എ​ന്നി​വ​ർ ഇ​തി​ൽ ഉ​ൾ​പ്പെ​ടു​ന്നു. ഡി.​പി.​ആ​ർ ത​യാ​റാ​ക്കാ​ൻ ക​മ്മി​റ്റി നി​ർ​ദേ​ശി​ച്ചി​ട്ടു​ണ്ട്.

ക​ഴി​ഞ്ഞ ജൂ​ലൈ​യി​ൽ ശ്രീ​രം​ഗ​പ​ട്ട​ണ​ത്തി​ലെ ‘അ​സ്തി വി​സ​ർ​ജ​ന’ ആ​ചാ​ര​ങ്ങ​ൾ നി​യ​ന്ത്രി​ക്കു​ന്ന​തി​ന് വ്യ​ക്ത​മാ​യ നി​ർ​ദേ​ശ​ങ്ങ​ൾ ആ​വ​ശ്യ​പ്പെ​ട്ട് ബം​ഗ​ളൂ​രു ആ​സ്ഥാ​ന​മാ​യു​ള്ള കു​ശാ​ൽ കു​മാ​ർ കൗ​ശി​ക്കി​ന്റെ നേ​തൃ​ത്വ​ത്തി​ലു​ള്ള ആ​റ് അ​ഭി​ഭാ​ഷ​ക​രു​ടെ സം​ഘം ക​ർ​ണാ​ട​ക ഹൈ​കോ​ട​തി​യി​ൽ പൊ​തു​താ​ൽ​പ​ര്യ ഹ​ര​ജി (പി.​ഐ.​എ​ൽ) ഫ​യ​ൽ ചെ​യ്തി​രു​ന്നു.