മ​മ്പാ​ടി സു​ബ്ര​ഹ്മ​ണ്യ ഭ​ട്ടി​ന് പാ​ർ​ഥി സു​ബ്ബ അ​വാ​ർ​ഡ്

മം​ഗ​ളൂ​രു: മു​തി​ർ​ന്ന യ​ക്ഷ​ഗാ​ന താ​ള​വാ​ദ്യ ക​ലാ​കാ​ര​നും അ​ധ്യാ​പ​ക​നു​മാ​യ ബ​ണ്ട്വാ​ളി​ലെ മ​മ്പാ​ടി സു​ബ്ര​ഹ്മ​ണ്യ ഭ​ട്ടി​നെ ക​ർ​ണാ​ട​ക യ​ക്ഷ​ഗാ​ന അ​ക്കാ​ദ​മി​യു​ടെ 2024ലെ ‘​പാ​ർ​ഥി​സു​ബ്ബ അ​വാ​ർ​ഡി’​ന് തെ​ര​ഞ്ഞെ​ടു​ത്ത​താ​യി അ​ക്കാ​ദ​മി പ്ര​സി​ഡ​ന്റ് ത​ല്ലൂ​ർ ശി​വ​റാം ഷെ​ട്ടി അ​റി​യി​ച്ചു. ല​ക്ഷം രൂ​പ​യും പ്ര​ശ​സ്തി​പ​ത്ര​വും അ​ട​ങ്ങു​ന്ന​താ​ണ് പു​ര​സ്‌​കാ​ര​മെ​ന്ന് വെ​ള്ളി​യാ​ഴ്ച ഉ​ഡു​പ്പി പ്ര​സ് ക്ല​ബി​ൽ ന​ട​ന്ന വാ​ർ​ത്ത​സ​മ്മേ​ള​ന​ത്തി​ൽ അ​ക്കാ​ദ​മി മേ​ധാ​വി പ​റ​ഞ്ഞു. ‘യ​ക്ഷ​ശി​രി’ വാ​ർ​ഷി​ക അ​വാ​ർ​ഡി​ന് തെ​ര​ഞ്ഞെ​ടു​ക്ക​പ്പെ​ട്ട 10 പേ​രു​ടെ​യും 2024ലെ ​അ​ക്കാ​ദ​മി​യു​ടെ എ​ൻ​ഡോ​വ്‌​മെ​ന്റ് അ​വാ​ർ​ഡി​ന് തെ​ര​ഞ്ഞെ​ടു​ത്ത അ​ഞ്ചു​പേ​രു​ടെ​യും പേ​രു​ക​ളും ച​ട​ങ്ങി​ൽ പ്ര​ഖ്യാ​പി​ച്ചു.

ഫെ​ബ്രു​വ​രി 16ന് ​ഉ​ഡു​പ്പി​യി​ലെ ക​ലാ​രം​ഗ ഹാ​ളി​ൽ സം​ഘ​ടി​പ്പി​ക്കു​ന്ന പ​രി​പാ​ടി​യി​ൽ അ​വാ​ർ​ഡു​ക​ൾ വി​ത​ര​ണം ചെ​യ്യും.മ​മ്പാ​ടി നാ​രാ​യ​ണ ഭാ​ഗ​വ​ത​രു​ടെ മ​ക​നാ​ണ് തേ​ങ്കു​ത്തി​ട്ട് യ​ക്ഷ​ഗാ​ന​ത്തി​ലെ മു​തി​ർ​ന്ന ക​ലാ​കാ​ര​ൻ സു​ബ്ര​ഹ്മ​ണ്യ ഭ​ട്ട്. പി​താ​വി​ന്റെ മാ​ർ​ഗ​നി​ർ​ദേ​ശ​പ്ര​കാ​രം യ​ക്ഷ​ഗാ​ന രം​ഗ​ത്ത് വ​ള​ർ​ന്ന ഭ​ട്ട്, ക​ട്ടീ​ൽ, ക​ർ​ണാ​ട​ക, ക​ദ്രി എ​ന്നീ ട്രൂ​പ്പു​ക​ളി​ൽ (മേ​ള​ങ്ങ​ൾ) പ്ര​മു​ഖ പ​ശ്ചാ​ത്ത​ല താ​ള​വാ​ദ്യ ക​ലാ​കാ​ര​നാ​യി പ്ര​വ​ർ​ത്തി​ച്ചു. ക​ർ​ണാ​ട​ക​യി​ലും കേ​ര​ള​ത്തി​ലു​മാ​യി നി​ര​വ​ധി യ​ക്ഷ​ഗാ​ന പ്രേ​മി​ക​ളെ പ​രി​ശീ​ലി​പ്പി​ച്ചു.