മൈ​ക്രോ​ഫി​നാ​ൻ​സ് ക​മ്പ​നി​ക​ളെ നി​യ​ന്ത്രി​ക്കാ​ൻ ഓ​ർ​ഡി​ന​ൻ​സി​ന് അ​നു​മ​തി

ബം​ഗ​ളൂ​രു: മൈ​ക്രോ​ഫി​നാ​ൻ​സ് ക​മ്പ​നി​ക​ളെ നി​യ​മം​മൂ​ലം നി​യ​ന്ത്രി​ക്കാ​ൻ ഓ​ർ​ഡി​ന​ൻ​സി​ന് ക​ർ​ണാ​ട​ക സ​ർ​ക്കാ​ർ അ​നു​മ​തി ന​ൽ​കി. വ്യാ​ഴാ​ഴ്ച മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന മ​ന്ത്രി​സ​ഭ യോ​ഗ​ത്തി​ലാ​ണ് നി​ർ​ണാ​യ​ക തീ​രു​മാ​നം.ലോ​ൺ റി​ക്ക​വ​റി ന​ട​പ​ടി​ക​ളി​ലെ മോ​ശം സ​മീ​പ​ന​ങ്ങ​ൾ നി​യ​മം​മൂ​ലം ത​ട​യു​ക​യാ​ണ് ല​ക്ഷ്യം.

മൈ​ക്രോ ഫി​നാ​ൻ​സ് ക​മ്പ​നി​ക​ളു​ടെ ഭീ​ഷ​ണി​മൂ​ലം നി​ര​വ​ധി പേ​ർ സം​സ്ഥാ​ന​ത്ത് ആ​ത്മ​ഹ​ത്യ ചെ​യ്യു​ക​യും പ​ല​രും വീ​ടൊ​ഴി​യു​ക​യും ചെ​യ്ത സാ​ഹ​ച​ര്യ​ത്തി​ലാ​ണ് സ​ർ​ക്കാ​ർ അ​ടി​യ​ന്ത​ര​മാ​യി ഓ​ർ​ഡി​ന​ൻ​സി​ലേ​ക്ക് ക​ട​ക്കു​ന്ന​ത്. ഓ​ർ​ഡി​ന​ൻ​സി​ൽ ഗ​വ​ർ​ണ​ർ ഒ​പ്പു​വെ​ക്കു​ന്ന​തോ​ടെ ഉ​ട​ൻ നി​യ​മം പ്രാ​ബ​ല്യ​ത്തി​ൽ വ​രും.

പ​ല മൈ​ക്രോ ഫി​നാ​ൻ​സ് സ്ഥാ​പ​ന​ങ്ങ​ളും മ​നു​ഷ്യ​ത്വ​ര​ഹി​ത​മാ​യ ന​ട​പ​ടി​ക​ളാ​ണ് ലോ​ൺ റി​ക്ക​വ​റി​ക്കാ​യി സ്വീ​ക​രി​ക്കു​ന്ന​തെ​ന്ന് മ​ന്ത്രി​സ​ഭ തീ​രു​മാ​നം വി​ശ​ദീ​ക​രി​ച്ച നി​യ​മ​മ​ന്ത്രി എ​ച്ച്.​കെ. പാ​ട്ടീ​ൽ ചൂ​ണ്ടി​ക്കാ​ട്ടി. ഉ​ദ്യോ​ഗ​സ്ഥ​ത​ല​ത്തി​ൽ ശ​നി​യാ​ഴ്ച മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ അ​ധ്യ​ക്ഷ​ത​യി​ൽ മു​ഖ്യ​മ​ന്ത്രി​യു​ടെ ഔ​ദ്യോ​ഗി​ക വ​സ​തി​യാ​യ കൃ​ഷ്ണ​യി​ൽ യോ​ഗം ചേ​ർ​ന്നി​രു​ന്നു. സം​സ്ഥാ​ന​ത്ത് പ്ര​വ​ർ​ത്തി​ക്കു​ന്ന മൈ​ക്രോ​ഫി​നാ​ൻ​സ് സ്ഥാ​പ​ന​ങ്ങ​ളു​ടെ ദു​രു​പ​യോ​ഗ​ങ്ങ​ൾ ​സം​ബ​ന്ധി​ച്ച് യോ​ഗം ച​ർ​ച്ച ചെ​യ്തി​രു​ന്നു. ഇ​തി​നു​ശേ​ഷ​മാ​ണ് മ​ന്ത്രി​സ​ഭ യോ​ഗ​ത്തി​ൽ ഓ​ർ​ഡി​ന​ൻ​സ് സം​ബ​ന്ധി​ച്ച ച​ർ​ച്ച സി​ദ്ധ​രാ​മ​യ്യ മു​ന്നോ​ട്ടു​വെ​ച്ച​ത്. ഓ​ർ​ഡി​ന​ൻ​സു​മാ​യി മു​ന്നോ​ട്ടു​പോ​കാ​ൻ മ​ന്ത്രി​സ​ഭ പൂ​ർ​ണ അ​നു​മ​തി ന​ൽ​കി​യ​താ​യി എ​ച്ച്.​​കെ. പാ​ട്ടീ​ൽ പ​റ​ഞ്ഞു.

ബം​ഗ​ളൂ​രു, ചാ​മ​രാ​ജ് ന​ഗ​ർ, ഹാ​വേ​രി, മൈ​സൂ​രു, ഉ​ടു​പ്പി, ചി​ക്ക​മ​ഗ​ളൂ​രു, കു​ട​ക് എ​ന്നി​വ​യു​ൾ​പ്പെ​ടെ നി​ര​വ​ധി ജി​ല്ല​ക​ളി​ൽ മൈ​ക്രോ ഫി​നാ​ൻ​സ് സ്ഥാ​പ​ന​ങ്ങ​ളി​ൽ​നി​ന്നു​ള്ള പീ​ഡ​ന പ​രാ​തി​ക​ൾ വ​ർ​ധി​ച്ചു​വ​രു​ന്ന സാ​ഹ​ച​ര്യ​ത്തി​ലാ​ണ് ഈ ​നീ​ക്കം.

വാ​യ്പാ തി​രി​ച്ച​ട​വ് മു​ട​ങ്ങി​യ​തി​നെ തു​ട​ർ​ന്ന് മൈ​ക്രോ​ഫി​നാ​ൻ​സ് ക​മ്പ​നി​ക​ളു​ടെ ജീ​വ​ന​ക്കാ​രി​ൽ​നി​ന്നു​ള്ള ഭീ​ഷ​ണി സ​ഹി​ക്കാ​നാ​വാ​തെ കു​ട​ക് ജി​ല്ല​യി​ലെ മ​ടി​ക്കേ​രി​യി​ലും ചാ​മ​രാ​ജ് ന​ഗ​ർ ജി​ല്ല​യി​ലെ യെ​ല​ന്തൂ​രും മെ​സൂ​രു ന​ഞ്ച​ൻ​കോ​ടും ദ​ലി​ത് കു​ടും​ബ​ങ്ങ​ൾ വീ​ടൊ​ഴി​ഞ്ഞി​രു​ന്നു.