ബസും കാറും കൂട്ടിയിടിച്ച് ഒരുമരണം

മംഗളൂരു: കെപ്പു ഗ്രാമത്തിലെ കുഡ്ഡപദവ്-പെരുവൈ-മനിൽ റോഡിലെ മുള്യയിൽ കെ.എസ്.ആർ.ടി.സി ബസും ഒമ്‌നി കാറും കൂട്ടിയിടിച്ചുണ്ടായ അപകടത്തിൽ ഒരാൾ മരിക്കുകയും രണ്ടുപേർക്ക് ഗുരുതര പരിക്കേൽക്കുകയും ചെയ്തു.

കാറിലുണ്ടായിരുന്ന മൈറ മോനപ്പ കുലാളാണ് (65) മരിച്ചത്. പരിക്കേറ്റ മൈറ നിവാസികളായ ലളിത കുലാൾ, രമണി കുലാൾ എന്നിവരെ ആശുപത്രിയിൽ പ്രവേശിപ്പിച്ചു. വിട്ടൽ പൊലീസ് കേസെടുത്തു.