ഫൊറോന ദേവാലയത്തിൽ ഓണാഘോഷം

ബംഗളൂരു: സ്വർഗറാണി ക്നാനായ കാത്തലിക്ക് ഫൊറോന ദേവാലയത്തിൽ ഓണാഘോഷം സംഘടിപ്പിച്ചു. ബാംഗ്ലൂർ സെൻറ് ജോൺസ് മെഡിക്കൽ കോളജ് അസോ. ഡയറക്ടർ ഫാ. ടോണി എർണ്യാകുളത്തിൽ ഉദ്ഘാടനം ചെയ്തു. ഓണപ്പാട്ട്, വടംവലി, പൂക്കളം, മെഗാ തിരുവാതിര, വിവിധ കായിക മത്സരങ്ങൾ എന്നിവ നടന്നു. ഓണസദ്യയോടെ ആഘോഷം സമാപിച്ചു.

തുല്യ പോയന്റ് നേടിയ സ്വർഗറാണി വാർഡ്, സെൻറ് ജോസഫ് വാർഡുകൾ എവർ റോളിങ് ട്രോഫി കരസ്ഥമാക്കി. ആഘോഷ കമ്മിറ്റി കൺവീനർ ജിജി വി. ജോർജ്, ഫൊറോനാ വികാരി ഫാ. ബിബിൻ അഞ്ചെമ്പിൽ, സെക്രട്ടറി ജോമി തെങ്ങനാട്ട് എന്നിവർ സംസാരിച്ചു.