പൊ​ലീ​സ് സ്റ്റേ​ഷ​ന​ടു​ത്ത് പ​ട്ടാ​പ്പ​ക​ൽ കൊ​ല; രാ​ഷ്ട്രീ​യ ആ​യു​ധ​മാ​ക്കാ​ൻ ബി.​ജെ.​പി

മം​ഗ​ളൂ​രു: ദ​ക്ഷി​ണ ക​ന്ന​ട ജി​ല്ല​യി​ലെ പു​ത്തൂ​ർ വ​നി​ത പൊ​ലീ​സ് സ്റ്റേ​ഷ​ന് എ​ട്ട​ടി മാ​ത്രം അ​ക​ലെ പ​ട്ടാ​പ്പ​ക​ൽ പ​തി​നെ​ട്ടു​കാ​രി​യെ യു​വാ​വ് കു​ത്തി​ക്കൊ​ന്ന സം​ഭ​വം രാ​ഷ്ട്രീ​യ ആ​യു​ധ​മാ​ക്കാ​ൻ ഒ​രു​ങ്ങി ബി.​ജെ.​പി. കൊ​ല്ല​പ്പെ​ട്ട ബ​ണ്ട്വാ​ൾ വി​ട്ട​ൽ അ​ളി​കെ​യി​ലെ എം. ​ഗൗ​രി​യു​ടെ വീ​ട് ശ​നി​യാ​ഴ്ച കേ​ന്ദ്ര​മ​ന്ത്രി ഭാ​ഗ​വ​ത് ഖു​ബ​യും നേ​താ​ക്ക​ളും സ​ന്ദ​ർ​ശി​ച്ചു. പാ​ർ​ട്ടി ക​ർ​ണാ​ട​ക സം​സ്ഥാ​ന പ്ര​സി​ഡ​ന്റ് ന​ളി​ൻ കു​മാ​ർ ക​ട്ടീ​ൽ എം.​പി, മു​ൻ എം.​എ​ൽ.​എ​മാ​രാ​യ പ​ത്മ​നാ​ഭ കൊ​ത്താ​രി, സ​ഞ്ജീ​വ മ​ട​ന്തൂ​ർ എ​ന്നി​വ​ർ ഒ​പ്പ​മു​ണ്ടാ​യി​രു​ന്നു.

ക​ഴി​ഞ്ഞ വ്യാ​ഴാ​ഴ്ച വൈ​കീ​ട്ട് മൂ​ന്നോ​ടെ​യാ​ണ് മ​ണ്ണു​മാ​ന്തി യ​ന്ത്രം ഡ്രൈ​വ​റും മാ​ണി​ന​ൽ​കൂ​റു നെ​യ്ബെ​ലു സ്വ​ദേ​ശി​യു​മാ​യ പി.​എ. പ​ത്മ​രാ​ജ് (25) യു​വ​തി​യെ ആ​ക്ര​മി​ച്ച​ത്. ആ​റു വ​ർ​ഷ​മാ​യി ത​നി​ക്ക് പ​രി​ച​യ​മു​ള്ള ഗൗ​രി ത​ന്റെ പ്ര​ണ​യം നി​ര​സി​ച്ച് മ​റ്റൊ​രാ​ളു​മാ​യി അ​ടു​പ്പ​ത്തി​ലാ​യ​തി​ലു​ള്ള പ​ക​യാ​ണ് അ​ക്ര​മ​ത്തി​ലേ​ക്ക് ന​യി​ച്ച​തെ​ന്ന് ബ​ണ്ട്വാ​ൾ മാ​വി​ന​ക്ക​ട്ട​യി​ൽ​നി​ന്ന് അ​റ​സ്റ്റി​ലാ​യ പ്ര​തി പൊ​ലീ​സി​ന് മൊ​ഴി ന​ൽ​കി​യി​രു​ന്നു. ഗൗ​രി വി​ട്ട​ൽ സ്കൂ​ളി​ൽ ഒ​മ്പ​താം ക്ലാ​സി​ൽ പ​ഠി​ക്കു​മ്പോ​ഴാ​ണ് ഇ​രു​വ​രും പ​രി​ച​യ​പ്പെ​ടു​ന്ന​ത്. ഗൗ​രി പി.​യു കോ​ഴ്സ് ക​ഴി​ഞ്ഞ​ശേ​ഷം മൂ​ന്നാ​ഴ്ച മു​മ്പാ​ണ് പു​ത്തൂ​ർ ബ​സ് സ്റ്റാ​ൻ​ഡ് പ​രി​സ​ര​ത്തെ ഫാ​ൻ​സി ക​ട​യി​ൽ ജോ​ലി​ക്ക് ക​യ​റി​യ​ത്. ഗൗ​രി ത​ന്നി​ൽ​നി​ന്ന് അ​ക​ലു​ക​യാ​ണെ​ന്ന് മ​ന​സ്സി​ലാ​ക്കി​യ പ​ത്മ​രാ​ജ് താ​ൻ നേ​ര​ത്തേ സ​മ്മാ​നി​ച്ച മൊ​ബൈ​ൽ ഫോ​ൺ പി​ടി​ച്ചു​വാ​ങ്ങി​യി​രു​ന്നു. വാ​ക്കേ​റ്റ​മു​ണ്ടാ​യ​തി​നെ​ത്തു​ട​ർ​ന്ന് യു​വ​തി വി​ട്ട​ൽ പൊ​ലീ​സ് സ്റ്റേ​ഷ​നി​ൽ പ​രാ​തി​യും ന​ൽ​കി. ര​ണ്ടു പേ​രെ​യും ഇ​ൻ​സ്പെ​ക്ട​ർ പൊ​ലീ​സ് സ്റ്റേ​ഷ​നി​ൽ വി​ളി​പ്പി​ച്ച് ഇ​നി പ​ര​സ്പ​രം ബ​ന്ധ​പ്പെ​ട​രു​തെ​ന്ന് താ​ക്കീ​ത് ചെ​യ്ത് വി​ട്ടെ​ങ്കി​ലും പാ​ലി​ച്ചി​ല്ല.

സം​ഭ​വ​ദി​വ​സം ഉ​ച്ച​ക്ക് 12.30ഓ​ടെ ഗൗ​രി ത​ന്റെ മൂ​ന്നാ​ഴ്ച​ത്തെ വേ​ത​നം കൈ​പ്പ​റ്റി ഇ​നി ജോ​ലി​ക്കു വ​രി​ല്ലെ​ന്ന് അ​റി​യി​ച്ച​താ​യി ക​ട​യു​ട​മ പൊ​ലീ​സി​ന് മൊ​ഴി ന​ൽ​കി​യി​ട്ടു​ണ്ട്. വ​നി​ത പൊ​ലീ​സ് സ്റ്റേ​ഷ​ന്റെ എ​ട്ട​ടി മാ​ത്രം അ​രി​കെ​നി​ന്ന് യു​വാ​വ് യു​വ​തി​യു​ടെ ക​ഴു​ത്തി​ൽ വൈ​കീ​ട്ട് മൂ​ന്നോ​ടെ തു​രു​തു​രാ കു​ത്തി​യ സം​ഭ​വം അ​തി​ഗൗ​ര​വ​മു​ള്ള​താ​ണെ​ന്ന് ബി.​ജെ.​പി നേ​താ​ക്ക​ൾ കേ​ന്ദ്ര​മ​ന്ത്രി​യു​ടെ ശ്ര​ദ്ധ​യി​ൽ​പെ​ടു​ത്തി. ആ​ദ്യം പു​ത്തൂ​ർ ഗ​വ. ആ​ശു​പ​ത്രി​യി​ലും തു​ട​ർ​ന്ന് മം​ഗ​ളൂ​രു​വി​ലും പ്ര​വേ​ശി​പ്പി​ച്ച യു​വ​തി മ​രി​ക്കു​ക​യാ​യി​രു​ന്നു. മൂ​ന്നു പൊ​ലീ​സ് സ്റ്റേ​ഷ​നു​ക​ൾ അ​ടു​ത്ത​ടു​ത്ത് സ്ഥി​തി​ചെ​യ്യു​ന്ന സ്ഥ​ല​ത്താ​ണ് യു​വ​തി കു​ത്തേ​റ്റു വീ​ണ​ത്. ത​ട​യാ​ൻ ശ്ര​മി​ച്ച​വ​രെ ആ​ക്ര​മി ക​ത്തി​കാ​ണി​ച്ച് ഭീ​ഷ​ണി​പ്പെ​ടു​ത്തു​ന്ന ദൃ​ശ്യ​ങ്ങ​ൾ സി.​സി.​ടി.​വി​യി​ൽ പ​തി​ഞ്ഞി​ട്ടു​ണ്ട്.