‘ന​മ്മ യാ​ത്രി’ വ​ൻ ഹി​റ്റ്​; ഓ​ട്ടോ​തൊ​ഴി​ലാ​ളി​ക​ളു​ടെ മൊ​ബൈ​ൽ ആ​പിന് നാ​ലു​മാ​സം കൊ​ണ്ട് 5.6 കോ​ടി രൂ​പ വ​രു​മാ​നം

ബം​ഗ​ളൂ​രു: ന​ഗ​ര​ത്തി​ലെ ഓ​ട്ടോ​ത്തൊ​ഴി​ലാ​ളി യൂ​നി​യ​ൻ ആ​രം​ഭി​ച്ച ‘ന​മ്മ യാ​ത്രി’ ആ​പ്​ വ​ൻ​ഹി​റ്റ്. ഓ​ൺ​ലൈ​ൻ ടാ​ക്സി ക​മ്പ​നി​ക​ളാ​യ ഒ​ല, ഉ​ബ​ർ എ​ന്നി​വ​ക്ക്​ പ​ക​ര​മാ​യാ​ണ്​ ന​മ്മ യാ​ത്രി രം​ഗ​ത്തു​വ​ന്ന​ത്. ന​വം​ബ​ർ ഒ​ന്നി​നാ​ണ് ആ​പ് പ്ര​വ​ർ​ത്ത​നം തു​ട​ങ്ങി​യ​ത്. മൊ​ബൈ​ൽ ആ​പ്​ നി​ല​വി​ൽ വ​ന്ന്​ നാ​ലു​മാ​സം കൊ​ണ്ട് 5.6 കോ​ടി രൂ​പ വ​രു​മാ​നം ല​ഭി​ച്ച​താ​യി യൂ​നി​യ​ൻ ഭാ​ര​വാ​ഹി​ക​ൾ അ​റി​യി​ച്ചു. നി​ല​വി​ൽ സ​ർ​ക്കാ​ർ നി​ശ്ച​യി​ച്ച മി​നി​മം നി​ര​ക്കാ​യ 30 രൂ​പ​ക്ക്​ പു​റ​മേ പ​ത്തു രൂ​പ ബു​ക്കി​ങ് ചാ​ർ​ജും ഈ​ടാ​ക്കു​ന്നു​ണ്ട്. ര​ണ്ടു​കി​ലോ​മീ​റ്റ​ർ യാ​ത്ര​ക്ക്​ 40 രൂ​പ​യാ​ണ് ചെ​ല​വ്.

നി​ല​വി​ൽ 41,112 ഡ്രൈ​വ​ർ​മാ​രും 3,35,653 യാ​ത്ര​ക്കാ​രും ആ​പ്പി​ൽ ര​ജി​സ്റ്റ​ർ ചെ​യ്തി​ട്ടു​ണ്ട്. മ​ഹാ​ദേ​വ​പു​ര, ബ്യാ​ട്രാ​യ​ന​പു​ര, രാ​ജ​രാ​ജേ​ശ്വ​രി​ന​ഗ​ർ, ബം​ഗ​ളൂ​രു സൗ​ത്ത്, ബൊ​മ്മ​ന​ഹ​ള്ളി എ​ന്നി​വി​ട​ങ്ങ​ളി​ലാ​ണ് കൂ​ടു​ത​ൽ പേ​ർ ആ​പ് ഉ​പ​യോ​ഗി​ക്കു​ന്ന​ത്. ബം​ഗ​ളൂ​രു​വി​ൽ ദി​വ​സം ശ​രാ​ശ​രി 9,000 ട്രി​പ്പു​ക​ൾ പൂ​ർ​ത്തി​യാ​ക്കു​ന്നു​ണ്ട്. ഇ​ട​നി​ല​ക്കാ​രി​ല്ലാ​തെ കൂ​ടു​ത​ൽ പ​ണം ഡ്രൈ​വ​ർ​മാ​ർ​ക്ക് ല​ഭി​ക്കു​മെ​ന്ന​താ​ണ് ന​മ്മ യാ​ത്രി ആ​പ്പി​ന്‍റെ മെ​ച്ചം. ബം​ഗ​ളൂ​രു​വി​ലെ ഓ​ട്ടോ​റി​ക്ഷാ ഡ്രൈ​വേ​ഴ്‌​സ് യൂ​നി​യ​നാ​ണ് (എ.​ആ​ർ.​ഡി.​യു.) ആ​പ്പ് ഇ​റ​ക്കി​യ​ത്. ഓ​ൺ​ലൈ​ൻ ടാ​ക്‌​സി ക​മ്പ​നി​ക​ളാ​യ ഒ​ല, ഉ​ബ​ർ, റാ​പ്പി​ഡോ എ​ന്നി​വ അ​മി​ത നി​ര​ക്ക് ഈ​ടാ​ക്കു​ന്നു​വെ​ന്നും ഡ്രൈ​വ​ർ​മാ​രെ ചൂ​ഷ​ണം ചെ​യ്യു​ന്നു​വെ​ന്നു​മു​ള്ള ആ​രോ​പ​ണ​ങ്ങ​ൾ ഉ​യ​ർ​ന്നി​രു​ന്നു. ഇ​തേ​ത്തു​ട​ർ​ന്നാ​ണ് സ്വ​ന്ത​മാ​യി മൊ​ബൈ​ൽ ആ​പ്ലി​ക്കേ​ഷ​ൻ തു​ട​ങ്ങാ​ൻ യൂ​നി​യ​ൻ തീ​രു​മാ​നി​ച്ച​ത്. ഇ​ൻ​ഫോ​സി​സ് സ​ഹ സ്ഥാ​പ​ക​ൻ ന​ന്ദ​ൻ നി​ലേ​ക​നി​യു​ടെ കീ​ഴി​ലു​ള്ള സ്ഥാ​പ​ന​മാ​ണ് ‘ന​മ്മ യാ​ത്രി’ ആ​പ് നി​ർ​മി​ച്ച​ത്. സേ​വ​ന​ത്തി​ൽ സു​താ​ര്യ​ത ഉ​റ​പ്പു​വ​രു​ത്തു​ന്നു​ണ്ടെ​ന്നും ല​ഭ്യ​മാ​യ ഡ്രൈ​വ​ർ​മാ​രു​ടെ എ​ണ്ണ​വും ന​ഗ​ര​ത്തി​ൽ ഏ​റ്റ​വും കൂ​ടു​ത​ൽ ട്രി​പ്പു​ക​ൾ പോ​കു​ന്ന സ്ഥ​ല​വു​മെ​ല്ലാം ആ​പ്പി​ൽ കാ​ണാ​ൻ സാ​ധി​ക്കു​മെ​ന്നും യൂ​നി​യ​ൻ നേ​താ​വ്​ രു​ദ്ര​മൂ​ർ​ത്തി പ​റ​ഞ്ഞു. ഇ​ദ്ദേ​ഹ​ത്തി​ന്‍റെ നേ​തൃ​ത്വ​ത്തി​ലാ​ണ് ആ​പ്പി​ന് രൂ​പം ന​ൽ​കി​യ​ത്.