ന​മ്മ മെ​ട്രോ പ​ച്ച​പ്പാ​ത​യി​ൽ ട്രെ​യി​ൻ ഓ​ടി​ത്തു​ട​ങ്ങി; ഉ​ദ്ഘാ​ട​നം പി​ന്നീ​ട്

ബം​ഗ​ളൂ​രു: ദീ​ർ​ഘ​കാ​ല കാ​ത്തി​രി​പ്പി​നൊ​ടു​വി​ൽ ന​മ്മ മെ​ട്രോ ഗ്രീ​ൻ ലൈ​നി​ൽ (തെ​ക്ക്-​വ​ട​ക്ക് ഇ​ട​നാ​ഴി) നാ​ഗ​സാ​ന്ദ്ര​യി​ൽ​നി​ന്ന് മാ​ധ​വാ​ര​യി​ലേ​ക്ക് വ്യാ​ഴാ​ഴ്ച ട്രെ​യി​ൻ സ​ർ​വി​സ് തു​ട​ങ്ങി. പു​തു​താ​യി നി​ർ​മി​ച്ച 3.14 കി​ലോ​മീ​റ്റ​ർ മെ​ട്രോ പാ​ത​യാ​ണ് തു​റ​ന്ന​ത്. ഔ​ദ്യോ​ഗി​ക ഉ​ദ്ഘാ​ട​നം പി​ന്നീ​ട് ന​ട​ക്കും.

രാ​വി​ലെ അ​ഞ്ചി​ന് മാ​ധ​വാ​ര​യി​ൽ​നി​ന്ന് ആ​ദ്യ മെ​ട്രോ ട്രെ​യി​ൻ പു​റ​പ്പെ​ട്ടു. രാ​ത്രി 11നാ​ണ് അ​വ​സാ​ന ട്രെ​യി​ൻ. ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ, ബം​ഗ​ളൂ​രു സൗ​ത്ത് എം.​പി. തേ​ജ​സ്വി സൂ​ര്യ തു​ട​ങ്ങി​യ​വ​ർ യ​ശ്വ​ന്ത​പു​ര​യി​ൽ നി​ന്ന് മാ​ധ​വാ​ര വ​രെ ബു​ധ​നാ​ഴ്ച മെ​ട്രോ​യി​ൽ സ​ഞ്ച​രി​ച്ച് പാ​ത പ​രി​ശോ​ധി​ച്ചി​രു​ന്നു. ഈ ​പാ​ത 44,000 യാ​ത്ര​ക്കാ​ർ​ക്ക് പ്ര​യോ​ജ​ന​പ്പെ​ടു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. ഭൂ​മി​യു​ടെ വി​ല​യു​ൾ​പ്പെ​ടെ 1168 കോ​ടി രൂ​പ ചെ​ല​വി​ലാ​ണ് പാ​ത നി​ർ​മി​ച്ച​ത്. നാ​ഗ​സാ​ന്ദ്ര- മാ​ധ​വാ​ര പാ​ത തു​റ​ന്ന​തോ​ടെ ന​മ്മ മെ​ട്രോ​ക്ക് ആ​കെ 76.95 കി​ലോ​മീ​റ്റ​ർ പാ​ത​യും 69 സ്റ്റേ​ഷ​നു​ക​ളു​മാ​യി.

ഗ്രീ​ൻ ലൈ​നി​ൽ 33.46 കി​ലോ​മീ​റ്റ​റും 31 സ്റ്റേ​ഷ​നു​ക​ളും പ​ർ​പ്പി​ൾ ലൈ​നി​ൽ (കി​ഴ​ക്ക് - പ​ടി​ഞ്ഞാ​റ് ഇ​ട​നാ​ഴി) 43.49 കി​ലോ​മീ​റ്റ​റും 38 സ്റ്റേ​ഷ​നു​ക​ളു​മാ​ണു​ള്ള​ത്. മെ​ട്രോ റെ​യി​ൽ സു​ര​ക്ഷാ ക​മീ​ഷ​ണ​റു​ടെ പ​രി​ശോ​ധ​ന പൂ​ർ​ത്തി​യാ​യി മാ​സ​മാ​യ​പ്പോ​ഴാ​ണ് വാ​ണി​ജ്യ സ​ർ​വി​സ് തു​ട​ങ്ങി​യ​ത്. അ​നു​മ​തി ല​ഭി​ച്ചി​ട്ടും സ​ർ​വി​സ് തു​ട​ങ്ങാ​ൻ വൈ​കു​ന്ന​തി​ൽ ബം​ഗ​ളൂ​രു മെ​ട്രോ റെ​യി​ൽ കോ​ർ​പ​റേ​ഷ​ൻ ലി​മി​റ്റ​ഡി​നെ​തി​രെ (ബി.​എം.​ആ​ർ.​സി.​എ​ൽ) വ​ൻ​തോ​തി​ൽ വി​മ​ർ​ശ​ന​മു​യ​ർ​ന്നി​രു​ന്നു.