മൈ​സൂ​രു-​ബം​ഗ​ളൂ​രു അതിവേഗപാത ഇന്ന്​ തുറക്കും

ബം​ഗ​ളൂ​രു: പ​ത്തു​വ​രി​പ്പാ​ത​യാ​ക്കി​യ മൈ​സൂ​രു-​ബം​ഗ​ളൂ​രു അ​തി​വേ​ഗ​പാ​ത (എ​ൻ.​എ​ച്ച്​ 275) ഞാ​യ​റാ​ഴ്ച പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഉ​ദ്​​ഘാ​ട​നം ചെ​യ്യും. 118 കി​ലോ​മീ​റ്റ​റു​ള്ള​ പാ​ത​യി​ലൂ​ടെ മൈ​സൂ​രു​വി​ൽ​നി​ന്ന്​ ബം​ഗ​ളൂ​രു​വി​ലെ​ത്താ​ൻ ഒ​ന്ന​ര​മ​ണി​ക്കൂ​ർ മ​തി​യാ​കും. ബം​ഗ​ളൂ​രു​വി​നെ വാ​ണി​ജ്യ-​വ്യ​വ​സാ​യ-​വി​ദ്യാ​ഭ്യാ​സ ആ​വ​ശ്യ​ങ്ങ​ൾ​ക്കാ​യി ആ​ശ്ര​യി​ക്കു​ന്ന മ​ല​യാ​ളി​ക​ള​ട​ക്ക​മു​ള്ള ആ​യി​ര​ക്ക​ണ​ക്കി​നാ​ളു​ക​ൾ​ക്ക്​ വ​ൻ യാ​ത്രാ​സൗ​ക​ര്യ​മാ​ണ്​ പാ​ത ഒ​രു​ക്കു​ന്ന​ത്. നി​ല​വി​ൽ നാ​ലു​ മ​ണി​ക്കൂ​റോ​ള​മാ​ണ്​ യാ​ത്രാ​സ​മ​യം.

8480 കോ​ടി രൂ​പ​യാ​ണ്​ നി​ർ​മാ​ണ​ച്ചെ​ല​വ്. പ്ര​ധാ​ന ഗ​താ​ഗ​ത​ത്തി​നാ​യി ആ​റു​വ​രി​പ്പാ​ത​യും ഇ​രു​വ​ശ​ത്തു​മാ​യി ര​ണ്ടു​വീ​തം സ​ർ​വി​സ്​ റോ​ഡു​ക​ളു​മാ​ണ്​ പാ​ത​യി​ലു​ള്ള​ത്. പ​ണി പൂ​ർ​ത്തി​യാ​യ ഭാ​ഗ​ങ്ങ​ൾ നേ​ര​ത്തേ​ത​​ന്നെ ഗ​താ​ഗ​ത​ത്തി​ന്​ തു​റ​ന്നു​കൊ​ടു​ത്തി​രു​ന്നു. ഒ​മ്പ​തു വ​ലി​യ പാ​ല​ങ്ങ​ൾ, 42 ചെ​റി​യ പാ​ല​ങ്ങ​ൾ, 64 അ​ടി​പ്പാ​ത​ക​ൾ, 11 മേ​ൽ​പാ​ത​ക​ൾ, അ​ഞ്ച് ബൈ​പാ​സു​ക​ൾ എ​ന്നി​വ​യു​മു​ണ്ട്. ഞാ​യ​റാ​ഴ്ച​ രാ​വി​ലെ 11ന്​ ​മാ​ണ്ഡ്യ മ​ദ്ദൂ​ർ ഗ​ജ്ജ​ല​ക്കെ​രെ​യി​ലാ​ണ്​ ഉ​ദ്​​ഘാ​ട​ന​ച്ച​ട​ങ്ങ്.

പാ​ത​യി​ലൂ​ടെ​യു​ള്ള ടോ​ൾ പി​രി​വ്​ മാ​ർ​ച്ച്​ 14ന്​ ​തു​ട​ങ്ങു​മെ​ന്നാ​ണ്​ ദേ​ശീ​യ​പാ​ത അ​തോ​റി​റ്റി ​അ​റി​യി​ച്ച​ത്. കാ​ർ, ജീ​പ്പ്, വാ​ൻ എ​ന്നി​വ​ക്ക് ഒ​രു വ​ശ​ത്തേ​ക്കു​ള്ള യാ​ത്ര​ക്ക് 135 രൂ​പ​യും ഒ​രു ദി​വ​സ​ത്തി​ന​കം ഇ​രു​വ​ശ​ത്തേ​ക്കു​മു​ള്ള യാ​ത്ര​ക്ക് 205 രൂ​പ​യു​മാ​ണ് നി​ര​ക്ക്. ബം​ഗ​ളൂ​രു​വി​ൽ​നി​ന്ന്​ മൈ​സൂ​രു ഭാ​ഗ​ത്തേ​ക്ക്​ പോ​കു​ന്ന​വ​ർ​ക്ക്​ ബി​ഡ​ദി ക​നി​മി​ണി​ക്കെ​യി​ലും ശ്രീ​രം​ഗ​പ​ട്ട​ണ​യി​ലെ ഷെ​ട്ടി​ഹ​ള്ളി​യി​ലു​മാ​ണ്​ ടോ​ൾ ബൂ​ത്തു​ക​ൾ ഉ​ള്ള​ത്. ഓ​രോ ടോ​ൾ പ്ലാ​സ​യി​ലും ഫാ​സ്ടാ​ഗ് സൗ​ക​ര്യ​ത്തോ​ടെ​യു​ള്ള 11 ഗേ​റ്റു​ക​ൾ വീ​ത​മു​ണ്ടാ​കും.ഇ​തോ​ടെ കേ​ര​ള, ക​ർ​ണാ​ട​ക ആ​ർ.​ടി.​സി ബ​സു​ക​ളു​ടെ ടി​ക്ക​റ്റ്​ നി​ര​ക്കും ഉ​യ​രും. അ​തേ​സ​മ​യം, ബം​ഗ​ളൂ​രു ന​ഗ​ര​ത്തി​ന​ടു​ത്ത അ​തി​വേ​ഗ​പാ​ത​യി​ലെ ക​മ്പി​പു​ര മു​ത​ൽ മാ​ണ്ഡ്യ നി​ദ്ദ​ഘ​ട്ട വ​രെ​യു​ള്ള 57 കി​ലോ​മീ​റ്റ​റി​ലെ പ​ല​യി​ട​ത്തും സ​ർ​വി​സ്​ റോ​ഡു​ക​ൾ ഇ​നി​യും പൂ​ർ​ത്തി​യാ​യി​ട്ടി​ല്ല.

പാ​ത​യി​ലെ 16 ഇ​ട​ങ്ങ​ൾ അ​പ​ക​ട​സാ​ധ്യ​ത മേ​ഖ​ല​യാ​ണെ​ന്ന്​ ദേ​ശീ​യ​പാ​ത അ​തോ​റി​റ്റി അ​ധി​കൃ​ത​ർ ക​ണ്ടെ​ത്തി​യി​ട്ടു​ണ്ട്. ഇ​തി​ന​കം തു​റ​ന്ന ഭാ​ഗ​ങ്ങ​ളി​ലാ​യി ക​ഴി​ഞ്ഞ ആ​റു മാ​സ​ത്തി​നി​ടെ 77 അ​പ​ക​ട​ങ്ങ​ളാ​ണ്​ ന​ട​ന്ന​ത്. 28 പേ​ർ​ക്കാ​ണ്​ ജീ​വ​ൻ ന​ഷ്ട​മാ​യ​ത്. 67 പേ​ർ​ക്ക്​ പ​രി​​ക്കേ​റ്റു. അ​തി​വേ​ഗ പാ​ത​യാ​യ​തി​നാ​ൽ ഏ​റെ ജാ​ഗ്ര​ത പാ​ലി​ക്ക​ണ​മെ​ന്ന്​ അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കു​ന്നു​ണ്ട്.

രാ​വി​ലെ ആ​റു മു​ത​ൽ വൈ​കീ​ട്ട് ആ​റു​വ​രെ ദേ​ശീ​യ​പാ​ത​യി​ൽ ഗ​താ​ഗ​ത നി​യ​ന്ത്ര​ണം

ബം​ഗ​ളൂ​രു: പ​ത്തു​വ​രി​പ്പാ​ത​യാ​ക്കി​യ മൈ​സൂ​രു-​ബം​ഗ​ളൂ​രു അ​തി​വേ​ഗ​പാ​ത​യു​ടെ ഉ​ദ്​​ഘാ​ട​നം ഞാ​യ​റാ​ഴ്ച രാ​വി​ലെ 11ന്. ​മൈ​സൂ​രു വി​മാ​ന​ത്താ​വ​ള​ത്തി​ൽ​നി​ന്ന് ഹെ​ലി​കോ​പ്ട​റി​ൽ മാ​ണ്ഡ്യ പി.​ഇ.​എ​സ് എ​ൻ​ജി​നീ​യ​റി​ങ് കോ​ള​ജ് മൈ​താ​ന​ത്താ​ണ്​ ഉ​ദ്​​ഘാ​ട​ക​നാ​യ മോ​ദി ഇ​റ​ങ്ങു​ക. പി​ന്നീ​ട്​ റോ​ഡ് മാ​ർ​ഗം വേ​ദി​യാ​യ മ​ദ്ദൂ​ർ ഗ​ജ്ജ​ല​ക്കെ​രെ​യി​ൽ എ​ത്തും. മൈ​സൂ​രു–​കു​ശാ​ൽ​ന​ഗ​ർ നാ​ലു​വ​രി​പ്പാ​ത​യു​ടെ ശി​ലാ​സ്ഥാ​പ​നം, മാ​ണ്ഡ്യ​യി​ലെ കാ​വേ​രി കു​ടി​വെ​ള്ള​പ​ദ്ധ​തി​ എ​ന്നി​വ​യും മോ​ദി ഉ​ദ്​​ഘാ​ട​നം ചെ​യ്യും.

ഉ​ച്ച​ 1.30ന്​ ​മൈ​സൂ​രു​വി​ൽ​നി​ന്ന് വി​മാ​ന​മാ​ർ​ഗം ഹു​ബ്ബ​ള്ളി​യി​ലേ​ക്ക് പോ​കും. മോ​ദി​യു​ടെ സ​ന്ദ​ർ​ശ​നം പ്ര​മാ​ണി​ച്ച് ഞാ​യ​റാ​ഴ്ച രാ​വി​ലെ ആ​റു മു​ത​ൽ വൈ​കീ​ട്ട് ആ​റു​വ​രെ ബം​ഗ​ളൂ​രു-​മൈ​സൂ​രു ദേ​ശീ​യ​പാ​ത​യി​ൽ ഗ​താ​ഗ​ത​നി​യ​ന്ത്ര​ണം ഏ​ർ​പ്പെ​ടു​ത്തി​യി​ട്ടു​ണ്ട്. മൈ​സൂ​രു​വി​ൽ​നി​ന്ന് മാ​ണ്ഡ്യ​വ​ഴി ബം​ഗ​ളൂ​രു​വി​ലേ​ക്കു​ള്ള വാ​ഹ​ന​ങ്ങ​ൾ മൈ​സൂ​രു-​ബ​ന്നൂ​ർ-​കി​രു​ഗാ​വ​ലു-​മ​ല​വ​ള്ളി-​ഹാ​ല​ഗു​ർ-​ക​ന​ക​പു​ര വ​ഴി​യാ​ണ്​ പോ​​വേ​ണ്ട​ത്. ബം​ഗ​ളൂ​രു​വി​ൽ​നി​ന്ന് മാ​ണ്ഡ്യ വ​ഴി മൈ​സൂ​രു​വി​ലേ​ക്കു​ള്ള വാ​ഹ​ന​ങ്ങ​ൾ ബം​ഗ​ളൂ​രു-​ച​ന്ന​പ​ട്ട​ണ-​ഹാ​ല​ഗു​ർ-​മ​ല​വ​ള്ളി-​കി​രു​ഗാ​വ​ലു-​ബ​ന്നൂ​ർ വ​ഴി പോ​ക​ണം.

മൈ​സൂ​രു​വി​ൽ​നി​ന്ന് മാ​ണ്ഡ്യ വ​ഴി തും​കു​രു​വി​ലേ​ക്കു​ള്ള വാ​ഹ​ന​ങ്ങ​ൾ മൈ​സൂ​രു-​ശ്രീ​രം​ഗ​പ​ട്ട​ണ-​പാ​ണ്ഡ​വ​പു​ര-​നാ​ഗ​മം​ഗ​ല-​ബെ​ല്ലൂ​ർ ക്രോ​സ് വ​ഴി പോ​ക​ണം. തും​കു​രു​വി​ൽ​നി​ന്ന് മ​ദ്ദൂ​ർ-​മാ​ണ്ഡ്യ വ​ഴി മൈ​സൂ​രു​വി​ലേ​ക്കു​ള്ള വാ​ഹ​ന​ങ്ങ​ൾ തും​കു​രു-​ബെ​ല്ലൂ​ർ ക്രോ​സ്-​നാ​ഗ​മം​ഗ​ള-​പാ​ണ്ഡ​വ​പു​ര-​ശ്രീ​രം​ഗ​പ​ട്ട​ണ വ​ഴി​യാ​ണ് പോ​കേ​ണ്ട​ത്. ബം​ഗ​ളൂ​രു​വി​ൽ​നി​ന്ന് മ​ദ്ദൂ​ർ വ​ഴി കൊ​ല്ലെ​ഗ​ലി​ലേ​ക്കു​ള്ള വാ​ഹ​ന​ങ്ങ​ൾ ബം​ഗ​ളൂ​രു-​ച​ന്ന​പ​ട്ട​ണ-​ഹാ​ല​ഗു​ർ-​മ​ല​വ​ള്ളി വ​ഴി പോ​ക​ണം.