മൈ​സൂ​രു വി​മാ​ന​ത്താ​വ​ളം റ​ൺ​വേ വി​ക​സ​നം; സ്ഥ​ല​മെ​ടു​പ്പ് ന​ട​പ​ടി​ക​ൾ പൂ​ർ​ത്തി​യാ​കു​ന്നു -മ​ന്ത്രി

ബം​ഗ​ളൂ​രു: മൈ​സൂ​രു വി​മാ​ന​ത്താ​വ​ള റ​ൺ​വേ വി​ക​സ​ന പ​ദ്ധ​തി അ​തി​വേ​ഗം പു​രോ​ഗ​മി​ക്കു​ക​യാ​ണെ​ന്ന് മൈ​സൂ​രു ജി​ല്ല ചു​മ​ത​ല വ​ഹി​ക്കു​ന്ന ഡോ. ​എ​ച്ച്.​സി. മ​ഹാ​ദേ​വ​പ്പ പ​റ​ഞ്ഞു. മൈ​സൂ​രു​വി​ൽ ജി​ല്ല​ത​ല അ​വ​ലോ​ക​ന യോ​ഗ​ത്തി​നു​ശേ​ഷം മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ഭൂ​മി ഏ​റ്റെ​ടു​ക്ക​ൽ ഏ​താ​ണ്ട് പൂ​ർ​ത്തി​യാ​യി. ആ​വ​ശ്യ​മാ​യ 240 ഏ​ക്ക​റി​ൽ 230 ഏ​ക്ക​ർ ഇ​തി​ന​കം ഏ​റ്റെ​ടു​ത്തു​ക​ഴി​ഞ്ഞു.

ബാ​ക്കി 10 ഏ​ക്ക​ർ ഏ​റ്റെ​ടു​ക്ക​ലി​ന്റെ അ​വ​സാ​ന ഘ​ട്ട​ത്തി​ലാ​ണ്. ന​ഷ്ട​പ​രി​ഹാ​രം വി​ത​ര​ണം ചെ​യ്തു​ക​ഴി​ഞ്ഞാ​ൽ ഭൂ​മി ഔ​ദ്യോ​ഗി​ക​മാ​യി എ​യ​ർ​പോ​ർ​ട്ട് അ​തോ​റി​റ്റി ഓ​ഫ് ഇ​ന്ത്യ​ക്ക് കൈ​മാ​റും. 360 പേ​ർ​ക്ക് യാ​ത്ര ചെ​യ്യാ​വു​ന്ന വ​ലി​യ വി​മാ​ന​ങ്ങ​ളെ ഉ​ൾ​ക്കൊ​ള്ളു​ന്ന​തി​നാ​യി റ​ൺ​വേ വി​ക​സി​പ്പി​ക്കു​ന്ന​തും പ​ദ്ധ​തി​യി​ൽ ഉ​ൾ​പ്പെ​ടും. ഇ​ത് മൈ​സൂ​രു, ബം​ഗ​ളൂ​രു, കേ​ര​ളം എ​ന്നി​വ​ക്കി​ട​യി​ലു​ള്ള പ്രാ​ദേ​ശി​ക വ്യോ​മ​ഗ​താ​ഗ​ത ബ​ന്ധം ഗ​ണ്യ​മാ​യി വ​ർ​ധി​പ്പി​ക്കും.

വി​മാ​ന​ത്താ​വ​ള വി​ക​സ​ന​ത്തി​ന് ത​ട​സ്സ​മാ​കു​ന്ന ഹൈ​ടെ​ൻ​ഷ​ൻ വൈ​ദ്യു​തി ലൈ​നു​ക​ളും ഡ്രെ​യി​നേ​ജ് ചാ​ന​ലു​ക​ളും മാ​റ്റി സ്ഥാ​പി​ക്കു​ന്ന​തി​ന് 100 കോ​ടി രൂ​പ മ​ന്ത്രി​സ​ഭ അം​ഗീ​ക​രി​ച്ചു. സം​സ്ഥാ​ന സ​ർ​ക്കാ​ർ ചെ​ല​വ് വ​ഹി​ക്ക​ണ​മെ​ന്ന് എ.​എ.​ഐ അ​ഭ്യ​ർ​ഥി​ച്ച​തി​നെ​തു​ട​ർ​ന്നാ​ണി​ത്. റ​ൺ​വേ വി​പു​ലീ​ക​ര​ണ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി വൈ​ദ്യു​തി ലൈ​നു​ക​ൾ പു​നഃ​ക്ര​മീ​ക​രി​ക്കു​ന്ന​തി​നും അ​ണ്ട​ർ​ബ്രി​ഡ്ജ് ഘ​ട​ന​ക​ൾ നി​ർ​മി​ക്കു​ന്ന​തി​നും അ​നു​വ​ദി​ച്ച തു​ക ഉ​പ​യോ​ഗി​ക്കും.

അ​ടി​സ്ഥാ​ന സൗ​ക​ര്യ പ്ര​വ​ർ​ത്ത​ന​ങ്ങ​ൾ​ക്ക് ഏ​ക​ദേ​ശം ആ​റ് മാ​സ​മെ​ടു​ക്കു​മെ​ന്ന് പ്ര​തീ​ക്ഷി​ക്കു​ന്നു. സ​മീ​പ​ത്തു​ള്ള ജ​ല​സേ​ച​ന ക​നാ​ലു​ക​ളു​ടെ നി​ർ​മാ​ണം വി​മാ​ന​ത്താ​വ​ള വി​ക​സ​ന​ത്തി​ന് ത​ട​സ്സ​മാ​കു​ന്നി​ല്ലെ​ന്ന് ഉ​റ​പ്പാ​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ച്ചു​വ​രി​ക​യാ​ണ്. സ​മാ​ന്ത​ര​മാ​യി മൈ​സൂ​രു-​ന​ഞ്ച​ൻ​ഗു​ഡ് ദേ​ശീ​യ​പാ​ത പു​ന​ർ​നി​ർ​മി​ക്കും.

വി​മാ​ന​ത്താ​വ​ള ക​ണ​ക്റ്റി​വി​റ്റി സു​ഗ​മ​മാ​ക്കു​ന്ന​തി​നാ​യി ചി​ക്കെ​ഗൗ​ഡ​ന​ഹു​ണ്ടി​ക്കും ക​ട​ക്കോ​ള ടോ​ൾ പ്ലാ​സ​ക്കും ഇ​ട​യി​ൽ പു​തി​യ റോ​ഡ് ആ​സൂ​ത്ര​ണം ചെ​യ്യും. മൈ​സൂ​രു-​ന​ഞ്ച​ൻ​ഗു​ഡ്-​ഗു​ണ്ട​ൽ​പേ​ട്ട് ഹൈ​വേ ആ​റ് വ​രി​യാ​ക്കി ഉ​യ​ർ​ത്തു​ന്ന​തി​നു​ള്ള നി​ർ​ദേ​ശം സ​മ​ർ​പ്പി​ക്കു​ക​യും കേ​ന്ദ്ര റോ​ഡ് ഗ​താ​ഗ​ത, ഹൈ​വേ മ​ന്ത്രി നി​തി​ൻ ഗ​ഡ്ക​രി​യി​ൽ​നി​ന്ന് പ്രോ​ത്സാ​ഹ​ജ​ന​ക​മാ​യ പ്ര​തി​ക​ര​ണ​ങ്ങ​ൾ ല​ഭി​ക്കു​ക​യും ചെ​യ്ത​താ​യി മ​ന്ത്രി പ​റ​ഞ്ഞു.