മു​ഡ അ​ഴി​മ​തി​ക്കേ​സ് വാ​ദം പൂ​ർ​ത്തി​യാ​യി; വി​ധി പ​റ​യൽ മാ​റ്റി

ബം​ഗ​ളൂ​രു: മൈ​സൂ​രു ന​​ഗ​ര വി​ക​സ​ന അ​തോ​റി​റ്റി​യു​മാ​യി (മു​ഡ) ബ​ന്ധ​പ്പെ​ട്ട അ​ഴി​മ​തി​ക്കേ​സി​ൽ ഗ​വ​ർ​ണ​ർ ത​വ​ർ​ച​ന്ദ് ഗെ​ഹ്‌​ലോ​ട്ട്​ വി​ചാ​ര​ണ അ​നു​മ​തി ന​ൽ​കി​യ​തി​ന്‍റെ നി​യ​മ​സാ​ധു​ത ചോ​ദ്യം ചെ​യ്ത് മു​ഖ്യ​മ​ന്ത്രി സി​ദ്ധ​രാ​മ​യ്യ ന​ൽ​കി​യ ഹ​ര​ജി​യി​ൽ ക​ർ​ണാ​ട​ക ഹൈ​കോ​ട​തി വ്യാ​ഴാ​ഴ്ച വാ​ദം പൂ​ർ​ത്തി​യാ​ക്കി. കേ​സി​ൽ ഉ​ത്ത​ര​വു​ക​ൾ മാ​റ്റി​വെ​ച്ചു. അ​തോ​ടൊ​പ്പം സി​ദ്ധ​രാ​മ​യ്യ​ക്കെ​തി​രാ​യ ന​ട​പ​ടി​ക​ൾ ത​ട​ഞ്ഞ ഇ​ട​ക്കാ​ല ഉ​ത്ത​ര​വും നീ​ട്ടി. ഹ​ര​ജി തീ​ർ​പ്പാ​ക്കു​ന്ന​തു​വ​രെ ഉ​ത്ത​ര​വ് തു​ട​രും.

സം​ഭ​വ​ത്തി​ൽ സി​ദ്ധ​രാ​മ​യ്യ​യെ പ്രോ​സി​ക്യൂ​ട്ട് ചെ​യ്യാ​ൻ ക​ഴി​ഞ്ഞ​മാ​സം ഗ​വ​ർ​ണ​ർ താ​വ​ർ​ച​ന്ദ് ഗെ​ഹ്‌​ലോ​ട്ട് അ​നു​മ​തി ന​ൽ​കി​യി​രു​ന്നു. ഇ​തി​നെ​തി​രെ​യാ​ണ് സി​ദ്ധ​രാ​മ​യ്യ കോ​ട​തി​യെ സ​മീ​പി​ച്ച​ത്. ​ഗ​വ​ർ​ണ​റു​ടെ തീ​രു​മാ​നം നി​യ​മ​സാ​ധു​ത​യു​ള്ള​ത​ല്ലെ​ന്നും തെ​റ്റാ​യ ന​ട​പ​ടി ക്ര​മ​മാ​ണെ​ന്നും രാ​ഷ്ട്രീ​യ പ്രേ​രി​ത​മാ​ണെ​ന്നും സി​ദ്ധ​രാ​മ​യ്യ കോ​ട​തി​യി​ൽ വാ​ദി​ച്ചു. മു​ഖ്യ​മ​ന്ത്രി​യു​ടെ ഭാ​ര്യ പാ​ർ​വ​തി മൈ​സൂ​രു വി​ക​സ​ന അ​തോ​റി​റ്റി​യു​ടെ ഭൂ​മി അ​ന​ധി​കൃ​ത​മാ​യി കൈ​യ​ട​ക്കി​യെ​ന്ന​താ​ണ് ആ​രോ​പ​ണം. ഇ​ത് രാ​ഷ്ട്രീ​യ പ്രേ​രി​ത​മാ​ണെ​ന്നാ​ണ് സി​ദ്ധ​രാ​മ​യ്യ​യു​ടെ നി​ല​പാ​ട്.