മോ​ദി​യു​ടെ സ​ന്ദ​ർ​ശ​നം പ​രാ​ജ​യ ഭീ​തിമൂ​ലം -കോ​ൺ​ഗ്ര​സ്

ബം​ഗ​ളൂ​രു: തെ​ര​ഞ്ഞെ​ടു​പ്പി​ൽ തോ​ൽ​ക്കു​മെ​ന്ന ഭീ​തി​യു​ള്ള​തി​നാ​ലാ​ണ് പ്ര​ധാ​ന​മ​ന്ത്രി ഇ​ട​ക്കി​ടെ ക​ർ​ണാ​ട​ക സ​ന്ദ​ർ​ശി​ക്കു​ന്ന​തെ​ന്ന് കോ​ൺ​ഗ്ര​സ് സം​സ്ഥാ​ന അ​ധ്യ​ക്ഷ​ൻ ഡി.​കെ. ശി​വ​കു​മാ​ർ ആരോപിച്ചു.

ക​ർ​ണാ​ട​ക​യി​ൽ ബി.​ജെ.​പി എ​ത്ര​മാ​ത്രം ദു​ർ​ബ​ല​മാ​ണെ​ന്നാ​ണ് മോ​ദി​യു​ടെ സ​ന്ദ​ർ​ശ​നം തെ​ളി​യി​ക്കു​ന്ന​ത്. സം​സ്ഥാ​ന​ത്തെ ജ​ന​ങ്ങ​ൾ ബി.​ജെ.​പി ഭ​ര​ണം തൂ​ത്തെ​റി​യ​ണ​മെ​ന്ന് ആ​ഗ്ര​ഹി​ക്കു​ന്നു. ഇ​ത് തി​രി​ച്ച​റി​ഞ്ഞ​തി​നാ​ലാ​ണ് ബി.​ജെ.​പി കേ​ന്ദ്ര​നേ​താ​ക്ക​ൾ ഇ​ട​ക്കി​ടെ ക​ർ​ണാ​ട​ക​യി​ൽ എ​ത്തു​ന്ന​ത്.

തെ​ര​ഞ്ഞെ​ടു​പ്പി​ൽ തോ​ൽ​ക്കു​മെ​ന്ന് ബി.​ജെ.​പി നേ​താ​ക്ക​ൾ സ​മ്മ​തി​ച്ചു ക​ഴി​ഞ്ഞു​വെ​ന്നാ​ണ് ഇ​ത്ത​രം സ​ന്ദ​ർ​ശ​ന​ത്തി​ലൂ​ടെ തെ​ളി​യു​ന്ന​തെ​ന്നും അ​ദ്ദേ​ഹം പ​റ​ഞ്ഞു. പ്ര​ധാ​ന​മ​ന്ത്രി​യ​ല്ല, ആ​ര് സ​ന്ദ​ർ​ശ​നം ന​ട​ത്തി​യാ​ലും ക​ർ​ണാ​ട​കി​ലെ ബു​ദ്ധി​മാ​ന്മാ​രാ​യ ജ​ന​ങ്ങ​ൾ ബി.​ജെ.​പി​യെ ഭ​ര​ണ​ത്തി​ൽ​നി​ന്ന് തൂ​ത്തെ​റി​യാ​ൻ ഉ​റ​പ്പി​ച്ചു​ക​ഴി​ഞ്ഞി​ട്ടു​ണ്ട്.

ജ​ന​ങ്ങ​ളെ അ​ഭി​മു​ഖീ​ക​രി​ക്കാ​ൻ ക​ഴി​യാ​ത്ത​തു​കൊ​ണ്ടാ​ണ് സി​നി​മ താ​ര​ങ്ങ​ളെ ബി.​ജെ.​പി ക​ള​ത്തി​ലി​റ​ക്കു​ന്ന​ത്. കോ​ൺ​ഗ്ര​സ് സ്ഥാ​നാ​ർ​ഥി​ക​ൾ​ക്കെ​തി​രെ എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റി​​നെ (ഇ.​ഡി) ഉ​പ​യോ​ഗി​ക്കാ​ൻ ഗൂ​ഢാ​ലോ​ച​ന ന​ട​ക്കു​ന്നു​ണ്ട്.

ബി.​ജെ.​പി ഏ​ജ​ന്റു​മാ​രാ​യാ​ണ് പൊ​ലീ​സ് പ്ര​വ​ർ​ത്തി​ക്കു​ന്ന​ത്. ഇ​ത്ത​രം ഉ​ദ്യോ​ഗ​സ്ഥ​രു​ടെ പ​ട്ടി​ക ത​യാ​റാ​ക്കാ​ൻ താ​ൻ ആ​വ​ശ്യ​പ്പെ​ട്ടി​ട്ടു​ണ്ട്. അ​വ​ർ​ക്ക് 40 ദി​വ​സം കൂ​ടി മാ​ത്ര​മെ ഇ​ക്കാ​ര്യ​ങ്ങ​ൾ ചെ​യ്യാ​ൻ ക​​ഴി​യൂ എ​ന്നും ശി​വ​കു​മാ​ർ പ​റ​ഞ്ഞു.

ബന്ദിപ്പുരിനെ അദാനിക്ക് വിൽക്കരുതെന്ന് മോദിയോട് കോൺ​ഗ്രസ്

ബം​ഗ​ളൂ​രു: ബ​ന്ദി​പ്പു​ർ ക​ടു​വ​സം​ര​ക്ഷ​ണ കേ​ന്ദ്രം അ​ദാ​നി​ക്ക് വി​ൽ​ക്ക​രു​തെ​ന്ന് പ്ര​ധാ​ന​മ​ന്ത്രി മോ​ദി​യോ​ട് കോ​ൺ​ഗ്ര​സി​ന്റെ അ​ഭ്യ​ർ​ഥ​ന.

ദേ​ശീ​യ ക​ടു​വ സം​ര​ക്ഷ​ണ​പ​ദ്ധ​തി​യു​ടെ വാ​ർ​ഷി​ക​ത്തി​ന് ബ​ന്ദി​പ്പു​രി​ൽ എ​ത്തി​യ മോ​ദി ക​ടു​വ​സ​​ങ്കേ​ത​ത്തി​ലൂ​ടെ സ​ഫാ​രി ന​ട​ത്തി​യ​തി​നെ തു​ട​ർ​ന്നാ​ണ് കോ​ൺ​ഗ്ര​സി​ന്റെ പ​രി​ഹാ​സം. 1973ൽ ​കോ​ൺ​ഗ്ര​സ് സ​ർ​ക്കാ​റാ​ണ് ബ​ന്ദി​പ്പു​ർ ക​ടു​വ സം​ര​ക്ഷ​ണ​പ​ദ്ധ​തി തു​ട​ങ്ങി​യ​ത്.

അ​വി​ടെ​യാ​ണ് മോ​ദി ഇ​പ്പോ​ൾ സ​ഫാ​രി ആ​സ്വ​ദി​ക്കു​ന്ന​ത്. ഇ​പ്പോ​ൾ അ​വി​ടെ നി​ര​വ​ധി ക​ടു​വ​ക​ൾ ഉ​ണ്ട്. ബ​ന്ദി​പ്പു​രി​നെ അ​ദാ​നി​ക്ക് വി​ൽ​ക്ക​രു​തെ​ന്ന് ദ​യ​വാ​യി അ​ഭ്യ​ർ​ഥി​ക്കു​ക​യാ​ണ്.

ക​ടു​വ പ​ദ്ധ​തി​യു​ടെ ആ​രം​ഭ​കാ​ല​ത്ത് പ്ര​ധാ​ന​മ​ന്ത്രി​യാ​യി​രു​ന്ന ഇ​ന്ദി​ര ഗാ​ന്ധി ക​ടു​വ​ക്കു​ഞ്ഞി​നെ​യു​മെ​ടു​ത്ത് നി​ൽ​ക്കു​ന്ന ഫോ​ട്ടോ​യും ട്വി​റ്റ​റി​ൽ കോ​ൺ​ഗ്ര​സ് പ​ങ്കു​വെ​ച്ചി​ട്ടു​ണ്ട്.