ദ​ക്ഷി​ണ ക​ന്ന​ട എം.​എ​ൽ.​സി: ബാ​ല​റ്റി​ൽ വി​ധി​യെ​ഴു​തി; ഫ​ലം വ്യാ​ഴാ​ഴ്ച

മം​ഗ​ളൂ​രു: ദ​ക്ഷി​ണ ക​ന്ന​ട ലെ​ജി​സ്ലേ​റ്റി​വ് കൗ​ൺ​സി​ൽ അം​ഗ (എം.​എ​ൽ.​സി) ഉ​പ​തെ​ര​ഞ്ഞെ​ടു​പ്പ് തി​ങ്ക​ളാ​ഴ്ച ന​ട​ന്നു. ദ​ക്ഷി​ണ ക​ന്ന​ട, ഉ​ഡു​പ്പി ജി​ല്ല​ക​ളി​ലെ ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന ജ​ന​പ്ര​തി​നി​ധി​ക​ളും എം.​എ​ൽ.​എ, എം.​പി​മാ​രും ഉ​ൾ​പ്പെ​ടെ 6032 പേ​ർ സ​മ്മ​തി​ദാ​യ​ക​രാ​യ തെ​ര​ഞ്ഞെ​ടു​പ്പി​ൽ ബാ​ല​റ്റ് ക​ട​ലാ​സ് ഉ​പ​യോ​ഗി​ച്ചാ​യി​രു​ന്നു വോ​ട്ടെ​ടു​പ്പ്.

വ്യാ​ഴാ​ഴ്ച​യാ​ണ് വോ​ട്ടെ​ണ്ണ​ൽ. പൊ​തു​തെ​ര​ഞ്ഞെ​ടു​പ്പി​ന്റെ വാ​ശി​യോ​ടെ ദ​ക്ഷി​ണ ക​ന്ന​ട, ഉ​ഡു​പ്പി ജി​ല്ല​ക​ളി​ലെ ജ​ന​പ്ര​തി​നി​ധി​ക​ൾ ബൂ​ത്തു​ക​ളി​ൽ വ​രി​നി​ന്ന് സ​മ്മ​തി​ദാ​നാ​വ​കാ​ശം വി​നി​യോ​ഗി​ച്ചു. ക​ർ​ണാ​ട​ക നി​യ​മ​സ​ഭ സ്പീ​ക്ക​ർ മം​ഗ​ളൂ​രു എം.​എ​ൽ.​എ യു.​ടി. ഖാ​ദ​ർ ഉ​ള്ളാ​ൾ സി​റ്റി മു​നി​സി​പ്പ​ൽ കൗ​ൺ​സി​ൽ ഓ​ഫി​സ് ബൂ​ത്തി​ൽ വോ​ട്ട് ചെ​യ്തു. ദ​ക്ഷി​ണ ക​ന്ന​ട എം.​പി ക്യാ​പ്റ്റ​ൻ ബ്രി​ജേ​ഷ് ചൗ​ട്ട മം​ഗ​ളൂ​രു​വി​ലും ഉ​ഡു​പ്പി -ചി​ക്ക​മ​ഗ​ളൂ​രു എം.​പി കോ​ട്ട ശ്രീ​നി​വാ​സ പൂ​ജാ​രി ഉ​ഡു​പ്പി​യി​ലും വോ​ട്ട് രേ​ഖ​പ്പെ​ടു​ത്തി. മു​ൻ മ​ന്ത്രി​യും ബി.​ജെ.​പി സം​സ്ഥാ​ന ജ​ന​റ​ൽ സെ​ക്ര​ട്ട​റി​യു​മാ​യ കാ​ർ​ക്ക​ള എം.​എ​ൽ.​എ വി. ​സു​നി​ൽ കു​മാ​ർ കാ​ർ​ക്ക​ള​യി​ൽ വോ​ട്ട് രേ​ഖ​പ്പെ​ടു​ത്തി.

ലെ​ജി​സ്ലേ​റ്റി​വ് കൗ​ൺ​സി​ൽ പ്ര​തി​പ​ക്ഷ നേ​താ​വാ​യി​രു​ന്ന ബി.​ജെ.​പി​യു​ടെ കോ​ട്ട ശ്രീ​നി​വാ​സ പൂ​ജാ​രി ഉ​ഡു​പ്പി -ചി​ക്ക​മ​ഗ​ളൂ​രു എം.​പി​യാ​യ​തി​നെ​ത്തു​ട​ർ​ന്ന് എം.​എ​ൽ.​സി സ്ഥാ​നം രാ​ജി​വെ​ച്ച ഒ​ഴി​വി​ലാ​ണ് ഉ​പ​തെ​ര​ഞ്ഞെ​ടു​പ്പ് ന​ട​ന്ന​ത്. ര​ണ്ടു ജി​ല്ല​ക​ളി​ലു​മാ​യി 392 പോ​ളി​ങ് സ്റ്റേ​ഷ​നു​ക​ൾ ഒ​രു​ക്കി​യി​രു​ന്നു.

വോ​ട്ടെ​ണ്ണ​ൽ മം​ഗ​ളൂ​രു സെ​ന്റ് അ​ലോ​ഷ്യ​സ് പി.​യു കോ​ള​ജി​ലാ​ണ് ന​ട​ക്കു​ക. ബി.​ആ​ർ. കി​ഷോ​ർ (ബി.​ജെ.​പി), രാ​ജു പൂ​ജാ​രി (കോ​ൺ​ഗ്ര​സ്), എ​സ്. അ​ൻ​വ​ർ സാ​ദ​ത്ത് (എ​സ്.​ഡി.​പി.​ഐ), ദി​ന​ക​ർ ഉ​ള്ളാ​ൾ (സ്വ​ത​ന്ത്ര​ൻ) എ​ന്നി​വ​രാ​ണ് സ്ഥാ​നാ​ർ​ഥി​ക​ൾ.