ജാ​തി സെ​ൻ​സ​സ്: മ​ന്ത്രി​സ​ഭ അ​ന്തി​മ തീ​രു​മാ​നം മേ​യ് ര​ണ്ടി​ന്

ബം​ഗ​ളൂ​രു: മേ​യ് ര​ണ്ടി​ന് ചേ​രു​ന്ന മ​ന്ത്രി​സ​ഭ യോ​ഗ​ത്തി​ൽ ക​ർ​ണാ​ട​ക​യി​ലെ ജാ​തി ​സെ​ൻ​സ​സു​മാ​യി ബ​ന്ധ​പ്പെ​ട്ട അ​ന്തി​മ തീ​രു​മാ​നം കൈ​ക്കൊ​ള്ളു​മെ​ന്ന് നി​യ​മ​മ​ന്ത്രി എ​ച്ച്.​കെ. പാ​ട്ടീ​ൽ പ​റ​ഞ്ഞു. ക​ഴി​ഞ്ഞ​ദി​വ​സം മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ ജാ​തി സെ​ൻ​സ​സ് റി​പ്പോ​ർ​ട്ട് ​ച​ർ​ച്ച ചെ​യ്തെ​ങ്കി​ലും അ​നി​ശ്ചി​ത​മാ​യി പി​രി​യു​ക​യാ​യി​രു​ന്നു.

വ്യാ​ഴാ​ഴ്ച രാ​ത്രി വൈ​കി​യാ​ണ് യോ​ഗം ന​ട​ന്ന​ത്. ജാ​തി സെ​ൻ​സ​സ് റി​പ്പോ​ർ​ട്ടി​ൽ ഭ​ര​ണ​ക​ക്ഷി​യി​ൽ​ത​ന്നെ ഭി​ന്നാ​ഭി​പ്രാ​യ​ങ്ങ​ളു​യ​ർ​ന്ന​താ​യാ​ണ് വി​വ​രം. മ​ന്ത്രി​മാ​ർ തു​റ​ന്ന ച​ർ​ച്ച​ക്ക് ത​യാ​റാ​യി​ല്ല, തു​ട​ർ​ന്ന് മു​ഖ്യ​മ​ന്ത്രി സി​ദ്ധ​രാ​മ​യ്യ മ​ന്ത്രി​മാ​രോ​ട്, ജാ​തി സെ​ൻ​സ​സി​നെ കു​റി​ച്ചു​ള്ള അ​ഭി​പ്രാ​യം അ​നു​കൂ​ല​മാ​യാ​ലും പ്ര​തി​കൂ​ല​മാ​യാ​ലും എ​ഴു​തി സ​മ​ർ​പ്പി​ക്കാ​ൻ ആ​വ​ശ്യ​പ്പെ​ട്ടു. എ​ല്ലാ സ​മു​ദാ​യ​ങ്ങ​ൾ​ക്കും പ്ര​യോ​ജ​ന​ക​ര​മാ​കു​ന്ന വി​ധ​ത്തി​ലേ റി​പ്പോ​ർ​ട്ട് ന​ട​പ്പാ​ക്കൂ എ​ന്ന് മു​ഖ്യ​മ​ന്ത്രി ഉ​റ​പ്പു​ന​ൽ​കി.

റി​പ്പോ​ർ​ട്ടി​ന്റെ വി​വി​ധ വ​ശ​ങ്ങ​ൾ ച​ർ​ച്ച ചെ​യ്ത​താ​യും മേ​യ് ര​ണ്ടി​ന് ന​ട​ക്കു​ന്ന മ​ന്ത്രി​സ​ഭ യോ​ഗ​ത്തി​ൽ റി​പ്പോ​ർ​ട്ടി​നെ​ക്കു​റി​ച്ചു​ള്ള അ​ന്തി​മ തീ​രു​മാ​നം എ​ടു​ക്കു​മെ​ന്നും മ​ന്ത്രി​സ​ഭ യോ​ഗ​ത്തി​നു​ശേ​ഷം മാ​ധ്യ​മ​ങ്ങ​ളെ അ​ഭി​സം​ബോ​ധ​ന ചെ​യ്ത നി​യ​മ​മ​ന്ത്രി എ​ച്ച്.​കെ. പാ​ട്ടീ​ൽ പ​റ​ഞ്ഞു. അതേ സമയം, ലിം​ഗാ​യ​ത്ത്, വൊ​ക്ക​ലി​ഗ സ​മു​ദാ​യ​ങ്ങ​ൾ ജാ​തി സെ​ൻ​സ​സി​നെ എ​തി​ർ​ക്കു​ന്നു​ണ്ട്. 33 അം​ഗ സി​ദ്ധ​രാ​മ​യ്യ മ​ന്ത്രി​സ​ഭ​യി​ൽ ഏ​ഴ് ലിം​ഗാ​യ​ത്ത് മ​ന്ത്രി​മാ​രും ആ​റ് വൊ​ക്ക​ലി​ഗ​രു​മാ​ണ് ഉ​ൾ​പ്പെ​ടു​ന്ന​ത്. എം.​ബി. പാ​ട്ടീ​ലി​ന് പു​റ​മെ, ഈ​ശ്വ​ർ ഖ​ന്ദ്രെ, ശ​ര​ണ​ബ​സ​പ്പ ദ​ർ​ശ​ന​പു​ർ, ശി​വാ​ന​ന്ദ് പാ​ട്ടീ​ൽ, എ​സ്.​എ​സ് മ​ല്ലി​കാ​ർ​ജു​ൻ, എ​ച്ച്‌.​കെ പാ​ട്ടീ​ൽ, ല​ക്ഷ്മി ഹെ​ബ്ബാ​ൽ​ക്ക​ർ, ശ​ര​ൺ​പ്ര​കാ​ശ് പാ​ട്ടീ​ൽ എ​ന്നി​വ​രാ​ണ് ലിം​ഗാ​യ​ത്ത് മ​ന്ത്രി​മാ​ർ.

ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​റി​ന് പു​റ​മെ, കൃ​ഷ്ണ ബൈ​രെ ഗൗ​ഡ, എ​ൻ ചെ​ലു​വ​രാ​യ സ്വാ​മി, കെ. ​വെ​ങ്കി​ടേ​ഷ്, രാ​മ​ലിം​ഗ റെ​ഡ്ഡി, എം.​സി സു​ധാ​ക​ർ എ​ന്നി​വ​രാ​ണ് വൊ​ക്ക​ലി​ഗ മ​ന്ത്രിമാ​ർ. ജാ​തി സെ​ൻ​സ​സ് റി​പ്പോ​ർ​ട്ട് അം​ഗീ​ക​രി​ച്ചാ​ൽ സം​സ്ഥാ​ന വ്യാ​പ​ക​മാ​യി ബ​ന്ദ് ന​ട​ത്തു​മെ​ന്ന് രാ​ജ്യ വൊ​ക്ക​ലി​ഗ​ര സം​ഘം മു​ന്ന​റി​യി​പ്പ് ന​ൽ​കി​യി​രു​ന്നു. ജൈ​ന വി​ഭാ​ഗ​വും എ​തി​ർ​പ്പു​മാ​യി രം​ഗ​ത്തു​വ​ന്നി​ട്ടു​ണ്ട്. അ​തേ​സ​മ​യം, ജാ​തി സെ​ൻ​സ​സ് ച​ർ​ച്ച ചെ​യ്യാ​ൻ പ്ര​ത്യേ​ക നി​യ​മ​സ​ഭ സ​മ്മേ​ള​നം വി​ളി​ക്ക​ണ​മെ​ന്ന് പൊ​തു​മ​രാ​മ​ത്ത് വ​കു​പ്പ് മ​ന്ത്രി സ​തീ​ഷ് ജാ​ർ​ക്കി​ഹോ​ളി ആ​വ​ശ്യ​പ്പെ​ട്ടു.