വൈ​വി​ധ്യ​ങ്ങ​ളു​ടെ ക​ല​വ​റ​യൊ​രു​ക്കി ചെ​റു​ധാ​ന്യ മേ​ള

ബം​ഗ​ളൂ​രു: റാ​ഗി, ചാ​മ, തി​ന, ജോ​വ​ർ, ബ​ജ്റ തു​ട​ങ്ങി​യ ചെ​റു​ധാ​ന്യ​ങ്ങ​ളു​ടെ​യും അ​വ​യു​ടെ ഉ​ൽ​പ​ന്ന​ങ്ങ​ളു​ടെ​യും ജൈ​വ ഉ​ൽ​പ​ന്ന​ങ്ങ​ളു​ടെ​യും വൈ​വി​ധ്യം ലോ​ക​ത്തെ പ​രി​ച​യ​പ്പെ​ടു​ത്തു​ന്ന അ​ന്താ​രാ​ഷ്ട്ര ധാ​ന്യ-​ജൈ​വ വാ​ണി​ജ്യ​മേ​ള​ക്ക് ഞാ​യ​റാ​ഴ്ച സ​മാ​പ​ന​മാ​വും. സം​സ്ഥാ​ന​ത്ത് ചെ​റു ധാ​ന്യ​ങ്ങ​ളു​ടെ കൃ​ഷി​യും ഉ​പ​യോ​ഗ​വും പ്രോ​ത്സാ​ഹി​പ്പി​ക്കാ​ൻ ല​ക്ഷ്യ​മി​ട്ട് ഒ​ന്നാം സി​ദ്ധ​രാ​മ​യ്യ സ​ർ​ക്കാ​ർ 2017ലാ​ണ് മേ​ള ആ​രം​ഭി​ച്ച​ത്. സ​ർ​ക്കാ​റി​ന്‍റെ മി​ല്ല​റ്റ് പോ​ളി​സി​യു​​ടെ ഭാ​ഗ​മാ​യാ​യി​രു​ന്നു ഇ​ത്. മേ​ള​യു​ടെ അ​ഞ്ചാം പ​തി​പ്പാ​ണ് ഇ​പ്പോ​ൾ ന​ട​ക്കു​ന്ന​ത്. കോ​വി​ഡ് കാ​ല​ത്ത് മേ​ള മാ​റ്റി​വെ​ച്ചി​രു​ന്നു.

ചെ​റു​ധാ​ന്യ​ങ്ങ​ൾ ഭ​ക്ഷ​ണ​ത്തി​ലു​ൾ​പ്പെ​ടു​ത്തു​ക വ​ഴി ധാ​രാ​ളം ആ​രോ​ഗ്യ പ്ര​ശ്ന​ങ്ങ​ൾ​ക്ക് പ​രി​ഹാ​രം കാ​ണാ​നാ​വു​മെ​ന്ന​തി​നാ​ൽ ഇ​വ​ക്ക് വാ​ണി​ജ്യ പ്ര​ധാ​ന്യ​മേ​റെ​യാ​ണ്. നാ​രു​ക​ളും മ​നു​ഷ്യ ശ​രീ​ര​ത്തി​നാ​വ​ശ്യ​മാ​യ ഇ​രു​മ്പ്, കാ​ത്സ്യം, മ​ഗ്നീ​ഷ്യം, ഫോ​സ്ഫ​റ​സ്, സി​ങ്ക്, പൊ​ട്ടാ​സ്യം തു​ട​ങ്ങി​യ ധാ​തു​ക്ക​ളും അ​ട​ങ്ങി​യ​വ​യാ​ണ് ചെ​റു​ധാ​ന്യ​ങ്ങ​ൾ. നി​ല​വി​ൽ ക​ർ​ണാ​ട​ക​യി​ൽ 15.61 ല​ക്ഷം ഹെ​ക്ട​റി​ൽ ചെ​റു​ധാ​ന്യ​ങ്ങ​ൾ കൃ​ഷി ചെ​യ്യു​ന്നു​ണ്ടെ​ന്നാ​ണ് ക​ണ​ക്ക്. റാ​ഗി-8.28 ല​ക്ഷം ഹെ​ക്ട​ർ, ജോ​വ​ർ- 5.67 ല​ക്ഷം ഹെ​ക്ട​ർ, ബ​ജ്റ- 1.31 ല​ക്ഷം ഹെ​ക്ട​ർ എ​ന്നി​വ​യാ​ണ് ഇ​തി​ൽ പ്ര​ധാ​നം. മ​റ്റു ചെ​റു ധാ​ന്യ​ങ്ങ​ൾ 0.35 ല​ക്ഷം ഹെ​ക്ട​റി​ലും കൃ​ഷി​ചെ​യ്യു​ന്നു​ണ്ട്. 2022-23 കാ​ല​യ​ള​വി​ൽ 36 കോ​ടി​യു​ടെ 7764 മെ​ട്രി​ക് ട​ൺ ചെ​റു​ധാ​ന്യ​ങ്ങ​ളും അ​വ​യു​ടെ മൂ​ല്യ​വ​ർ​ധി​ത ഉ​ൽ​പ​ന്ന​ങ്ങ​ളു​മാ​ണ് വി​ദേ​ശ രാ​ജ്യ​ങ്ങ​ളി​ലേ​ക്ക് ക​യ​റ്റി​യ​യ​ച്ച​ത്. അ​മേ​രി​ക്ക, ആ​സ്ട്രേ​ലി​യ, യു.​എ.​ഇ, കാ​ന​ഡ, ഖ​ത്ത​ർ, താ​യ്‍ല​ൻ​ഡ്, സിം​ഗ​പ്പൂ​ർ തു​ട​ങ്ങി​യ രാ​ജ്യ​ങ്ങ​ളി​ലേ​ക്കാ​ണ് ക​ർ​ണാ​ട​ക​യി​ൽ​നി​ന്ന് ചെ​റു​ധാ​ന്യ​ങ്ങ​ൾ പ്ര​ധാ​ന​മാ​യും ക​യ​റ്റു​മ​തി ചെ​യ്യു​ന്ന​ത്.

കൃ​ഷി​വ​കു​പ്പി​ന്‍റെ ആ​ഭി​മു​ഖ്യ​ത്തി​ൽ പാ​ല​സ് മൈ​താ​ന​ത്തെ ത്രി​പു​ര വാ​സി​നി​യി​ൽ ന​ട​ക്കു​ന്ന അ​ന്താ​രാ​ഷ്ട്ര ധാ​ന്യ-​ജൈ​വ വാ​ണി​ജ്യ​മേ​ള​യി​ൽ ക​ർ​ണാ​ട​ക​ക്കു പു​റ​മെ മ​റ്റു സം​സ്ഥാ​ന​ങ്ങ​ളി​ൽ​നി​ന്നു​ള്ള വി​ൽ​പ​ന-​പ്ര​ദ​ർ​ശ​ന സ്റ്റാ​ളു​ക​ളും ഒ​രു​ക്കി​യി​ട്ടു​ണ്ട്. ഗ്രാ​മീ​ണ അ​ങ്ങാ​ടി, ചെ​റു​കി​ട സം​രം​ഭ​ങ്ങ​ൾ തു​ട​ങ്ങി​യ​വ മു​ത​ൽ മി​ല്ല​റ്റു​ക​ളു​ടെ ഉ​പോ​ൽ​പ​ന്ന​ങ്ങ​ൾ വി​പ​ണി​യി​ലെ​ത്തി​ക്കു​ന്ന ടാ​റ്റ സോ​ൾ​ഫു​ൾ, 24 മ​ന്ത്ര, സെ​മി, ട്രൂ ​എ​ല​മ​ന്‍റ്സ് തു​ട​ങ്ങി വ​ൻ​കി​ട ക​മ്പ​നി​ക​ൾ വ​രെ മേ​ള​യി​ൽ ​പ്ര​ദ​ർ​ശ​ന സ്റ്റാ​ളു​ക​ൾ ഒ​രു​ക്കി​യി​ട്ടു​ണ്ട്. വൈ​കീ​ട്ട് നാ​ലി​ന് ന​ട​ക്കു​ന്ന സ​മാ​പ​ന ച​ട​ങ്ങി​ൽ കേ​ന്ദ്ര കൃ​ഷി ക്ഷേ​മ മ​ന്ത്രി അ​ർ​ജു​ൻ മു​ണ്ഡ, കേ​ന്ദ്രം വ​ളം മ​ന്ത്രി ഭ​ഗ​വ​ന്ത് ഖു​ബ, സം​സ്ഥാ​ന കൃ​ഷി മ​ന്ത്രി എ​ൻ. ച​ലു​വ​രാ​യ സ്വാ​മി എ​ന്നി​വ​ർ പ​​ങ്കെ​ടു​ക്കും. മ​ല്ലേ​ശ്വ​രം എം.​എ​ൽ.​എ അ​ശ്വ​ത് നാ​രാ​യ​ൺ അ​ധ്യ​ക്ഷ​ത വ​ഹി​ക്കും. മേ​ള​യി​ലേ​ക്ക് പൊ​തു​ജ​ന​ങ്ങ​ൾ​ക്ക് പ്ര​വേ​ശ​നം സൗ​ജ​ന്യ​മാ​ണ്.