മൈ​ക്രോ​ഫി​നാ​ൻ​സ് വാ​യ്പ​ക​ൾ​ക്ക് ഓ​ൺ​ലൈ​ൻ സം​വി​ധാ​നം കൊ​ണ്ടു​വ​രും

ബം​ഗ​ളൂ​രു: ക​ർ​ണാ​ട​ക​യി​ൽ മൈ​ക്രോ​ഫി​നാ​ൻ​സ് ക​മ്പ​നി​ക​ൾ​ക്ക് കീ​ഴി​ൽ വാ​യ്പാ അ​പേ​ക്ഷ​ക​ൾ സ്വീ​ക​രി​ക്കാ​നും വാ​യ്പ വി​ത​ര​ണം ചെ​യ്യാ​നും ഓ​ൺ​ലൈ​ൻ സം​വി​ധാ​നം കൊ​ണ്ടു​വ​രും. മൈ​ക്രോ​ഫി​നാ​ൻ​സ് ക​മ്പ​നി​ക​ളെ നി​യ​ന്ത്രി​ക്കാ​ൻ സ​ർ​ക്കാ​ർ കൊ​ണ്ടു​വ​രു​ന്ന ഓ​ർ​ഡി​ന​ൻ​സി​ലാ​ണ് ഈ ​നി​ർ​ദേ​ശം.

പ​ല​ത​വ​ണ പ​രി​ഷ്‍ക​രി​ച്ച ഓ​ർ​ഡി​ന​ൻ​സി​ന്റെ ക​ര​ട് രൂ​പ​ത്തി​ന് ഉ​ന്ന​ത​ത​ല യോ​ഗം അ​ന്തി​മ അ​നു​മ​തി ന​ൽ​കി. കു​റ​ഞ്ഞ​ത് എ​ട്ടു ത​വ​ണ​യെ​ങ്കി​ലും പ​രി​ഷ്ക​രി​ച്ച ക​ർ​ണാ​ട​ക മൈ​ക്രോ​ഫി​നാ​ൻ​സ് (നി​ർ​ബ​ന്ധി​ത ന​ട​പ​ടി​ക​ൾ ത​ട​യ​ൽ) ഓ​ർ​ഡി​ന​ൻ​സ് ശ​നി​യാ​ഴ്ച നി​യ​മ​മ​ന്ത്രി എ​ച്ച്.​കെ. പാ​ട്ടീ​ലി​ന്റെ അ​ധ്യ​ക്ഷ​ത​യി​ൽ റ​വ​ന്യൂ മ​ന്ത്രി കൃ​ഷ്ണ ബൈ​രെ ഗൗ​ഡ, ചീ​ഫ് സെ​ക്ര​ട്ട​റി ശാ​ലി​നി ര​ജ​നീ​ഷ്, മ​റ്റ് ഉ​ന്ന​ത ഉ​ദ്യോ​ഗ​സ്ഥ​ർ എ​ന്നി​വ​രു​മാ​യി ന​ട​ത്തി​യ യോ​ഗ​ത്തി​ലാ​ണ് അ​ന്തി​മ​മാ​ക്കി​യ​ത്. ക​ര​ട് ഓ​ർ​ഡി​ന​ൻ​സി​ലെ സാ​ങ്കേ​തി​ക ബു​ദ്ധി​മു​ട്ടു​ക​ൾ തി​രി​ച്ച​റി​ഞ്ഞ​തി​നെ തു​ട​ർ​ന്നാ​ണ് ഓ​ർ​ഡി​ന​ൻ​സി​ന് അ​ന്തി​മ​രൂ​പം ന​ൽ​കി​യ​തെ​ന്ന് പാ​ട്ടീ​ൽ പ​റ​ഞ്ഞു. ഓ​ർ​ഡി​ന​ൻ​സ് അ​ടു​ത്ത ദി​വ​സം മു​ഖ്യ​മ​ന്ത്രി സി​ദ്ധ​രാ​മ​യ്യ​ക്ക് അ​യ​ക്കാ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. മൈ​ക്രോ​ഫി​നാ​ൻ​സ് ഇ​ട​പാ​ടു​ക​ളി​ൽ സു​താ​ര്യ​ത ഉ​റ​പ്പാ​ക്കു​ന്ന​തി​നും അ​മി​ത വാ​യ്പ ത​ട​യു​ന്ന​തി​നും വാ​യ്പ വി​ത​ര​ണ വി​ശ​ദാം​ശ​ങ്ങ​ൾ ട്രാ​ക്ക് ചെ​യ്യു​ന്ന​തി​നും അ​പ്ഡേ​റ്റ് ചെ​യ്യു​ന്ന​തി​നും ഓ​ൺ​ലൈ​ൻ പോ​ർ​ട്ട​ൽ ഉ​പ​യോ​ഗ​പ്പെ​ടു​ത്താ​നാ​ണ് നീ​ക്കം.

മൈ​ക്രോ​ഫി​നാ​ൻ​സ് പ്ര​വ​ർ​ത്ത​ന​ങ്ങ​ൾ​ക്ക് മേ​ൽ​നോ​ട്ടം വ​ഹി​ക്കാ​ൻ ഓ​രോ ജി​ല്ല​യി​ലെ​യും അ​ഡീ​ഷ​ന​ൽ ഡെ​പ്യൂ​ട്ടി ക​മീ​ഷ​ണ​റും അ​സി​സ്റ്റ​ന്റ് ക​മീ​ഷ​ണ​റും ഉ​ൾ​പ്പെ​ടു​ന്ന ഒ​രു ഓം​ബു​ഡ്സ്മാ​നെ നി​യ​മി​ക്കും.മൈ​ക്രോ​ഫി​നാ​ൻ​സ് ക​മ്പ​നി​ക​ൾ വാ​യ്പ​ക​ൾ​ക്ക് ആ​സ്തി​ക​ളോ വി​ല​പി​ടി​പ്പു​ള്ള വ​സ്തു​ക്ക​ളോ ഈ​ടാ​യി എ​ടു​ക്കു​ന്ന​ത് ത​ട​യു​ക​യാ​ണ് സ​ർ​ക്കാ​ർ ല​ക്ഷ്യ​മി​ടു​ന്ന​ത്. തി​രി​ച്ച​ട​വ് മു​ട​ങ്ങു​ന്ന വാ​യ്പ​ക്കാ​രെ ഉ​പ​ദ്ര​വി​ക്കാ​ൻ ഇ​ട​നി​ല​ക്കാ​രെ ഉ​പ​യോ​ഗി​ക്കു​ന്ന​തി​നെ​തി​രെ​യും നി​ർ​ദി​ഷ്ട നി​യ​മം ക​ർ​ശ​ന നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തും.

പ​ലി​ശ​നി​ര​ക്കു​ക​ൾ സു​താ​ര്യ​മാ​ണെ​ന്നും റി​സ​ർ​വ് ബാ​ങ്ക് ഓ​ഫ് ഇ​ന്ത്യ​യു​ടെ (ആ​ർ.​ബി.​ഐ) ച​ട്ട​ങ്ങ​ൾ പാ​ലി​ക്കു​ന്നു​ണ്ടെ​ന്നും ഉ​റ​പ്പാ​ക്കാ​ൻ ഉ​ദ്യോ​ഗ​സ്ഥ​രോ​ട് ആ​വ​ശ്യ​പ്പെ​ട്ടി​ട്ടു​ണ്ടെ​ന്ന് റ​വ​ന്യൂ മ​ന്ത്രി കൃ​ഷ്ണ ബൈ​രെ ഗൗ​ഡ പ​റ​ഞ്ഞു. നി​യ​മ ച​ട്ട​ക്കൂ​ടി​ൽ ഈ ​പ്ര​ധാ​ന വ​ശ​ങ്ങ​ൾ ഉ​ൾ​പ്പെ​ടു​ത്താ​ൻ ഉ​ദ്യോ​ഗ​സ്ഥ​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്. കേ​ന്ദ്ര സ​ർ​ക്കാ​റി​ന്റെ അ​ധി​കാ​ര പ​രി​ധി​യി​ലാ​ണ് മൈ​ക്രോ​ഫി​നാ​ൻ​സ് ക​മ്പ​നി​ക​ൾ. എ​ന്നാ​ൽ, കേ​ന്ദ്രം ഇ​തി​നു​നേ​രെ ക​ണ്ണ​ട​ച്ചി​രി​ക്കു​ക​യാ​ണെ​ന്ന് അ​ദ്ദേ​ഹം വി​മ​ർ​ശി​ച്ചു. കേ​ന്ദ്രം എ​ന്താ​ണ് ചെ​യ്യു​ന്ന​ത്? സം​സ്ഥാ​ന സ​ർ​ക്കാ​റി​ന് അ​ധി​കാ​ര​മി​ല്ലെ​ങ്കി​ലും, ഞ​ങ്ങ​ൾ ഇ​പ്പോ​ഴും ജ​ന​ങ്ങ​ളെ സം​ര​ക്ഷി​ക്കാ​ൻ ശ്ര​മി​ക്കു​ക​യാ​ണ്. ഒ​രാ​ഴ്ച​ക്കു​ള്ളി​ൽ ക​ർ​ണാ​ട​ക സ​ർ​ക്കാ​ർ ഒ​രു ഓ​ർ​ഡി​ന​ൻ​സ് ത​യാ​റാ​ക്കി​യ​ത് വെ​റു​മൊ​രു ത​മാ​ശ​ക്കാ​ര്യ​മ​ല്ലെ​ന്നും അ​ദ്ദേ​ഹം പ​റ​ഞ്ഞു.