മൈ​ക്രോ​ഫി​നാ​ൻ​സ്; ഇ​ട​പാ​ടു​കാ​രു​ടെ സം​ര​ക്ഷ​ണ​ത്തി​ന് നി​യ​മം ന​ട​പ്പാ​ക്കും -മു​ഖ്യ​മ​ന്ത്രി സി​ദ്ധ​രാ​മ​യ്യ

ബം​ഗ​ളൂ​രു: മൈ​ക്രോ​ഫി​നാ​ൻ​സ് സ്ഥാ​പ​ന​ങ്ങ​ൾ​മൂ​ലം പൊ​തു​ജ​ന​ങ്ങ​ൾ നേ​രി​ടു​ന്ന പ്ര​ശ്‌​ന​ങ്ങ​ൾ സം​ബ​ന്ധി​ച്ച് മു​ഖ്യ​മ​ന്ത്രി സി​ദ്ധ​രാ​മ​യ്യ ശ​നി​യാ​ഴ്ച ഉ​ന്ന​ത​ത​ല​യോ​ഗം ന​ട​ത്തി. മൈ​ക്രോ​ഫി​നാ​ൻ​സ് സ്ഥാ​പ​ന​ങ്ങ​ളി​ൽ​നി​ന്ന് വാ​യ്പ​യെ​ടു​ക്കു​ന്ന​വ​രു​ടെ താ​ൽ​പ​ര്യം സം​ര​ക്ഷി​ക്കാ​ൻ സ​ർ​ക്കാ​ർ പ്ര​തി​ജ്ഞാ​ബ​ദ്ധ​മാ​ണെ​ന്ന് യോ​ഗ​ത്തി​നു​ശേ​ഷം വി​ധാ​ന സൗ​ധ​യി​ൽ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ സി​ദ്ധ​രാ​മ​യ്യ പ​റ​ഞ്ഞു.

വാ​യ്പ​യെ​ടു​ത്ത​വ​രെ പീ​ഡി​പ്പി​ക്കു​ന്ന​വ​ർ​ക്കെ​തി​രെ ക​ർ​ശ​ന നി​യ​മ​ന​ട​പ​ടി സ്വീ​ക​രി​ക്കും. ക​ടം വാ​ങ്ങു​ന്ന​വ​രു​ടെ താ​ൽ​പ​ര്യ​ങ്ങ​ൾ സം​ര​ക്ഷി​ക്കു​ന്ന​തി​നാ​യി ഓ​ർ​ഡി​ന​ൻ​സി​ലൂ​ടെ പു​തി​യ നി​യ​മം ഉ​ട​ൻ കൊ​ണ്ടു​വ​രും. നി​ർ​ബ​ന്ധി​ത വാ​യ്പ തി​രി​ച്ച​ട​വ് സം​ബ​ന്ധി​ച്ച പ​രാ​തി​ക​ളി​ൽ ക്രി​മി​ന​ൽ കേ​സെ​ടു​ക്കും. പൊ​ലീ​സി​ന് കൂ​ടു​ത​ൽ അ​ധി​കാ​രം ന​ൽ​കു​ന്ന​ത​ട​ക്കം നി​ല​വി​ലു​ള്ള നി​യ​മ​ങ്ങ​ൾ ശ​ക്തി​പ്പെ​ടു​ത്തും. ര​ജി​സ്റ്റ​ർ ചെ​യ്യാ​ത്ത പ​ണ​മി​ട​പാ​ടു​കാ​രെ നി​യ​ന്ത്രി​ക്കു​ന്ന​തി​നു​ള്ള വ്യ​വ​സ്ഥ​ക​ൾ പു​തി​യ നി​യ​മ​ത്തി​ൽ ഉ​ൾ​പ്പെ​ടു​ത്തും. നി​ർ​ബ​ന്ധി​ത​വും ഭീ​ഷ​ണി​പ്പെ​ടു​ത്തു​ന്ന​തു​മാ​യ ലോ​ൺ റി​ക്ക​വ​റി ന​ട​പ​ടി​ക​ൾ വെ​ച്ചു​പൊ​റു​പ്പി​ക്കി​ല്ല. പാ​വ​പ്പെ​ട്ട വാ​യ്പ​ക്കാ​രു​ടെ താ​ൽ​പ​ര്യ​ങ്ങ​ൾ സം​ര​ക്ഷി​ക്കു​ന്ന​തി​ന് ആ​വ​ശ്യ​മാ​യ എ​ല്ലാ ന​ട​പ​ടി​ക​ളും സ​ർ​ക്കാ​ർ സ്വീ​ക​രി​ക്കും.

മൈ​ക്രോ​ഫി​നാ​ൻ​സ് ഏ​ജ​ന്റു​മാ​രി​ൽ​നി​ന്ന് ആ​രെ​ങ്കി​ലും ഉ​പ​ദ്ര​വം നേ​രി​ടു​ന്നു​ണ്ടെ​ങ്കി​ൽ അ​ത് ലോ​ക്ക​ൽ പൊ​ലീ​സി​ൽ അ​റി​യി​ക്ക​ണം പൊ​തു​ജ​ന​ങ്ങ​ളി​ൽ അ​വ​ബോ​ധം സൃ​ഷ്ടി​ക്കു​ന്ന​തി​നും മൈ​ക്രോ​ഫി​നാ​ൻ​സ് ഏ​ജ​ന്‍റു​മാ​ർ​ക്ക് മു​ന്ന​റി​യി​പ്പ് ന​ൽ​കു​ന്ന​തി​നു​മാ​യി ഡെ​പ്യൂ​ട്ടി ക​മീ​ഷ​ണ​ർ​മാ​രും ജി​ല്ല പൊ​ലീ​സ് സൂ​പ്ര​ണ്ടു​മാ​രും ഉ​ൾ​പ്പെ​ടെ​യു​ള്ള ജി​ല്ല അ​ധി​കാ​രി​ക​ൾ യോ​ഗ​ങ്ങ​ൾ ന​ട​ത്തും.

എ​ല്ലാ ഡെ​പ്യൂ​ട്ടി ക​മീ​ഷ​ണ​ർ​മാ​ർ​ക്കും പൊ​ലീ​സ് സൂ​പ്ര​ണ്ടു​മാ​ർ​ക്കും ഇ​ത് സം​ബ​ന്ധി​ച്ച് ക​ർ​ശ​ന നി​ർ​ദേ​ശം ന​ൽ​കി​യി​ട്ടു​ണ്ട്. പ​രാ​തി​ക​ൾ സ​മ​ർ​പ്പി​ക്കാ​ൻ ക​ഴി​യു​ന്ന എ​ല്ലാ ജി​ല്ല ഓ​ഫി​സു​ക​ളി​ലും ഹെ​ൽ​പ് ലൈ​നു​ക​ൾ സ്ഥാ​പി​ക്കും. ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ, ആ​ഭ്യ​ന്ത​ര​മ​ന്ത്രി ജി. ​പ​ര​മേ​ശ്വ​ര, നി​യ​മ​മ​ന്ത്രി എ​ച്ച്.​കെ. പാ​ട്ടീ​ൽ, റ​വ​ന്യൂ മ​ന്ത്രി കൃ​ഷ്ണ ബൈ​രേ​ഗൗ​ഡ, മു​ഖ്യ​മ​ന്ത്രി​യു​ടെ പൊ​ളി​റ്റി​ക്ക​ൽ സെ​ക്ര​ട്ട​റി ഗോ​വി​ന്ദ​രാ​ജു, സ​ർ​ക്കാ​ർ ചീ​ഫ് സെ​ക്ര​ട്ട​റി ശാ​ലി​നി ര​ജ​നീ​ഷ്, അ​ഡീ​ഷ​ണ​ൽ ചീ​ഫ് സെ​ക്ര​ട്ട​റി അ​തി​ഖ് അ​ഹ​മ്മ​ദ്, സം​സ്ഥാ​ന പൊ​ലീ​സ് മേ​ധാ​വി അ​ലോ​ക് മോ​ഹ​ൻ, ആ​ഭ്യ​ന്ത​ര, റ​വ​ന്യൂ, ഇ​ന്‍റ​ലി​ജ​ൻ​സ്, ആ​ഭ്യ​ന്ത​ര ഭ​ര​ണ വ​കു​പ്പു​ക​ളി​ലെ മു​തി​ർ​ന്ന ഉ​ദ്യോ​ഗ​സ്ഥ​രും യോ​ഗ​ത്തി​ൽ പ​ങ്കെ​ടു​ത്തു.