ക​ർ​ണാ​ട​ക​യി​ൽ മ​നോ​രോ​ഗി​പ്പെ​രു​പ്പം; അ​ഞ്ച് വ​ർ​ഷ​ത്തി​ൽ 48 ല​ക്ഷം പേ​ർ

ബം​ഗ​ളൂ​രു: സം​സ്ഥാ​ന​ത്ത് മാ​ന​സി​ക രോ​ഗ ബാ​ധി​ത​രു​ടെ എ​ണ്ണം ക്ര​മാ​തീ​ത​മാ​യി പെ​രു​കു​ന്നു​വെ​ന്ന് റി​പ്പോ​ർ​ട്ട്. സാ​മ്പ​ത്തി​ക ബു​ദ്ധി​മു​ട്ടു​ക​ൾ, തൊ​ഴി​ലി​ല്ലാ​യ്മ, കു​ടും​ബ ത​ർ​ക്ക​ങ്ങ​ൾ, മ​റ്റു പ്ര​ശ്‌​ന​ങ്ങ​ൾ എ​ന്നി​വ​യാ​ണ് കാ​ര​ണം. ക​ഴി​ഞ്ഞ അ​ഞ്ച് വ​ർ​ഷ​ത്തി​നി​ടെ 47.89 ല​ക്ഷം പേ​ർ സ​ർ​ക്കാ​ർ ആ​ശു​പ​ത്രി​ക​ളി​ൽ കൗ​ൺ​സ​ലി​ങ്ങും ചി​കി​ത്സ​യും നേ​ടി​യി​ട്ടു​ണ്ട്.

എ​ല്ലാ ജി​ല്ല ആ​ശു​പ​ത്രി​ക​ളി​ലും സ​ർ​ക്കാ​ർ മെ​ഡി​ക്ക​ൽ സ്ഥാ​പ​ന​ങ്ങ​ളി​ലും സൈ​ക്ലോ​ജി​ക്ക​ൽ കൗ​ൺ​സ​ലി​ങ്ങും ചി​കി​ത്സ​യും ല​ഭ്യ​മാ​ണ്. താ​ലൂ​ക്ക് ആ​ശു​പ​ത്രി​ക​ളി​ൽ തെ​ര​ഞ്ഞെ​ടു​ത്ത ചൊ​വ്വ, വെ​ള്ളി ദി​വ​സ​ങ്ങ​ളി​ലാ​ണ് മാ​ന​സി​ക​രോ​ഗ ചി​കി​ത്സ ന​ൽ​കു​ന്ന​ത്. യു​വാ​ക്ക​ളാ​ണ് മാ​ന​സി​കാ​രോ​ഗ്യ പ്ര​ശ്ന​ങ്ങ​ൾ​ക്ക് കൂ​ടു​ത​ലാ​യും ഇ​ര​യാ​കു​ന്ന​തെ​ന്ന് നിം​ഹാ​ൻ​സി​ലെ ഡോ​ക്ട​ർ​മാ​ർ ചൂ​ണ്ടി​ക്കാ​ട്ടു​ന്നു. തൊ​ഴി​ലി​ല്ലാ​യ്മ, വേ​ഗ​ത്തി​ൽ വി​ജ​യം നേ​ടാ​നു​ള്ള സ​മ്മ​ർ​ദം, ഡി​ജി​റ്റ​ൽ ഉ​പ​ക​ര​ണ​ങ്ങ​ളു​ടെ അ​മി​ത ഉ​പ​യോ​ഗം, ന​ഗ​ര​വ​ത്ക​ര​ണം, കു​ടും​ബ​പ്ര​ശ്‌​ന​ങ്ങ​ൾ, ഏ​കാ​ന്ത​ത, ജോ​ലി​സ​മ്മ​ർ​ദം തു​ട​ങ്ങി​യ ഘ​ട​ക​ങ്ങ​ൾ അ​വ​രു​ടെ മാ​ന​സി​ക ക്ലേ​ശ​ത്തി​ന് കാ​ര​ണ​മാ​കു​ന്നു. ആ​ത്മ​ഹ​ത്യ​ചെ​യ്യു​ന്ന​വ​രി​ൽ മൂ​ന്നി​ലൊ​ന്ന് പേ​രും മാ​ന​സി​ക രോ​ഗ​ങ്ങ​ളാ​ൽ ബു​ദ്ധി​മു​ട്ടു​ന്ന​വ​രാ​ണെ​ന്നും മ​റ്റു​ള്ള​വ​ർ സാ​മ്പ​ത്തി​ക സ​മ്മ​ർ​ദ​വും കു​ടും​ബ​പ്ര​ശ്‌​ന​ങ്ങ​ളും കാ​ര​ണം ക​ടു​ത്ത ന​ട​പ​ടി​ക​ളെ​ടു​ക്കു​ന്നു​വെ​ന്നും നിം​ഹാ​ൻ​സ് വി​ശ​ക​ല​നം സൂ​ചി​പ്പി​ക്കു​ന്നു.

‘മാ​ന​സി​ക ആ​രോ​ഗ്യം ഗു​രു​ത​ര​മാ​യ ആ​ശ​ങ്ക​യാ​യി മാ​റി​യി​രി​ക്കു​ന്നു. മാ​ന​സി​ക രോ​ഗ​ങ്ങ​ളാ​ൽ ബു​ദ്ധി​മു​ട്ടു​ന്ന വ്യ​ക്തി​ക​ൾ ഉ​ത്ക​ണ്ഠ, വി​ഷാ​ദം, ഉ​റ​ക്ക​മി​ല്ലാ​യ്മ, പേ​ടി​സ്വ​പ്ന​ങ്ങ​ൾ, അ​ര​ക്ഷി​താ​വ​സ്ഥ, ഏ​കാ​ഗ്ര​ത​യു​ടെ അ​ഭാ​വം, ജോ​ലി​യി​ൽ താ​ൽ​പ​ര്യ​മി​ല്ലാ​യ്മ തു​ട​ങ്ങി​യ ല​ക്ഷ​ണ​ങ്ങ​ൾ പ്ര​ക​ടി​പ്പി​ക്കു​ന്നു. ഈ ​ല​ക്ഷ​ണ​ങ്ങ​ൾ തി​രി​ച്ച​റി​യു​ക​യും ഉ​ചി​ത​മാ​യ ചി​കി​ത്സ ന​ൽ​കു​ക​യും ചെ​യ്യു​ന്ന​ത് നി​ർ​ണാ​യ​ക​മാ​ണ്. വി​ദ്യാ​ഭ്യാ​സ സ​മ്മ​ർ​ദ​വും അ​മി​ത സ്‌​ക്രീ​ൻ സ​മ​യ​വും കാ​ര​ണം കു​ട്ടി​ക​ളി​ലും കൗ​മാ​ര​ക്കാ​ർ​ക്കി​ട​യി​ലും മാ​ന​സി​കാ​രോ​ഗ്യ പ്ര​ശ്‌​ന​ങ്ങ​ൾ വ്യാ​പ​ക​മാ​ണ്. കു​ട്ടി​ക​ളും കൗ​മാ​ര​ക്കാ​രും ഉ​ൾ​പ്പെ​ട്ട 1.36 ല​ക്ഷം കേ​സു​ക​ൾ ഉ​ൾ​പ്പെ​ടെ, ക​ഴി​ഞ്ഞ മൂ​ന്ന് വ​ർ​ഷ​ത്തി​നി​ടെ 28.24 ല​ക്ഷം മാ​ന​സി​ക രോ​ഗ കേ​സു​ക​ൾ റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടു​ണ്ട്.

പ​രീ​ക്ഷ​ക​ളി​ൽ ഉ​ന്ന​ത​വി​ജ​യം നേ​ടാ​നു​ള്ള മാ​താ​പി​താ​ക്ക​ളു​ടെ സ​മ്മ​ർ​ദം പ​ല കു​ട്ടി​ക​ളി​ലും മാ​ന​സി​കാ​രോ​ഗ്യ പ്ര​ശ്ന​ങ്ങ​ൾ ഉ​ണ്ടാ​ക്കു​ന്നു. നി​ര​ന്ത​ര​മാ​യ കോ​പം, ഇ​ട​ക്കി​ടെ​യു​ള്ള കോ​പം, അ​മി​ത​മാ​യ ആ​വ​ശ്യ​ങ്ങ​ൾ എ​ന്നി​വ​യും അ​ടി​സ്ഥാ​ന​പ​ര​മാ​യ മാ​ന​സി​ക ക്ലേ​ശ​ത്തെ സൂ​ചി​പ്പി​ക്കാം. ഭാ​വി​യി​ലെ പ്ര​തി​സ​ന്ധി​ക​ൾ ത​ട​യാ​ൻ ര​ക്ഷി​താ​ക്ക​ൾ കു​ട്ടി​ക​ളി​ലെ പെ​രു​മാ​റ്റ മാ​റ്റ​ങ്ങ​ൾ നി​രീ​ക്ഷി​ക്കു​ക​യും അ​വ​രു​ടെ ആ​ശ​ങ്ക​ക​ൾ മ​ന​സ്സി​ലാ​ക്കു​ക​യും വേ​ണ​മെ​ന്നും നിം​ഹാ​ൻ​സ് ഡോ​ക്ട​ർ​മാ​ർ കൂ​ട്ടി​ച്ചേ​ർ​ത്തു.