മൗ​ലാ​ന ഷാ​ഫി സ​അ​ദി ക​ർ​ണാ​ട​ക വ​ഖ​ഫ് കൗ​ൺ​സി​ൽ വൈ​സ് പ്ര​സി​ഡ​ന്റ്

ബം​ഗ​ളൂ​രു: ക​ർ​ണാ​ട​ക വ​ഖ​ഫ് ബോ​ർ​ഡ് മു​ൻ ചെ​യ​ർ​മാ​ൻ മൗ​ലാ​ന എ​ൻ.​കെ.​എം. ഷാ​ഫി സ​അ​ദി​യെ ക​ർ​ണാ​ട​ക വ​ഖ​ഫ് കൗ​ൺ​സി​ൽ വൈ​സ് പ്ര​സി​ഡ​ന്റാ​യി കോ​ൺ​ഗ്ര​സ് സ​ർ​ക്കാ​ർ നി​യ​മി​ച്ച് ഉ​ത്ത​ര​വാ​യി. വ​ഖ​ഫ് മ​ന്ത്രി ബി.​ഇ​സെ​ഡ്. സ​മീ​ർ അ​ഹ​മ്മ​ദ് ഖാ​ൻ ചെ​യ​ർ​മാ​നാ​യ വ​ഖ​ഫ് കൗ​ൺ​സി​ലി​ന്റെ പ്ര​ധാ​ന ചു​മ​ത​ല വ​ഖ​ഫ് ബോ​ർ​ഡ് അം​ഗ​ങ്ങ​ളെ തെ​ര​ഞ്ഞെ​ടു​ക്കു​ക എ​ന്ന​താ​ണ്.

മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ നി​ർ​ദേ​ശ ​പ്ര​കാ​രം ധ​ന​കാ​ര്യ വ​കു​പ്പി​ന്റെ അ​നു​മ​തി​യോ​ടെ വ​ഖ​ഫ് കൗ​ൺ​സി​ലി​ൽ വൈ​സ് പ്ര​സി​ഡ​ന്റ് എ​ന്ന പു​തി​യ പ​ദ​വി സൃ​ഷ്ടി​ച്ചാ​ണ് നി​യ​മ​നം. വെ​ള്ളി​യാ​ഴ്ച മ​ന്ത്രി സ​മീ​ർ അ​ഹ​മ്മ​ദ്ഖാ​ൻ, ക​ർ​ണാ​ട​ക മി​ൽ​ക് ഫെ​ഡ​റേ​ഷ​ൻ പ്ര​സി​ഡ​ന്റ് ഭീ​മ​നാ​യി​ക് എ​ന്നി​വ​രു​ടെ സാ​ന്നി​ധ്യ​ത്തി​ൽ മു​ഖ്യ​മ​​ന്ത്രി സി​ദ്ധ​രാ​മ​യ്യ​യി​ൽ​നി​ന്ന് ഷാ​ഫി സ​അ​ദി നി​യ​മ​ന ഉ​ത്ത​ര​വ് ഏ​റ്റു​വാ​ങ്ങി.

ക​ഴി​ഞ്ഞ ബി.​ജെ.​പി സ​ർ​ക്കാ​റി​ന്റെ കാ​ല​ത്ത് ക​ർ​ണാ​ട​ക വ​ഖ​ഫ് ബോ​ർ​ഡ് അ​ധ്യ​ക്ഷ​നാ​യ ഷാ​ഫി സ​അ​ദി എ.​പി സു​ന്നി വി​ഭാ​ഗം നേ​താ​വാ​ണ്. അ​ന്ന് വ​ഖ​ഫ് ബോ​ർ​ഡ് തെ​ര​ഞ്ഞെ​ടു​പ്പി​ൽ ഷാ​ഫി സ​അ​ദി​യു​ടെ വി​ജ​യം ബി.​ജെ.​പി​യു​ടെ വി​ജ​യ​മാ​യി അ​ന്ന​ത്തെ മു​സ്റാ​യി- വ​ഖ​ഫ് മ​ന്ത്രി ശ​ശി​ക​ല ജോ​ലെ ചൂ​ണ്ടി​ക്കാ​ട്ടു​ക​യും അ​ദ്ദേ​ഹ​ത്തി​ന് സ്വീ​ക​ര​ണം ന​ൽ​കു​ക​യും ചെ​യ്ത​ത് ഏ​റെ വി​വാ​ദ​മാ​യി​രു​ന്നു. 2023ൽ ​സി​ദ്ധ​രാ​മ​യ്യ സ​ർ​ക്കാ​ർ അ​ധി​കാ​ര​മേ​റ്റ​തി​ന് പി​ന്നാ​ലെ, ക​ഴി​ഞ്ഞ ബി.​ജെ.​പി സ​ർ​ക്കാ​റി​ന്റെ കാ​ല​ത്തു​ണ്ടാ​യി​രു​ന്ന എ​ല്ലാ നാ​മ​നി​ർ​ദേ​ശ നി​യ​മ​ന​ങ്ങ​ളും റ​ദ്ദാ​ക്കി​യ കൂ​ട്ട​ത്തി​ൽ വ​ഖ​ഫ് ബോ​ർ​ഡി​ലെ നി​യ​മ​ന​ങ്ങ​ളും റ​ദ്ദാ​ക്കി.

വ​ഖ​ഫ് ബോ​ർ​ഡി​ലെ നാ​ലം​ഗ അം​ഗ​ങ്ങ​ളു​ടെ നി​യ​മ​ന​ങ്ങ​ൾ റ​ദ്ദാ​ക്കി​യ ഉ​ത്ത​ര​വ് പി​ന്നീ​ട് പി​ൻ​വ​ലി​ച്ചു. കാ​ലാ​വ​ധി പൂ​ർ​ത്തി​യാ​യ​ത് ചൂ​ണ്ടി​ക്കാ​ട്ടി 2023 ജൂ​ലൈ​യി​ൽ ഷാ​ഫി സ​അ​ദി രാ​ജി​വെ​ച്ചു. ക​ഴി​ഞ്ഞ ഫെ​ബ്രു​വ​രി​യി​ൽ വ​ഖ​ഫ് ബോ​ർ​ഡ് അ​ധ്യ​ക്ഷ സ്ഥാ​ന​ത്തേ​ക്ക് വീ​ണ്ടും ഷാ​ഫി സ​അ​ദി​യു​ടെ പേ​ര് പ​രി​ഗ​ണി​ക്ക​പ്പെ​ട്ടി​രു​ന്നു. കോ​ൺ​ഗ്ര​സ് നേ​താ​ക്ക​ളാ​യ സ​മീ​ർ അ​ഹ​മ്മ​ദ് ഖാ​ൻ, യു.​ടി. ഖാ​ദ​ർ എ​ന്നി​വ​രു​മാ​യി അ​ടു​ത്ത ബ​ന്ധം പു​ല​ർ​ത്തു​ന്ന ഷാ​ഫി സ​അ​ദി​യു​ടെ പേ​രാ​ണ് ക​ർ​ണാ​ട​ക​യി​ലെ കോ​ൺ​ഗ്ര​സ് നേ​താ​ക്ക​ൾ അ​ധ്യ​ക്ഷ സ്ഥാ​ന​ത്തേ​ക്ക് നി​ർ​ദേ​ശി​ച്ചി​രു​ന്ന​ത്.

എ​ന്നാ​ൽ, കോ​ൺ​ഗ്ര​സ് ദേ​ശീ​യ നേ​തൃ​ത്വം ഇ​തി​ന് അ​നു​മ​തി ന​ൽ​കി​യി​ല്ല. മാ​ർ​ച്ചി​ൽ ന​ട​ന്ന തെ​ര​ഞ്ഞെ​ടു​പ്പി​ൽ സ​യ്യി​ദ് മു​ഹ​മ്മ​ദ​ലി അ​ൽ ഹു​സൈ​നി​യാ​ണ് ചെ​യ​ർ​മാ​നാ​യി തെ​ര​ഞ്ഞെ​ടു​ക്ക​പ്പെ​ട്ട​ത്. ഇ​തോ​​ടെ ഷാ​ഫി സ​അ​ദി​ക്ക് പ്ര​ധാ​ന​പ്പെ​ട്ട മ​റ്റൊ​രു പ​ദ​വി ന​ൽ​കു​മെ​ന്ന് ​സം​സ്ഥാ​ന കോ​ൺ​ഗ്ര​സ് നേ​തൃ​ത്വം ഉ​റ​പ്പു ന​ൽ​കി​യി​രു​ന്നു. ഇ​താ​ണ് ഇ​പ്പോ​ൾ ക​ർ​ണാ​ട​ക സം​സ്ഥാ​ന വ​ഖ​ഫ് കൗ​ൺ​സി​ൽ (പ​രി​ഷ​ത്ത്) ഉ​പാ​ധ്യ​ക്ഷ​നാ​യി നി​യ​മി​ച്ച് ഉ​ത്ത​ര​വി​റ​ക്കി​യ​ത്.

വ​ഖ​ഫ് ബോ​ർ​ഡി​ന് കീ​ഴി​ലെ വാ​യ്പ- വി​ക​സ​ന പ്ര​വ​ർ​ത്ത​ന​ങ്ങ​ൾ​ക്ക് പി​ന്തു​ണ ന​ൽ​കു​ക​യാ​ണ് വ​ഖ​ഫ് കൗ​ൺ​സി​ലി​ന്റെ പ്ര​ധാ​ന ചു​മ​ത​ല​ക​ളി​ലൊ​ന്ന്. പ​ള്ളി​ക​ളു​ടെ​യും ദ​ർ​ഗ​ക​ളു​ടെ​യും വ​ഖ​ഫ് ബോ​ർ​ഡി​ൽ ര​ജി​സ്റ്റ​ർ ചെ​യ്ത മ​റ്റു വ​സ്തു​ക്ക​ളു​ടെ​യും വി​ക​സ​ന​ത്തി​ന് റി​​വോ​ൾ​വി​ങ് ഫ​ണ്ടാ​യി സ​ർ​ക്കാ​ർ ഗ്രാ​ന്റ് ന​ൽ​കു​ക, അ​നു​വ​ദി​ച്ച ഫ​ണ്ടു​ക​ൾ യ​ഥാ​വി​ധം ഉ​പ​യോ​ഗ​പ്പെ​ടു​ത്തു​ന്നു​ണ്ടോ എ​ന്ന​ത​ട​ക്ക​മു​ള്ള കാ​ര്യ​ങ്ങ​ൾ പ​രി​ശോ​ധ​ന​ക്ക് വി​ധേ​യ​മാ​ക്കു​ക തു​ട​ങ്ങി​യ​വ വ​ഖ​ഫ് കൗ​ൺ​സി​ലി​ന്റെ ഉ​ത്ത​ര​വാ​ദി​ത്ത​മാ​ണ്. ക​ർ​ണാ​ട​ക വ​ഖ​ഫ് കൗ​ൺ​സി​ലി​ൽ ചെ​യ​ർ​മാ​ൻ, വൈ​സ് ചെ​യ​ർ​മാ​ൻ, ഏ​ഴ് അം​ഗ​ങ്ങ​ൾ എ​ന്നി​വ​ര​ട​ക്കം ഒ​മ്പ​തം​ഗ ഭ​ര​ണ​സ​മി​തി​യാ​ണ് നി​ല​വി​ലു​ള്ള​ത്.

എ​ന്നി​ല​ർ​പ്പി​ച്ച വി​ശ്വാ​സ​ത്തി​ന് ന​ന്ദി -ഷാ​ഫി സ​അ​ദി

ബം​ഗ​ളൂ​രു: ത​ന്നി​ല​ർ​പ്പി​ച്ച വി​ശ്വാ​സ​ത്തി​ന് ന​ന്ദി പ്ര​ക​ടി​പ്പി​ച്ച് ക​ർ​ണാ​ട​ക വ​ഖ​ഫ് കൗ​ൺ​സി​ൽ വൈ​സ് പ്ര​സി​ഡ​ന്റ് മൗ​ലാ​ന എ​ൻ.​​കെ. ഷാ​ഫി സ​അ​ദി. ‘വ​ഖ​ഫ് കൗ​ൺ​സി​ൽ വൈ​സ് പ്ര​സി​ഡ​ന്റ് ചു​മ​ത​ല​യേ​ൽ​ക്കാ​ൻ ക​ഴി​ഞ്ഞ ഫെ​ബ്രു​വ​രി​യി​ൽ മ​ന്ത്രി സ​മീ​ർ അ​ഹ​മ്മ​ദ് ഖാ​ൻ എ​ന്നോ​ട് ആ​വ​ശ്യ​പ്പെ​ട്ടി​രു​ന്നു.

വ്യ​ക്തി​പ​ര​മാ​യ കാ​ര​ണ​ങ്ങ​ളാ​ൽ അ​ത് നീ​ണ്ടു​പോ​വു​ക​യാ​യി​രു​ന്നു. ഇ​പ്പോ​ൾ പു​തി​യ പോ​സ്റ്റി​ന് ധ​ന​കാ​ര്യ വ​കു​പ്പി​ന്റെ​യും ഗ​വ​ർ​ണ​റു​ടെ​യും അ​നു​മ​തി​യാ​യി. വ​ഖ​ഫ് കൗ​ൺ​സി​ലി​ന്റെ സാ​ധ്യ​ത​ക്ക​ക​ത്തു​നി​ന്ന് സ​മു​ദാ​യ​ത്തി​ന്റെ​യും സ​മൂ​ഹ​ത്തി​ന്റെ​യും പു​രോ​ഗ​തി​ക്കാ​യി ആ​ത്മാ​ർ​ഥ​മാ​യി പ്ര​വ​ർ​ത്തി​ക്കും- അ​ദ്ദേ​ഹം പ​റ​ഞ്ഞു.