ക​രയും കടലും ആകാശവുംതാണ്ടി ഇ​താ ഇ​വ​രു​ടെ ആദ്യയാത്ര

ബം​ഗ​ളൂ​രു: വി​ദ്യാ​ർ​ഥി​ക​ൾ​ക്കും ര​ക്ഷി​താ​ക്ക​ൾ​ക്കും വി​വി​ധ ത​ര​ത്തി​ലു​ള്ള യാ​ത്രാ​നു​ഭ​വം ന​ൽ​കി വ്യ​ത്യ​സ്ത​മാ​വു​ക​യാ​ണ്​ കേ​ര​ള​ത്തി​ലെ ഒ​രു സ​ർ​ക്കാ​ർ പ്രൈ​മ​റി വി​ദ്യാ​ല​യം. മ​ല​പ്പു​റം തി​രൂ​ർ മം​ഗ​ലം ജി.​എം.​എ​ൽ.​പി സ്കൂ​ളാ​ണ് ‘സ്വ​പ്ന​യാ​ത്ര 2023’ എ​ന്ന വേ​റി​ട്ട പ​രി​പാ​ടി ന​ട​ത്തിയ​ത്. വി​ദ്യാ​ർ​ഥി​ക​ൾ​ക്ക് വി​മാ​ന-​ക​ട​ൽ-​ജ​ല യാ​ത്ര​ക​ൾ ന​ട​ത്താ​നാ​ണ്​ അ​വ​സ​ര​മൊ​രു​ക്കി​യ​ത്. ‘അ​നു​ഭ​വ​ങ്ങ​ളി​ലൂ​ടെ പ​ഠ​നം’ എ​ന്ന ആ​ശ​യ​ത്തി​ലൂ​ന്നി​യു​ള്ള യാ​ത്ര​യു​ടെ ഭാ​ഗ​മാ​യി കു​ട്ടി​ക​ൾ ബം​ഗ​ളൂ​രു ന​ഗ​ര​ത്തി​ലു​മെ​ത്തി. യാ​ത്രാ​നു​ഭ​വ​ങ്ങ​ൾ ന​ൽ​കു​ക, വാ​ഹ​ന​ങ്ങ​ളു​മാ​യി ബ​ന്ധ​പ്പെ​ട്ട പ​ല​ത​രം സാ​ധ്യ​ത​ക​ൾ നേ​രി​ട്ട് പ​ഠി​ക്കു​ക, ശാ​സ്ത്രാ​ഭി​മു​ഖ്യ​വും സാ​മൂ​ഹി​ക​ബോ​ധ​വും വ​ള​ർ​ത്തു​ക തു​ട​ങ്ങി​യ ല​ക്ഷ്യ​ങ്ങ​ളു​മാ​യാ​ണ്​ പി.​ടി.​എ പ​ദ്ധ​തി​ക്ക് നേ​തൃ​ത്വം ന​ൽ​കു​ന്ന​ത്.

മാ​ർ​ച്ച് 11ന് ​രാ​വി​ലെ എ​റ​ണാ​കു​ള​ത്തേ​ക്ക് ട്രെ​യി​നി​ൽ ആ​രം​ഭി​ച്ച യാ​ത്ര കൊ​ച്ചി മെ​ട്രോ, കാ​യ​ൽ-​ക​ട​ൽ യാ​ത്ര​ക​ൾ​ക്കു ശേ​ഷം പി​റ്റേ ദി​വ​സം രാ​വി​ലെ നെ​ടു​മ്പാ​ശ്ശേ​രി​യി​ൽ​നി​ന്ന് ബം​ഗ​ളൂ​രു​വി​ലേ​ക്ക് വി​മാ​ന​മാ​ർ​ഗം എ​ത്തി. 52 അം​ഗ സം​ഘ​ത്തി​ൽ 34 വി​ദ്യാ​ർ​ഥി​ക​ളും ഏ​ഴ് അ​ധ്യാ​പ​ക​രും 11 ര​ക്ഷി​താ​ക്ക​ളു​മാ​ണ് ഉ​ള്ള​ത്. ബം​ഗ​ളൂ​രു​വി​ൽ ക​ബ്ബ​ൺ പാ​ർ​ക്ക്, വി​ശ്വേ​ശ്വ​ര​യ്യ സ​യ​ൻ​സ് മ്യൂ​സി​യം എ​ന്നി​വ സ​ന്ദ​ർ​ശി​ച്ച സം​ഘം ബം​ഗ​ളൂ​രു മെ​ട്രോ വ​ഴി യ​ശ്വ​ന്ത്പു​ര​ത്തേ​ക്ക് നീ​ങ്ങി. രാ​ത്രി യ​ശ്വ​ന്ത്പു​ര​ത്തു​നി​ന്ന് ക​ണ്ണൂ​ർ എ​ക്സ്പ്ര​സി​ൽ നാ​ട്ടി​ലേ​ക്ക് തി​രി​ച്ചു. വി​ദ്യാ​ർ​ഥി​ക​ൾ​ക്ക് വി​മാ​ന​യാ​ത്ര, ക​ട​ൽ യാ​ത്ര, കാ​യ​ൽ യാ​ത്ര, കൊ​ച്ചി മെ​ട്രോ, ബം​ഗ​ളൂ​രു മെ​ട്രോ, പ​ക​ൽ സ​മ​യ​ത്തു​ള്ള ട്രെ​യി​ൻ യാ​ത്ര, രാ​ത്രി​യി​ൽ സ്ലീ​പ്പ​ർ ട്രെ​യി​ൻ യാ​ത്ര തു​ട​ങ്ങി വ്യ​ത്യ​സ്ത​മാ​യ യാ​ത്രാ​നു​ഭ​വ​ങ്ങ​ൾ ആ​സ്വ​ദി​ക്കാ​നും അ​നു​ഭ​വി​ക്കാ​നും സാ​ധി​ച്ച​താ​യി സ്കൂ​ൾ പി.​ടി.​എ പ്ര​സി​ഡ​ന്റ് കെ.​പി. റാ​ഷി​ദ് അ​റി​യി​ച്ചു. മൂ​ന്ന്, നാ​ല് ക്ലാ​സു​ക​ളി​ലെ മു​ഴു​വ​ൻ വി​ദ്യാ​ർ​ഥി​ക​ളെ​യും പ​ങ്കെ​ടു​പ്പി​ച്ചാ​യി​രു​ന്നു യാ​ത്ര. ഇ​തി​നാ​യി ര​ണ്ടു വ​ർ​ഷ​മാ​യി ത​യാ​റെ​ടു​പ്പി​ലാ​യി​രു​ന്നു. ഓ​ണം, വി​ഷു, പെ​രു​ന്നാ​ൾ പോ​ലു​ള്ള ഉ​ത്സ​വാ​വ​സ​ര​ങ്ങ​ളി​ൽ ല​ഭി​ക്കു​ന്ന ചെ​റി​യ സ​മ്മാ​ന​ത്തു​ക​ക​ളും മ​റ്റും കു​ട്ടി​ക​ൾ അ​ധ്യാ​പ​ക​രെ ഏ​ൽ​പി​ച്ചു. എ​ല്ലാ ബു​ധ​നാ​ഴ്ച​ക​ളി​ലും അ​ക്ഷ​ര​നി​ധി എ​ന്ന പേ​രി​ൽ വി​ദ്യാ​ല​യ​ത്തി​ൽ ഏ​ർ​പ്പെ​ടു​ത്തി​യ ല​ഘു​സ​മ്പാ​ദ്യ പ​ദ്ധ​തി വ​ഴി​യും യാ​ത്ര​ക്കാ​വ​ശ്യ​മാ​യ തു​ക ക​ണ്ടെ​ത്തി. ബാക്കി തുക ര​ക്ഷി​താ​ക്ക​ളും അ​ഭ്യു​ദ​യ​കാം​ക്ഷി​ക​ളു​മാ​ണ് വ​ഹി​ച്ച​ത്. ര​ണ്ട് വ​ർ​ഷം കൂ​ടു​മ്പോ​ൾ സ​മാ​ന യാ​ത്ര ന​ട​ത്തു​ക​യാ​ണ്​ ല​ക്ഷ്യം. ഒ​രു സ​ർ​ക്കാ​ർ പ്രൈ​മ​റി വി​ദ്യാ​ല​യം ഇ​ത്ത​ര​ം യാ​ത്ര സം​ഘ​ടി​പ്പി​ക്കു​ന്ന​ത് ആ​ദ്യ​മാ​യാ​ണ്. പ​രി​പാ​ടി​ക്ക് എ​സ്.​ആ​ർ.​ജി ക​ൺ​വീ​ന​ർ പി. ​സ​ബി​ത, അ​ധ്യാ​പ​ക​രാ​യ സു​കേ​ശി​നി വെ​ണ്ണാ​ടി, ഹ​സ്ന ബീ​ഗം, മു​ഹ്സി​ന, പി.​ടി.​എ പ്ര​സി​ഡ​ന്‍റ്​ കെ.​പി. റാ​ഷി​ദ്, അം​ഗ​ങ്ങ​ളാ​യ കെ.​ടി. മു​ജീ​ബ്, കെ. ​ശ്യാ​മ​ള എ​ന്നി​വ​ർ നേ​തൃ​ത്വം ന​ൽ​കി.