പ​ശു​വും കി​ടാ​വും മേ​ഞ്ഞ തീ​ര​ത്തെ താ​മ​ര​ക്കൊ​യ്ത്ത്

കോ​ൺ​ഗ്ര​സി​ന്‍റെ ‘പ​ശു​വും കി​ടാ​വും’ ക​യ​റൂ​രി മേ​യു​ക​യും ‘കൈ’ ​യ​ട​ക്കു​ക​യും ചെ​യ്ത മ​ണ്ണാ​യി​രു​ന്നു അ​റ​ബി​ക്ക​ട​ലി​ന്‍റെ തോ​ഴി നേ​ത്രാ​വ​തി ന​ദി​യു​ടെ ക​ര. 1971ൽ ​കെ.​കെ. ഷെ​ട്ടി​യെ പാ​ർ​ല​മെ​ന്‍റി​ലെ​ത്തി​ച്ച കോ​ൺ​ഗ്ര​സി​ന്‍റെ ‘പ​ശു​വും കി​ടാ​വി’​ന്‍റെ ക​യ​ർ പി​ടി​ച്ച് 1977ൽ ​ബി. ജ​നാ​ർ​ദ​ന പൂ​ജാ​രി ക​ന്നി ലോ​ക്സ​ഭ പ്ര​വേ​ശം ന​ട​ത്തി. തു​ട​ർ​ന്ന് മൂ​ന്ന് തെ​ര​ഞ്ഞെ​ടു​പ്പു​ക​ളി​ൽ മം​ഗ​ളൂ​രു മ​ണ്ഡ​ലം പൂ​ജാ​രി​യെ ‘കൈ’​പി​ടി​ച്ച് കേ​ന്ദ്ര മ​ന്ത്രി​ക്ക​സേ​ര​യി​ൽ​വ​രെ ഇ​രു​ത്തി.

പി​ന്നീ​ട​ങ്ങോ​ട്ട് തീ​വ്ര​ഹി​ന്ദു​ത്വ തി​ര​മാ​ല​ക​ൾ ആ​ഞ്ഞ​ടി​ക്കു​ക​യാ​യി​രു​ന്നു. 1991, 1996, 1998, 2004, 2009, 2014 തെ​ര​ഞ്ഞെ​ടു​പ്പു​ക​ളി​ൽ പൂ​ജാ​രി​യും ക​ർ​ണാ​ട​ക മു​ഖ്യ​മ​ന്ത്രി​യും കേ​ന്ദ്ര​മ​ന്ത്രി​യു​മാ​യി​രു​ന്ന അ​ഡ്വ.​എം. വീ​ര​പ്പ മൊ​യ്‌​ലി​യും നി​ലം​പ​രി​ശാ​യി. തീ​ര ജി​ല്ല കാ​വി ഫാ​ഷി​സ​ത്തി​ന്‍റെ പ​രി​ശീ​ല​ന​ക്ക​ള​രി​യാ​കു​ന്ന​തി​നെ​തി​രെ മ​തേ​ത​ര മ​ന​സ്സു​ണ​ർ​ത്താ​ൻ ന​ട​ന്ന പ​രി​ശ്ര​മ​ങ്ങ​ളും വി​ജ​യി​ച്ചി​ല്ല. 2019ൽ ​ന​ട​ന്ന തെ​ര​ഞ്ഞെ​ടു​പ്പി​ൽ ഹാ​ട്രി​ക് വി​ജ​യം നേ​ടി​യ ബി.​ജെ.​പി​യു​ടെ ന​ളി​ൻ കു​മാ​ർ ക​ട്ടീ​ലി​ന്‍റെ ഭൂ​രി​പ​ക്ഷം 2014ലെ 1.44 ​ല​ക്ഷ​ത്തി​ൽ നി​ന്ന് 2.75 ല​ക്ഷ​മാ​യി ഉ​യ​ർ​ന്നു.

സ്വ​കാ​ര്യ മേ​ഖ​ല​യി​ലെ മെ​ഡി​ക്ക​ൽ, എ​ൻ​ജി​നീ​യ​റി​ങ് കോ​ള​ജു​ക​ളു​ടെ​യും അ​നു​ബ​ന്ധ സ്ഥാ​പ​ന​ങ്ങ​ളു​ടെ​യും ഹ​ബ്ബാ​ണ് 2009ൽ ​ദ​ക്ഷി​ണ ക​ന്ന​ട എ​ന്ന് നാ​മ​മാ​റ്റം വ​രു​ത്തി​യ മ​ണ്ഡ​ലം. തെ​ന്നി​ന്ത്യ​യി​ലെ പ്ര​മു​ഖ എ​ണ്ണ ശു​ദ്ധീ​ക​ര​ണ, പാ​ച​ക​വാ​ത​ക, പെ​ട്രോ​ളി​യം ക​മ്പ​നി​ക​ൾ ഉ​ൾ​പ്പെ​ടെ വ​ൻ​കി​ട, ചെ​റു​കി​ട വ്യ​വ​സാ​യ ശാ​ല​ക​ളു​ടെ ശൃം​ഖ​ല​ത​ന്നെ ഈ ​മ​ണ്ഡ​ല​ത്തി​ലു​ണ്ട്. ഇ​ന്ത്യ​ൻ കാ​ർ​ഷി​ക ഗ​വേ​ഷ​ണ കൗ​ൺ​സി​ലി​ന്റെ ക​ശു​വ​ണ്ടി ഗ​വേ​ഷ​ണ സ്ഥാ​പ​നം, കേ​ര​ള -ക​ർ​ണാ​ട​ക സം​യു​ക്ത സ​ഹ​ക​ര​ണ മേ​ഖ​ല​യി​ലെ കാം​പ്കോ ഫാ​ക്ട​റി തു​ട​ങ്ങി​യ​വ​യും പ്ര​വ​ർ​ത്തി​ക്കു​ന്നു. വ്യാ​പാ​ര, വ്യ​വ​സാ​യ, വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ മ​ല​യാ​ളി​ക​ൾ വ്യാ​പ​രി​ച്ചു​കി​ട​ക്കു​ന്നു.

പു​തു​മു​ഖ​ങ്ങ​ളാ​ണ് തു​റ​മു​ഖ മ​ണ്ഡ​ല​ത്തി​ൽ പോ​ര​ടി​ക്കു​ന്ന ബി.​ജെ.​പി​യു​ടെ ക്യാ​പ്റ്റ​ൻ ബ്രി​ജേ​ഷ് ഛൗട്ട​യും കോ​ൺ​ഗ്ര​സി​ന്‍റെ പ​ത്മ​രാ​ജ് ആ​ർ. പൂ​ജാ​രി​യും. ഇ​രു​വ​രും ഓ​രോ കോ​ടി​യി​ൽ താ​ഴെ മാ​ത്രം ആ​സ്തി​യു​ള്ള​വ​ർ. പ​ട്ടാ​ള​ച്ചി​ട്ട​യും ആ​ർ.​എ​സ്.​എ​സ് ച​ട്ട​ക്കൂ​ടും ചേ​ർ​ന്ന ഛൗട്ട​യു​ടെ പ്ര​ചാ​ര​ണം ബി.​ജെ.​പി​യു​ടെ പ്ര​തീ​ക്ഷ വ​ള​ർ​ത്തു​ന്ന​തേ​യു​ള്ളൂ. ന​ളി​ൻ കു​മാ​ർ ക​ട്ടീ​ലു​മാ​യി അ​ക​ന്ന് പു​ത്തി​ല പ​രി​വാ​ർ പാ​ർ​ട്ടി​യു​ണ്ടാ​ക്കി വ​ഴി​പി​രി​ഞ്ഞ അ​നി​ൽ കു​മാ​ർ പു​ത്തി​ല ബി.​ജെ.​പി​യി​ൽ തി​രി​ച്ചെ​ത്തി പ്ര​ചാ​ര​ണ​ത്തി​ൽ സ​ജീ​വ​മാ​ണ്.

ബി​ല്ല​വ വോ​ട്ടു​ക​ൾ നി​ർ​ണാ​യ​ക​മാ​യ മ​ണ്ഡ​ല​ത്തി​ൽ ആ ​സ​മു​ദാ​യ​ക്കാ​ര​ൻ എ​ന്ന​ത് കോ​ൺ​ഗ്ര​സ് സ്ഥാ​നാ​ർ​ഥി​ക്ക് അ​നു​കൂ​ലം. അ​ര​ല​ക്ഷ​ത്തി​ലേ​റെ വോ​ട്ടു​ക​ളു​ള്ള എ​സ്.​ഡി.​പി.​ഐ​യു​ടെ​യും വെ​ൽ​ഫെ​യ​ർ പാ​ർ​ട്ടി​യു​ടെ​യും പ​ര​സ്യ പി​ന്തു​ണ കോ​ൺ​ഗ്ര​സി​നാ​ണ്. സി.​പി.​എം, സി.​പി.​ഐ ഉ​ൾ​പ്പെ​ടെ ഇ​ട​ത് പാ​ർ​ട്ടി​ക​ൾ ‘ഇ​ൻ​ഡ്യ’ മു​ന്ന​ണി​യി​ൽ അ​ണി​ചേ​ർ​ന്ന് കോ​ൺ​ഗ്ര​സ് സ്ഥാ​നാ​ർ​ഥി​ക്കാ​യി രം​ഗ​ത്തു​ണ്ട്. ഹി​ന്ദു -66, മു​സ്‌​ലിം -25, ക്രി​സ്ത്യ​ൻ -8.20 എ​ന്നി​ങ്ങ​നെ​യാ​ണ് മ​ണ്ഡ​ല​ത്തി​ലെ ജ​ന​സം​ഖ്യ ശ​ത​മാ​നം.

ദ​ക്ഷി​ണ ക​ന്ന​ട ലോ​ക്സ​ഭ മ​ണ്ഡ​ലം

ലോ​ക്സ​ഭ 2014

ന​ളി​ൻ കു​മാ​ർ ക​ട്ടീ​ൽ-774285

മി​ഥു​ൻ റൈ -499664

മു​ഹ​മ്മ​ദ് ഇ​ല്യാ​സ് എ​സ്.​ഡി.​പി.​ഐ -46839

2023 നിയമസഭ തെരഞ്ഞെടുപ്പ്

മം​ഗ​ളൂ​രു നോ​ർ​ത്ത്, മം​ഗ​ളൂ​രു സൗ​ത്ത്, ബെ​ൽ​ത്ത​ങ്ങാ​ടി, മൂ​ഡ​ബി​ദ്രി, ബ​ണ്ട്വാ​ൾ, സു​ള്ള്യ (ബി.​ജെ.​പി)

മം​ഗ​ളൂ​രു, പു​ത്തൂ​ർ (കോ​ൺ​ഗ്ര​സ്)